ವೆಲ್ಲಿಂಗ್ಟನ್:ನ್ಯೂಜಿಲ್ಯಾಂಡ್ ಪ್ರವಾಸದಲ್ಲಿರುವ ಟೀಂ ಇಂಡಿಯಾ ಮೊದಲ ಟೆಸ್ಟ್ ಪಂದ್ಯದಲ್ಲಿ ಹೀನಾಯ ಸೋಲು ಕಂಡಿದ್ದು, ಇದರ ಮಧ್ಯೆ ಎರಡನೇ ಪಂದ್ಯಕ್ಕಾಗಿ ಉಭಯ ತಂಡಗಳು ಸಜ್ಜುಗೊಳ್ತಿವೆ.
ಪೋಸ್ ನೀಡುವುದು ಬಿಟ್ಟು, ಕ್ರಿಕೆಟ್ ಆಡಿ: ಇಶಾಂತ್, ಮಯಾಂಕ್ ಟ್ರೋಲ್ ಮಾಡಿದ ನೆಟಿಜನ್ಸ್!
ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲು ಕಂಡಿದ್ದು, ಇದರ ಮಧ್ಯೆ ಇಶಾಂತ್ ಶರ್ಮಾ, ಮಯಾಂಕ್ ಅಗರವಾಲ್ ನೆಟಿಜನ್ಸ್ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
Fans trolled Ishant Sharma and Mayank Agarwal
ಮೊದಲ ಟೆಸ್ಟ್ ಪಂದ್ಯದಲ್ಲಿ ಇಶಾಂತ್ ಶರ್ಮಾ ಐದು ವಿಕೆಟ್ ಪಡೆದುಕೊಂಡು ಮಿಂಚಿದ್ರೆ, ಮಯಾಂಕ್ ಅಗರವಾಲ್ ಎರಡು ಇನ್ನಿಂಗ್ಸ್ನಿಂದ 92ರನ್ಗಳಿಕೆ ಮಾಡಿ ಅತಿ ಹೆಚ್ಚು ರನ್ಗಳಿಕೆ ಮಾಡಿದ್ದ ಬ್ಯಾಟ್ಸ್ಮನ್(ಇಂಡಿಯಾ ಪರ) ಎನಿಸಿಕೊಂಡಿದ್ದಾರೆ. ಇದೀಗ ಈ ಇಬ್ಬರು ಪ್ಲೇಯರ್ ಎರಡನೇ ಟೆಸ್ಟ್ ಪಂದ್ಯ ಆಡಲು ಪ್ರಯಾಣ ಬೆಳೆಸುತ್ತಿದ್ದ ವೇಳೆ, ಫೋಟೊವೊಂದಕ್ಕೆ ಪೋಸ್ ನೀಡಿದ್ದು, ಅದನ್ನ ತಮ್ಮ ಟ್ವಿಟ್ಟರ್ ಅಕೌಂಟ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಇದೇ ವಿಷಯವನ್ನಿಟ್ಟುಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ನೆಟಿಜನ್ಸ್ ಈ ಪ್ಲೇಯರ್ಸ್ ಕಾಲೆಳೆದಿದ್ದು, ಫೋಟೋಗಳಿಗೆ ಪೋಸ್ ನೀಡುವುದು ಬಿಟ್ಟು ಸರಿಯಾಗಿ ಕ್ರಿಕೆಟ್ ಆಡಿ ಎಂದು ಕಾಲೆಳೆದಿದ್ದಾರೆ. ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಹೀನಾಯ ಸೋಲು ಕಂಡಿದ್ದು, ಬ್ಯಾಟಿಂಗ್ನಲ್ಲಿ ಸಂಪೂರ್ಣವಾಗಿ ವೈಫಲ್ಯ ಅನುಭವಿಸಿತ್ತು.