ಭಾರತ ತಂಡದ ಆಲ್​ರೌಂಡರ್​ ಯೂಸುಫ್ ಪಠಾಣ್​ಗೆ 37ರ ಸಂಭ್ರಮ

ಯೂಸುಫ್ ಪಠಾಣ್​ 2007 ರಲ್ಲಿ ಟಿ-20 ವಿಶ್ವಕಪ್​ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದರು. ಅವರು ಭಾರತದ ತಂಡದ ಪರ 57 ಏಕದಿನ ಹಾಗೂ 22 ಟಿ-20 ಪಂದ್ಯಳನ್ನಾಡಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲಿ 113.6ರ ಸ್ಟ್ರೈಕ್ ​ರೇಟ್​ನಲ್ಲಿ 810 ರನ್​ ಮತ್ತು 33 ವಿಕೆಟ್​, 145.58ರ ಸ್ಟ್ರೈಕ್​ರೇಟ್​ನಲ್ಲಿ 236 ರನ್ ಮತ್ತು 13 ವಿಕೆಟ್ ಪಡೆದಿದ್ದಾರೆ.

ಬರೋಡ:ಧೋನಿ ನೇತೃತ್ವದಲ್ಲಿ ಭಾರತ ಗೆದ್ದಿರುವ 2007ರ ಟಿ - 20 ವಿಶ್ವಕಪ್​ ಹಾಗೂ 2011ರ ಏಕದಿನ ವಿಶ್ವಕಪ್​ನಲ್ಲಿ ಅವಕಾಶ ಪಡೆದಿದ್ದ ಬರೋಡದ ಆಲ್​ರೌಂಡರ್​ ಯೂಸುಫ್ ಪಠಾಣ್​ ಇಂದು 37ನೇ ಜನ್ಮದಿನವನ್ನಾಚರಿಸಿಕೊಳ್ಳುತ್ತಿದ್ದಾರೆ.

ಯೂಸುಫ್ ಪಠಾಣ್​ 2007ರಲ್ಲಿ ಟಿ - 20 ವಿಶ್ವಕಪ್​ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದರು. ಅವರು ಭಾರತದ ತಂಡದ ಪರ 57 ಏಕದಿನ ಹಾಗೂ 22 ಟಿ-20 ಪಂದ್ಯಳನ್ನಾಡಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲಿ 113.6ರ ಸ್ಟ್ರೈಕ್​ರೇಟ್​ನಲ್ಲಿ 810 ರನ್​ ಮತ್ತು 33 ವಿಕೆಟ್​, 145.58ರ ಸ್ಟ್ರೈಕ್​ರೇಟ್​ನಲ್ಲಿ 236 ರನ್ ಮತ್ತು 13 ವಿಕೆಟ್ ಪಡೆದಿದ್ದಾರೆ.

37ನೇ ವಸಂತಕ್ಕೆ ಕಾಲಿಟ್ಟ ಯೂಸುಫ್​ಗೆ ಭಾರತ ಕ್ರಿಕೆಟ್​ ನಿಯಂತ್ರಣ ಮಂಡಳಿ ವಿಶೇಷ ಪೋಸ್ಟ್​ ಮೂಲಕ ಶುಭಕೋರಿದೆ. 2007 ಮತ್ತು 2011ರ ವಿಶ್ವಕಪ್​ ವಿನ್ನರ್​ಗೆ ಜನ್ಮದಿನದ ಶುಭಾಶಯಗಳು ಎಂದು ಟ್ವೀಟ್ ಮಾಡಿದೆ.

ಎರಡು ವಿಶ್ವಕಪ್​ಗಳಲ್ಲಿ ಭಾರತದ ಸಹ ಆಟಗಾರರನಾಗಿದ್ದ ಮಾಜಿ ಆಲ್​ರೌಂಡರ್​ ಯುವರಾಜ್ ಸಿಂಗ್​," ಹುಟ್ಟು ಹಬ್ಬದ ಶುಭಾಶಯಗಳು ಚಾಚಾ, ನೀವೊಬ್ಬ ರನ್ ತಯಾರಿಸುವ ಮಾರಕ ಯಂತ್ರ! ನಿಮ್ಮ ದಿನ ಸಾಕಷ್ಟು ಪ್ರೀತಿ ಮತ್ತು ನಗೆಯಿಂದ ತುಂಬಿರಲಿ! ನೀವು ಮತ್ತು ನಿಮ್ಮ ಮನೆಯಲ್ಲಿರುವವರೆಲ್ಲರೂ ಆರೋಗ್ಯದಿಂದ ಇರಿ ಎಂದು ಭಾವಿಸುತ್ತೇವೆ" ಎಂದು ಟ್ವೀಟ್ ಮಾಡಿದ್ದಾರೆ.