ಕೇಪ್ಟೌನ್ (ದಕ್ಷಿಣ ಆಫ್ರಿಕಾ): ಮೂವರು ಪಂದ್ಯಗಳ ಟಿ-20 ಸರಣಿಯಲ್ಲಿ ಇಂಗ್ಲೆಂಡ್ ಶುಭಾರಂಭ ಮಾಡಿದ್ದು, ತವರು ನೆಲದಲ್ಲೇ ದಕ್ಷಿಣ ಆಫ್ರಿಕಾ ತಂಡವನ್ನು 5 ವಿಕೆಟ್ಗಳಿಂದ ಮಣಿಸಿದೆ.
ಜಾನಿ ಬೈರ್ಸ್ಟೋಬ್ ಅವರ ಅಬ್ಬರ ಬ್ಯಾಟ್ನಿಂದ ಕೇವಲ 48 ಎಸೆತದಲ್ಲಿ 86 ರನ್ ಸಿಡಿಸಿ ಅಜೇಯರಾಗಿ ಉಳಿದರಲ್ಲದೇ ತಂಡಕ್ಕೆ ಮೊದಲ ಗೆಲುವು ತಂದುಕೊಟ್ಟರು. ಇನ್ನು 4 ಎಸೆತ ಬಾಕಿ ಇರುವಂತೆಯೇ ಆಫ್ರಿಕಾ ನೀಡಿದ್ದ 179 ರನ್ಗಳ ಟಾರ್ಗೆಟ್ಗೆ ಬದಲಾಗಿ 183 ರನ್ ಗಳಿಸಿ ಗೆಲುವಿನ ನಗೆ ಬೀರಿದರು.
ಬಹುತೇಕ ಪಂದ್ಯ ಕೈಚೆಲ್ಲಿದ್ದ ಇಂಗ್ಲೆಂಡ್ ಹೆನ್ರಿಕ್ಸ್ ಎಸೆದ 17ನೇ ಓವರ್ನಲ್ಲಿ ಬರೋಬ್ಬರಿ 28 ರನ್ ಗಳಿಸಿ ಪಂದ್ಯಕ್ಕೆ ತಿರುವು ಪಡೆದುಕೊಂಡಿತು. ನಾಯಕ ಮಾರ್ಗನ್ ಜೊತೆಗೂಡಿ ಬೈರ್ಸ್ಟೋವ್ ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ಯಶಸ್ವಿಯಾದರು.
ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಇಂಗ್ಲೆಂಡ್, ಆಫ್ರಿಕಾ ತಂಡವನ್ನು ಬ್ಯಾಟಿಂಗ್ಗೆ ಸ್ವಾಗತಿಸಿತ್ತು. ಆರಂಭದಲ್ಲಿಯೇ ಸ್ಯಾಮ್ ಕರನ್, ಬವೂಮಾ ವಿಕೆಟ್ ಪಡೆದು ಆಫ್ರಿಕಾಗೆ ಆಘಾತ ನೀಡಿದರು.
ಬಳಿಕ ಡಿ ಕಾಕ್ ಹಾಗೂ ಡುಪ್ಲೆಸಿಸ್ ಅರ್ಧ ಶತಕದ ಜೊತೆಯಾಟ ನೀಡಿ ಸ್ಕೋರ್ ಬೋರ್ಡ್ನಲ್ಲಿ ಅಂಕ ಹೆಚ್ಚಿಸಿದರು. ಅಂತಿಮವಾಗಿ ದಕ್ಷಿಣ ಆಫ್ರಿಕಾ ನಿಗದಿತ 20 ಓವರ್ನಲ್ಲಿ 6 ವಿಕೆಟ್ ಕಳೆದುಕೊಂಡು 179ರನ್ ಗಳಿಸಿತು.
ಬಳಿಕ ಬ್ಯಾಟಿಂಗ್ ಇಳಿದ ಆಂಗ್ಲರಿಗೆ ಆರಂಭಿಕರು ಉತ್ತಮ ಸ್ಟಾರ್ಟ್ ನೀಡಲಿಲ್ಲ. ರಾಯ್ ಸೊನ್ನೆ ಸುತ್ತಿದರೆ, ಬಟ್ಲರ್ 7ರನ್ ಗಳಿಸಿ ನಿರ್ಗಮಿಸಿದರು. ಬಳಿಕ ಮೈದಾನಕ್ಕಿಳಿದ ಬೈರ್ಸ್ಟೋವ್ 9 ಬೌಂಡರಿ ಹಾಗೂ 4 ಸಿಕ್ಸರ್ ನೆರವಿನಿಂದ 48 ಎಸೆತದಲ್ಲಿ 86 ರನ್ಗಳಿಸಿ ತಂಡಕ್ಕೆ ಜಯ ತಂದುಕೊಟ್ಟರು. ಇದೀಗ ಮೂರು ಪಂದ್ಯದ ಸರಣಿಯಲ್ಲಿ ಇಂಗ್ಲೆಂಡ್ 1-0 ಅಂತರದಿಂದ ಮುನ್ನಡೆ ಕಾಯ್ದುಕೊಂಡಿದೆ.
