ನವದೆಹಲಿ: ಇಂಗ್ಲೆಂಡ್ ತಂಡದ ಜೇಮ್ಸ್ ಆ್ಯಂಡರ್ಸನ್ ಜೊತೆ ಕ್ರೀಡಾ ವೆಬ್ಸೈಟ್ ಒಂದು ಹೋಲಿಕೆ ಮಾಡಿ ಅಂಕಿ-ಅಂಶ ಪ್ರಕಟಿಸಿದ್ದಕ್ಕೆ ಉತ್ತರಿಸಿರುವ ಸ್ಟೈನ್, ಇಂಗ್ಲಿಷ್ ಬೌಲರ್ ವಯಸ್ಸಿಗೆ ತಕ್ಕಂತೆ ಅತ್ಯುತ್ತಮ ಪ್ರದರ್ಶನ ತೋರುತ್ತಿದ್ದಾರೆ ಎಂದು ಹೇಳಿದ್ದಾರೆ.
ಮಂಗಳವಾರ ಮುಗಿದ ಮೊದಲ ಟೆಸ್ಟ್ನಲ್ಲಿ ಎರಡನೇ ಇನ್ನಿಂಗ್ಸ್ ವೇಳೆ ಶುಬ್ಮನ್ ಗಿಲ್, ಅಜಿಂಕ್ಯ ರಹಾನೆ ಮತ್ತು ರಿಷಭ್ ಪಂತ್ ವಿಕೆಟ್ ಪಡೆಯುವ ಮೂಲಕ ಭಾರತ ತಂಡದ ವಿರುದ್ಧ 227 ರನ್ಗಳ ಜಯ ಗಳಿಸಲು ಪ್ರಮುಖ ಪಾತ್ರ ವಹಿಸಿದ್ದರು.
ಕ್ರೀಡಾ ವೆಬ್ಸೈಟ್, ಏಷ್ಯಾ ನೆಲದಲ್ಲಿ ಸ್ಟೈನ್ ಮತ್ತು ಆ್ಯಂಡರ್ಸನ್ ಎಷ್ಟು ಉತ್ತಮ ಪ್ರದರ್ಶನ ತೋರಿದ್ದಾರೆಂದು ಅಂಕಿ-ಅಂಶಗಳನ್ನು ಟ್ವೀಟ್ ಮಾಡಿತ್ತು. ಅದರ ಪ್ರಕಾರ ಆ್ಯಂಡರ್ಸನ್ 27.94 ಸರಾಸರಿಯಲ್ಲಿ 71 ವಿಕೆಟ್ ಪಡೆದಿದ್ದರು. ಅವರ ಬೆಸ್ಟ್ ಬೌಲಿಂಗ್ 46 ರನ್ ನೀಡಿ 6 ವಿಕೆಟ್ ಪಡೆದಿರುವುದಾಗಿತ್ತು. ಸ್ಟೈನ್ 24.11 ಸರಾಸರಿಯಲ್ಲಿ 92 ವಿಕೆಟ್ ಪಡೆದಿದ್ದರು. ಅವರು 108 ರನ್ ನೀಡಿ 10 ವಿಕೆಟ್ ಪಡೆದಿರುವುದು ಅತ್ಯುತ್ತಮ ಪ್ರದರ್ಶನವಾಗಿತ್ತು.