ಮಾರ್ಗನ್ ಅರ್ಧಶತಕ: ರಾಜಸ್ಥಾನ್​ ರಾಯಲ್ಸ್​ಗೆ 192 ರನ್​ಗಳ ಬೃಹತ್ ಟಾರ್ಗೆಟ್ ನೀಡಿದ ಕೆಕೆಆರ್​

ಟಾಸ್​ ಸೋತು ಬ್ಯಾಟಿಂಗ್ ಇಳಿದ ಕೋಲ್ಕತ್ತಾ ನೈಟ್​ ರೈಡರ್ಸ್​ 20 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 191 ರನ್​ಗಳಿಸಿದೆ.

ದುಬೈ: ಪ್ಲೇ ಆಫ್​ ನಿರ್ಣಯಿಸುವ ಪಂದ್ಯದಲ್ಲಿ ಆರ್​.ಆರ್​ ವಿರುದ್ಧ ನಾಯಕ ಇಯಾನ್ ಮಾರ್ಗನ್ ಸಿಡಿಸಿದ ಸ್ಫೋಟಕ ಅರ್ಧಶತಕದ ನೆರವಿನಿಂದ ಕೋಲ್ಕತ್ತಾ ನೈಟ್​ ರೈಡರ್ಸ್ ತಂಡ 191 ರನ್​ಗಳ ಬೃಹತ್ ಮೊತ್ತ ದಾಖಲಿಸಿದೆ.

ಟಾಸ್​ ಸೋತು ಬ್ಯಾಟಿಂಗ್ ಇಳಿದ ಕೋಲ್ಕತ್ತಾ ನೈಟ್​ ರೈಡರ್ಸ್​ 20 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 191 ರನ್​ಗಳಿಸಿದೆ.

ಕೆಕೆಆರ್​ ಬ್ಯಾಟಿಂಗ್​ ಇಳಿದ ಮೊದಲ ಓವರ್​ನಲ್ಲೇ ನಿತೀಶ್​ ರಾಣಾ ವಿಕೆಟ್ ಕಳೆದುಕೊಂಡಿತು. ಆದರೆ ಗಿಲ್ ಮತ್ತು ತ್ರಿಪಾಠಿ 2ನೇ ವಿಕೆಟ್​ಗೆ 72 ರನ್​ಗಳ ಜೊತೆಯಾಟ ನೀಡಿ ತಂಡಕ್ಕೆ ಚೇತರಿಕೆ ನೀಡಿದರು. ಗಿಲ್ 24 ಎಸೆತಗಳಲ್ಲಿ 36, ತ್ರಿಪಾಠಿ 34 ಎಸೆತಗಳಲ್ಲಿ 39 ರನ್​ಗಳಿಸಿ ಅದ್ಭುತ ಆರಂಭ ಒದಗಿಸಿಕೊಟ್ಟರು. ನಂತರ ಬಂದ ನರೈನ್ ಹಾಗೂ ಕಾರ್ತಿಕ್​ರನ್ನ ಸೊನ್ನೆಗೆ ತೆವಾಟಿಯಾ ಪೆವಿಲಿಯನ್​ಗಟ್ಟಿದರು

ಆದರೆ ತಂಡಕ್ಕೆ ಮರಳಿರುವ ರಸೆಲ್​ 11 ಎಸೆತಗಳಲ್ಲಿ 3 ಸಿಕ್ಸರ್​ಗಳ ಸಹಿತ 25 ರನ್​ ಚಚ್ಚಿದರು. ನಾಯಕನ ಆಟವಾಡಿದ ಇಯಾನ್ ಮಾರ್ಗನ್​ 35 ಎಸೆತಗಳಲ್ಲಿ 6 ಸಿಕ್ಸರ್​ ಹಾಗೂ 5 ಬೌಂಡರಿಗಳ ಸಹಿತ 68 ರನ್​ಗಳಿಸಿ ಔಟಾಗದೆ ಉಳಿದರು. ಕಮ್ಮಿನ್ಸ್​ 15 ರನ್​ಗಳಿಸಿದರು.

ಒಟ್ಟಾರೆ 20 ಓವರ್​ಗಳಲ್ಲಿ ಕೋಲ್ಕತ್ತಾ 7 ವಿಕೆಟ್ ಕಳೆದುಕೊಂಡು 191 ರನ್​ಗಳಿಸಿದೆ.

ಆರ್​ಆರ್ ಪರ ರಾಹುಲ್ ತೆವಾಟಿಯಾ 25ಕ್ಕೆ 3, ಕಾರ್ತಿಕ್ ತ್ಯಾಗಿ 36ಕ್ಕೆ 2 ಆರ್ಚರ್​ 19 ರನ್​ ನೀಡಿ 1 ವಿಕೆಟ್​ ಹಾಗೂ ಗೋಪಾಲ್​ 44ಕ್ಕೆ 1 ವಿಕೆಟ್ ಪಡೆದರು.