ಬ್ರಾಮ್ಟನ್: ಕಳೆದ ತಿಂಗಳಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದ ಯುವರಾಜ್ ಸಿಂಗ್ ಇಂದಿನಿಂದ ಕೆನಡಾದಲ್ಲಿ ಆರಂಭವಾಗಲಿರುವ ಗ್ಲೋಬಲ್ ಟಿ20 ಲೀಗ್ನಲ್ಲಿ ಕಣಕ್ಕಿಳಿಯಲಿದ್ದಾರೆ.
ಎರಡನೇ ಆವೃತ್ತಿಯ ಗ್ಲೋಬಲ್ ಟಿ20 ಲೀಗ್ ಇಂದಿನಿಂದ ಆರಂಭವಾಗುತ್ತಿದ್ದು ಭಾರತದ ಮಾಜಿ ಆಲ್ರೌಂಡರ್ ಟೊರೆಂಟೋ ನ್ಯಾಷನಲ್ ತಂಡದ ಪರ ಕಣಕ್ಕಿಳಿಯುತ್ತಿದ್ದು, ಪದಾರ್ಪಣೆ ಪಂದ್ಯದಲ್ಲಿಯೇ ತಂಡದ ನಾಯಕತ್ವ ವಹಿಸಿಕೊಂಡಿದ್ದಾರೆ.
ಯುವರಾಜ್ ನೇತೃತ್ವದ ಟೊರೆಂಟೋ ನ್ಯಾಷನಲ್ ತಂಡ ಹಾಳಿ ಚಾಂಪಿಯನ್ ವಾಂಕೋವರ್ ನೈಟ್ಸ್ ವಿರುದ್ಧ ಇಂದು ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿವೆ. ಈ ತಂಡವನ್ನು ಯುನಿವರ್ಸಲ್ ಬಾಸ್ ಕ್ರಿಸ್ ಗೇಲ್ ಮುನ್ನಡೆಸುತ್ತಿದ್ದಾರೆ.
ಯುವಿ ತಂಡದಲ್ಲಿ ಕಿವೀಸ್ ದಿಗ್ಗಜ ಬ್ರೆಂಡನ್ ಮೆಕಲಮ್, ಕೀರನ್ ಪೊಲಾರ್ಡ್, ಹೆನ್ರಿಚ್ ಕ್ಲಾಸನ್, ಮಿಚೆಲ್ ಮೆಕ್ಲೆನ್ಘಾನ್ ಹಾಗೂ ಯುವಿ ಗೆಳೆ ಮನ್ಪ್ರೀತ್ ಗೋನಿ ಇದ್ದಾರೆ. ಇತ್ತ ಗೇಲ್ ತಂಡದಲ್ಲಿ ಪಾಕಿಸ್ತಾನದ ಮಲಿಕ್, ಆ್ಯಂಡ್ರ್ಯೂ ರಸೆಲ್, ಟಿಮ್ ಸೌತಿ, ರಾಸ್ಸಿ ವಾನ್ ಡರ್ ಡಾಸ್ಸೆನ್ ಇದ್ದಾರೆ.
