ಮುಂಬೈ:ಭಾರತ ಕ್ರಿಕೆಟ್ನ ಆರಂಭಿಕ ಬ್ಯಾಟ್ಸ್ಮನ್ ಹಾಗೂ ಸೀಮಿತ ಓವರ್ ತಂಡದ ಉಪನಾಯಕ ರೋಹಿತ್ ಶರ್ಮಾ ಇಂದು ತಮ್ಮ 33 ನೇ ಜನ್ಮದಿನ ಆಚರಿಸಿಕೊಳ್ತಿದ್ದು ಹಾಲಿ ಮತ್ತು ಮಾಜಿ ಕ್ರಿಕೆಟಿಗರು ಶುಭಕೋರಿದ್ದಾರೆ.
ಪವರ್ ಹಿಟ್ಟರ್ ಎಂದೇ ಖ್ಯಾತಿ ಪಡೆದಿದ್ದ ಸುರೇಶ್ ರೈನಾ ರೋಹಿತ್ಗೆ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ. ರೋಹಿತ್ ಶರ್ಮಾ ಫೋಟೋ ಟ್ವೀಟ್ ಮಾಡಿರುವ ರೈನಾ ‘ಹ್ಯಾಪಿ ಬರ್ತ್‌ಡೇ, ರೋಹಿತ್, ಈ ಭೀಕರ ಸಮಯದಲ್ಲಿ ನಿನಗೂ ಮತ್ತು ನಿಮ್ಮ ಕುಟುಂಬಕ್ಕೂ ಆರೋಗ್ಯ ಮತ್ತು ಖುಷಿ ತರಲಿ. ಮನೆಯಲ್ಲಿ ಸುರಕ್ಷಿತವಾಗಿರು, ಕೇಕ್ ತಯಾರಿಸು’ಎಂದು ಟ್ವೀಟ್ ಮಾಡಿ ಶುಭ ಕೋರಿದ್ದಾರೆ.
ಭಾರತ ತಂಡದ ಕೋಚ್ ರವಿಶಾಸ್ತ್ರಿ, ಹ್ಯಾಪಿ ಬರ್ತ್‌ಡೇ, ಶರ್ಮಾ! ನಿಮ್ಮ ಮುಂದಿನ ವರ್ಷಗಳಲ್ಲಿ ಉತ್ತಮವಾಗಿರಲಿ. ನಿಮಗೂ ಮತ್ತು ಕುಟುಂಬಕ್ಕೂ ಆರೋಗ್ಯ ಮತ್ತು ಖುಷಿ ತರಲಿ ಎಂದು ನಾನು ಪ್ರಾರ್ಥಿಸುತ್ತೇನೆ ಎಂದು ಟ್ವೀಟ್ ಮಾಡಿದ್ದಾರೆ.
ಭಾರತ ತಂಡದ ವೇಗಿ ಮೊಹಮ್ಮದ್ ಶಮಿ ಕೂಡ ಟ್ವೀಟ್ ಮೂಲಕ ಶುಭಕೋರಿದ್ದಾರೆ. ನಿಮಗೆ ನಿಮ್ಮ ಹಳೆಯ ಮತ್ತು ಹೊಸ ಹಾಗೂ ಒಳ್ಳೆಯ ಗೆಳೆಯರ ಕಡೆಯಿಂದ ಹುಟ್ಟುಹಬ್ಬದ ಶುಭಾಶಯಗಳು, ಸಂತೋಷದಿಂದ ಮುನ್ನಡೆಯಿರಿ ಎಂದು ಬರೆದುಕೊಂಡಿದ್ದಾರೆ.
ಇನ್ನು ಕನ್ನಡಿಗ ಮಯಾಂಕ್ ಅಗರ್ವಾಲ್, ನನ್ನ ಮೊದಲ ಟೆಸ್ಟ್ ಶತಕ ಸಿಡಿಸಲು ರೋಹಿತ್ ಶರ್ಮಾ ಸಲಹೆ ನೀಡಿದ ಸಂದರ್ಭವನ್ನು ಸ್ಮರಿಸುತ್ತಾ, ಹ್ಯಾಪಿ ಬರ್ತ್‌ಡೇ, ರೋಹಿತ್, ಮತ್ತೆ ಇಂತಹ ಸಂದರ್ಭಕ್ಕೆ ಮರುಸೃಷ್ಠಿಸಲು ಕಾಯಲಾಗುತ್ತಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.
ಯುವ ಕ್ರಿಕೆಟಿಗರಾದ ಖಲೀಲ್ ಅಹ್ಮದ್, ಹನುಮ ವಿಹಾರಿ, ಕರಣ್ ಶರ್ಮಾ ಹಾಗೂ ಬಿಸಿಸಿಐ, ಐಸಿಸಿ ಹಾಗೂ ಕ್ರಿಕೆಟ್ ಆಸ್ಟ್ರೇಲಿಯಾ, ಮುಂಬೈ ಇಂಡಿಯನ್ಸ್ ತಮ್ಮ ಅಧಿಕೃತ ಟ್ವಿಟರ್ ಮೂಲಕ ಹಿಟ್ಮ್ಯಾನ್ಗೆ ಶುಭಕೋರಿದ್ದಾರೆ.
2019 ರ ವಿಶ್ವಕಪ್ನಲ್ಲಿ ವಿಶ್ವದಾಖಲೆಯ 5 ಶತಕ ಸೇರಿದಂತೆ 648 ರನ್ಗಳಿಸಿದ್ದರು. ಭಾರತ ತಂಡದ ಉಪನಾಯಕನಾಗಿರುವ ಅವರು 224 ಏಕದಿನ ಪಂದ್ಯ, 108 ಟಿ20 ಹಾಗೂ 32 ಟೆಸ್ಟ್ ಪಂದ್ಯಗಳನ್ನಾಡಿದ್ದಾರೆ. ಒಟ್ಟಾರೆ ಮೂರು ಮಾದರಿಯ ಕ್ರಿಕೆಟ್ನಿಂದ 14,029 ರನ್ಗಳಿಸಿದ್ದಾರೆ.
