ಮುಂಬೈ:ಭಾರತ ತಂಡದ ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ಎರಡನೇ ಮಗುವಿನ ತಂದೆಯಾಗುತ್ತಿದ್ದಾರೆ. ಸಾಮಾಜಿಕ ಜಾಲಾತಾಣದಲ್ಲಿ ಭಜ್ಜಿ ಪತ್ನಿ ಈ ವಿಷಯವನ್ನು ಹಂಚಿಕೊಂಡಿದ್ದಾರೆ.
ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಮ್ನಲ್ಲಿ ಹರ್ಭಜನ್ ಪತ್ನಿ ಗೀತಾ ಬಸ್ರಾ ತಮ್ಮ ಬೇಬಿ ಬಂಪ್ ಚಿತ್ರಗಳ ಜೊತೆಗೆ 'ಜುಲೈ 2021ಕ್ಕೆ' ತಮ್ಮ ಕುಟುಂಬಕ್ಕೆ ಮತ್ತೊಂದು ಮಗುವಿನ ಆಗಮನವಾಗಲಿದೆ ಎಂದು ಬರೆದುಕೊಂಡಿದ್ದಾರೆ.
ಟ್ವಿಟರ್ನಲ್ಲಿ ಹಂಚಿಕೊಂಡಿರುವ ಒಂದು ಪೋಟೋದಲ್ಲಿ ತಮ್ಮ ಮಗಳು ಹಿನಾಯಾ ಕೈಯಲ್ಲಿ "ಶೀಘ್ರದಲ್ಲೇ ನಾನು ಅಕ್ಕನಾಗಳಿದ್ದೇನೆ" ಎಂದು ಬರೆದಿರುವ ಟೀ ಶರ್ಟ್ ಹಿಡಿಸಿ ಪೋಟೋಗೆ ಪೋಸ್ ನೀಡಿಸಿದ್ದಾರೆ.
ಬಾಲಿವುಡ್ ನಟಿ ಗೀತಾ ಬಸ್ರಾ 2015ರಲ್ಲಿ ಹರ್ಭಜನ್ ಸಿಂಗ್ರನ್ನು ವರಿಸಿದ್ದರು. ಈ ಜೋಡಿಗೆ 2016 ಜುಲೈ 28ರಂದು ಹೆಣ್ಣು ಮಗು ಜನಿಸಿದ್ದು, ಆ ಮಗುವಿಗೆ ಹಿನಾಯಾ ಹೀರ್ ಪ್ಲಾಹಾ ಎಂದು ನಾಮಕರಣ ಮಾಡಿದ್ದಾರೆ.