ಕೊಹ್ಲಿ, ಧೋನಿ ರೋಹಿತ್​ ಮಾಡಿಲ್ಲದ ಸಾಧನೆ ಮಹಿಳಾ ಕ್ರಿಕೆಟರ್​ ಹರ್ಮನ್​ ಪ್ರೀತ್​ ಕೌರ್​ ಹೆಸರಿಗೆ!

ಎಂಎಸ್​ ಧೋನಿ ಮತ್ತು ರೋಹಿತ್​ ಶರ್ಮಾ 98 ಪಂದ್ಯಗಳನ್ನಾಡಿದ್ದರೆ, ಕೊಹ್ಲಿ 72 ಟಿ-20 ಪಂದ್ಯಗಳನ್ನಾಡಿದ್ದಾರೆ. ಸುರೇಶ್ ರೈನಾ ಕೂಡ 78 ಪಂದ್ಯಗಳನ್ನಾಡಿದ್ದಾರೆ. ಇನ್ನು ಮಹಿಳೆಯರಲ್ಲಿ ಭಾರತ ತಂಡದ ಏಕದಿನ ತಂಡದ ನಾಯಕಿ ಮಿಥಾಲಿರಾಜ್​ 89 ಟಿ-20 ಪಂದ್ಯಗಳನ್ನಾಡಿ ನಿವೃತ್ತಿ ಹೊಂದಿದ್ದಾರೆ.

ಸೂರತ್​: ಭಾರತ ಮಹಿಳಾ ತಂಡದ ನಾಯಕಿ ಹರ್ಮನ್​ ಪ್ರೀತ್​ ಕೌರ್​ ಶುಕ್ರವಾರ ದಕ್ಷಿಣ ಆಫ್ರಿಕಾ ವಿರುದ್ಧ ತಮ್ಮ 100 ಟಿ-20 ಪಂದ್ಯವಾಡುವ ಮೂಲಕ ಭಾರತ ಪರ ಅತ್ಯಧಿಕ ಟಿ-20 ಪಂದ್ಯವನ್ನಾಡಿದ ಕ್ರಿಕೆಟರ್​ ಎನಿಸಿಕೊಂಡರು.

ಸೂರತ್​ನಲ್ಲಿ ಆಫ್ರಿಕನ್ನರ ವಿರುದ್ಧ ಕೊನೆಯ ಟಿ-20 ಪಂದ್ಯವಾಡಿದ ಹರ್ಮನ್​ ಪ್ರೀತ್​ ಕೌರ್​ 100 ಪಂದ್ಯಗಳನ್ನಾಡಿದ ಏಕೈಕ ಭಾರತೀಯ ಕ್ರಿಕೆಟರ್​ ಎನಿಸಿಕೊಂಡರು. ವಿಶೇಷವೆಂದರೆ ಭಾರತ ಪುರುಷರ ತಂಡದ ಮಾಜಿ ನಾಯಕ ಎಂಎಸ್​ ಧೋನಿ, ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ ಕೂಡ ಇನ್ನೂ 100 ಟಿ-20 ಪಂದ್ಯಗಳನ್ನಾಡಿಲ್ಲ.

ಎಂಎಸ್​ ಧೋನಿ ಮತ್ತು ರೋಹಿತ್​ ಶರ್ಮಾ 98 ಪಂದ್ಯಗಳನ್ನಾಡಿದ್ದರೆ, ಕೊಹ್ಲಿ 72 ಟಿ-20 ಪಂದ್ಯಗಳನ್ನಾಡಿದ್ದಾರೆ. ಸುರೇಶ್ ರೈನಾ ಕೂಡ 78 ಪಂದ್ಯಗಳನ್ನಾಡಿದ್ದಾರೆ. ಇನ್ನು ಮಹಿಳೆಯರಲ್ಲಿ ಭಾರತ ತಂಡದ ಏಕದಿನ ತಂಡದ ನಾಯಕಿ ಮಿಥಾಲಿರಾಜ್​ 89 ಟಿ-20 ಪಂದ್ಯಗಳನ್ನಾಡಿ ನಿವೃತ್ತಿ ಹೊಂದಿದ್ದಾರೆ.

ಕೌರ್​ 100 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದು, 89 ಇನ್ನಿಂಗ್ಸ್​ಗಳಿಂದ 2004 ರನ್​ ಬಾರಿಸಿದ್ದಾರೆ. ಇದರಲ್ಲಿ1 ಶತಕ 6 ಅರ್ಧಶತಕ ಕೂಡ ಸೇರಿದೆ.