ಇಂಗ್ಲೆಂಡ್​-ಪಾಕ್​ ನಡುವಿನ ಮೊದಲ ಟಿ-20 ಪಂದ್ಯ ಮಳೆಗಾಹುತಿ!

ಇಂಗ್ಲೆಂಡ್​ ಹಾಗೂ ಪ್ರವಾಸಿ ಪಾಕಿಸ್ತಾನ ತಂಡಗಳ ನಡುವಿನ ಮೊದಲ ಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್​ ಪಂದ್ಯವು ವರುಣನ ಕಾಟದಿಂದ ರದ್ದುಗೊಂಡಿದೆ. ಇದಕ್ಕೂ ಮುನ್ನ ನಡೆದ ಮೂರು ಪಂದ್ಯಗಳ ಟೆಸ್ಟ್​ ಕ್ರಿಕೆಟ್​ ಸರಣಿಯನ್ನು ಇಂಗ್ಲೆಂಡ್​ 1-0 ಅಂತರದಿಂದ ಗೆದ್ದಿತ್ತು.

ಮಾಂಚೆಸ್ಟರ್​ :ಇಲ್ಲಿನ ಓಲ್ಡ್​ ಟ್ರಾಫರ್ಡ್​ ಮೈದಾನದಲ್ಲಿ ಆಯೋಜನೆಗೊಂಡಿದ್ದ ಇಂಗ್ಲೆಂಡ್​ ಹಾಗೂ ಪ್ರವಾಸಿ ಪಾಕಿಸ್ತಾನ ತಂಡಗಳ ನಡುವಿನ ಮೊದಲ ಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್​ ಪಂದ್ಯವು ಮಳೆ ಹಿನ್ನೆಲೆ ಕೇವಲ 16.1 ಓವರ್​ಗಳ ಆಟದೊಂದಿಗೆ ರದ್ದಾಗಿದೆ.

ಟಾಸ್​ ಗೆದ್ದ ಪಾಕಿಸ್ತಾನ ಅತಿಥೇಯ ಆಂಗ್ಲರನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿತ್ತು. ಇಂಗ್ಲೆಂಡ್​ ಆರಂಭದಲ್ಲೇ ಜಾನಿ ಬೇರ್ಸ್ಟೋವ್ (2)​ ವಿಕೆಟ್​ ಕಳೆದುಕೊಂಡಿತ್ತು. ಆದರೆ ಮತ್ತೊಬ್ಬ ಆರಂಭಿಕ ಆಟಗಾರ ಟಾಮ್​ ಬಾಂಟನ್​ ಅರ್ಧಶತಕ (72) ನೆರವಿನಿಂದ ಉತ್ತಮ ಮೊತ್ತ ಗಳಿಸುವತ್ತ ಸಾಗಿತ್ತು.

ಆದರೆ ವರುಣನ ಕಾಟದಿಂದ 16.1 ಓವರ್​ ಬಳಿಕ ಆಟ ಮುಂದುವರೆಯಲಿಲ್ಲ. ಈ ವೇಳೆ ಇಂಗ್ಲೆಂಡ್​ 6 ವಿಕೆಟ್​ ಕಳೆದುಕೊಂಡು 131 ರನ್​ ಪೇರಿಸಿತ್ತು. ಪಾಕ್​ ಪರ ಇಮಾದ್​ ವಾಸಿಂ ಹಾಗೂ ಶದಾಬ್​ ಖಾನ್ ತಲಾ ಎರಡು ವಿಕೆಟ್​ ಪಡೆದಿದ್ದರು.

ಮೂರು ಪಂದ್ಯಗಳ ಟಿ-20 ಕ್ರಿಕೆಟ್​ ಸರಣಿಯ ಮುಂದಿನ ಪಂದ್ಯ ಇದೇ ಮೈದಾನದಲ್ಲಿ ನಾಳೆ ಆ.30ರಂದು ನಡೆಯಲಿದೆ. ಇದಕ್ಕೂ ಮುನ್ನ ನಡೆದ ಮೂರು ಪಂದ್ಯಗಳ ಟೆಸ್ಟ್​ ಕ್ರಿಕೆಟ್​ ಸರಣಿಯನ್ನು ಇಂಗ್ಲೆಂಡ್​ 1-0 ಅಂತರದಿಂದ ಗೆದ್ದಿತ್ತು.