ಮ್ಯಾಂಚೆಸ್ಟರ್(ಇಂಗ್ಲೆಂಡ್): ಭಾರತದ ಮಾಜಿ ಆಟಗಾರ ಸಂಜಯ್ ಮಂಜ್ರೇಕರ್ರ ಪ್ರತಿಯೊಂದು ಟ್ವೀಟನ್ನು ಟ್ರೋಲ್ ಮಾಡುತ್ತಿದ್ದ ಇಂಗ್ಲೆಂಡ್ ಮಾಜಿ ನಾಯಕ ಮೈಕಲ್ ವಾನ್ರನ್ನು ಬ್ಲಾಕ್ ಮಾಡಿ ಮತ್ತೆ ಸುದ್ದಿಯಾಗಿದ್ದಾರೆ.
ಜಡೇಜಾರನ್ನು ಚೂರು ಚೂರಾಗಿರುವ ಕ್ರಿಕೆಟಿಗ, ನಾನು ಅಂತಹ ಕ್ರಿಕೆಟಿಗರನ್ನು ಇಷ್ಟಪಡುವುದಿಲ್ಲ. ಅದರಲ್ಲೂ ಜಡೇಜಾ ಏಕದಿನ ಕ್ರಿಕೆಟ್ಗೆ ಲಾಯಕ್ಕಿಲ್ಲ ಎಂದು ಸಂದರ್ಶನವೊಂದರಲ್ಲಿ ಮೈಕಲ್ ವಾನ್ ವಿವಾದಿತ ಹೇಳಿಕೆ ನೀಡಿದ್ದರು. ಆದರೆ ನಂತರ ಸೆಮಿಫೈನಲ್ ಪಂದ್ಯಕ್ಕೆ ತಾವೇ ಆಯ್ಕೆ ಮಾಡಿದ ಭವಿಷ್ಯದ ತಂಡದಲ್ಲಿ ಜಡೇಜಾರನ್ನು ಆಯ್ಕೆ ಮಾಡಿಕೊಂಡಿದ್ದರು. ಈ ಟ್ವೀಟ್ಗೆ ಪ್ರತಿಕ್ರಿಯಿಸಿದ್ದ ವಾನ್ 'ನೀವು ಚೂರು ಚೂರಾದ ಕ್ರಿಕೆಟಿಗರನ್ನು ಆಯ್ಕೆ ಮಾಡಿದ್ದೀರಾ!!' ಎಂದು ಟ್ವೀಟ್ ಮಾಡಿದ್ದರು.
ಇದಕ್ಕೆ ಮತ್ತೆ ಪ್ರತಿಕ್ರಿಯಿಸಿದ್ದ ಮಂಜ್ರೇಕರ್ ಇದು ಕೇವಲ ಭವಿಷ್ಯದ ತಂಡ. ನನ್ನ ನೆಚ್ಚಿನ ತಂಡವಲ್ಲ ಎಂದು ಉತ್ತರಿಸಿದ್ದರು. ಆದರೆ ಇಂದು ಕಿವೀಸ್ ವಿರುದ್ಧ ಮಂಜ್ರೇಕರ್ ಆಯ್ಕೆ ಮಾಡಿದ ತಂಡದಲ್ಲಿ ಜಡೇಜಾರನ್ನು ಕೈಬಿಟ್ಟಿದ್ದರು. ಆದರೆ ಜಡೇಜಾ ಕಿವೀಸ್ ವಿರುದ್ಧ ಆಯ್ಕೆಯಾಗಿದ್ದರಿಂದ ಮಂಜ್ರೇಕರ್ಗೆ ಮುಖಭಂಗವಾಗಿತ್ತು.
ಇದನ್ನೇ ಟಾಪಿಕ್ ಆಗಿ ತೆಗೆದುಕೊಂಡ ವಾನ್ ಜಡೇಜಾ ಬೌಲಿಂಗ್ ಬಂದ ತಕ್ಷಣ ಮಂಜ್ರೇಕರ್ಗೆ ಟ್ಯಾಗ್ ಮಾಡಿ ಟ್ವೀಟ್ ಮಾಡಿದ್ದರು. ನಂತರ ಮತ್ತೆ ವಿಕೆಟ್ ಪಡೆದ ತಕ್ಷಣ ಚೂರು ಚೂರಾದ ಕ್ರಿಕೆಟಿಗನಿಂದ ಅತ್ಯುತ್ತಮ ಬೌಲಿಂಗ್ ಎಂದು ಮತ್ತೆ ಟ್ವೀಟ್ ಮಾಡಿದರು. ಇದರಿಂದ ಕೋಪಗೊಂಡ ಮಂಜ್ರೇಕರ್ ಮೈಕಲ್ ವಾನ್ರನ್ನು ತಮ್ಮ ಫಾಲೋವರ್ಸ್ ಲಿಸ್ಟ್ನಿಂದ ಬ್ಲಾಕ್ ಮಾಡಿದ್ದಾರೆ.
ಇದನ್ನೂ ಬಿಡದ ವಾನ್ " ಬ್ರೇಕಿಂಗ್ ನ್ಯೂಸ್... ನಾನು ಸಂಜಯ್ ಮಂಜ್ರೇಕರ್ರಿಂದ ಬ್ಲಾಕ್ ಆಗಿದ್ದೇನೆ" ಎಂದು ಟ್ವೀಟ್ ಮಾಡಿದ್ದಾರೆ.
