ಹುಟ್ಟುಹಬ್ಬದ ಪ್ರಯುಕ್ತ ಹುತಾತ್ಮ ಸೈನಿಕರ ಮಕ್ಕಳ ಜವಾಬ್ದಾರಿ ವಹಿಸಿಕೊಂಡ ಗಂಭೀರ್

ಭಾರತ ತಂಡದ ಅಗ್ರೆಸಿವ್​ ಬ್ಯಾಟ್ಸ್​ಮನ್​ ಆಗಿ ಗುರುತಿಸಿಕೊಂಡಿದ್ದ ಗಂಭೀರ್​ ತಮ್ಮ ಬರ್ತಡೇ ದಿನದಂದು ಹುತಾತ್ಮ ಸೈನಿಕರ ಮಕ್ಕಳ ಜವಾಬ್ದಾರಿ ವಹಿಸಿಕೊಳ್ಳುವ ಮೂಲಕ ಹೃದಯವಂತಿಗೆ ಮೆರೆದಿದ್ದಾರೆ.

ನವದೆಹಲಿ:ಭಾರತ ತಂಡದ ಮಾಜಿ ನಾಯಕ ಹಾಗೂ ಹಾಲಿ ಬಿಜೆಪಿ ಸಂಸದ ಇಂದು 38ನೇ ಚರ್ಷದ ಜನ್ಮದಿನವನ್ನಾಚರಿಸಿಕೊಳ್ಳುತ್ತಿದ್ದು, ಈ ಸಂದರ್ಭದಲ್ಲಿ ಹುತಾತ್ಮಯೋದರ ಮಕ್ಕಳ ಜವಾಬ್ದಾರಿ ತೆಗೆದುಕೊಂಡು ಹೃದಯವಂತಿಕೆ ಮೆರೆದಿದ್ದಾರೆ.

ಸದಾ ಭಾರತೀಯ ಸೈನಿಕರ ಪರ ಮಾತನಾಡುವ ಗಂಭೀರ್​ ತಮ್ಮ 'ಗೌತಮ್​ ಗಂಭೀರ್​ ಫೌಂಡೇಶನ್'​ ಮೂಲಕ ಹಲವಾರು ಸಾಮಾಜಿಕ ಕಾರ್ಯಕ್ರಮಗಳನ್ನು ನಡೆಸಿಕೊಂಡು ಬರುತ್ತಿರುವುದು ಹಳೆಯ ವಿಚಾರ.

ಬರ್ತಡೇ ಖುಷಿಯಲ್ಲಿರುವ ಗಂಭೀರ್​ ದೇಶಕ್ಕಾಗಿ ಪ್ರಾಣತ್ಯಾಗ ಮಾಡಿರುವ ಭಾರತೀಯ ಸೈನಿಕರ 100 ಮಕ್ಕಳ ಸಂಪೂರ್ಣ ಜವಾಬ್ದಾರಿಯನ್ನು ವಹಿಸಿಕೊಳ್ಳುವ ಮೂಲಕ ತಮ್ಮ 38ನೇ ಜನುಮದಿನವನ್ನ ಸಾರ್ಥಕಪಡಿಸಿಕೊಂಡಿದ್ದಾರೆ.

ಈ ಕುರಿತು ಟ್ವೀಟ್​ ಮಾಡಿರುವ ಗಂಭೀರ್​, "ಈ ಮಕ್ಕಳ ಮುಖದಲ್ಲಿ ನಗುವ ಮೂಡಿಸುವುದೇ ನನ್ನ ಜೀವನದ ಅತ್ಯಂತ ದೊಡ್ಡ ಸಾಧನೆ. ಅಭಿನಂಧನೆಗಳು ಜಿಜಿ ಫೌಂಡೇಶನ್​! 100 ಹುತಾತ್ಮ ಸೈನಿಕರ ಮಕ್ಕಳ ಜವಾಬ್ದಾರಿ ವಹಿಸಿಕೊಳ್ಳುತ್ತಿರುವ ವಿಚಾರನ್ನು ಹಂಚಿಕೊಳ್ಳಲು ಹೆಮ್ಮೆಯನ್ನಿಸುತ್ತಿದೆ. ಅವರ ಅಪ್ಪಂದಿರು ನಮ್ಮ ದೇಶಕ್ಕಾಗಿ ಅವರ ಪ್ರಾಣ ತ್ಯಾಗ ಮಾಡಿದ್ದಾರೆ. ಇದೀಗ ನಾವು ಎಷ್ಟು ಕೃತಜ್ಞರಾಗಿರುತ್ತೇವೆ ಎಂದು ತೋರಿಸಲು ನಮ್ಮ ಸರದಿ!" ಎಂದು ಟ್ವೀಟ್​ ಮಾಡಿದ್ದಾರೆ.