ಇಂಗ್ಲೆಂಡ್​ ವಿರುದ್ಧ ಗೆಲುವೊಂದೇ ಅಂತಿಮ ಗುರಿ.. ಕೆಮರ್​ ರೋಚ್​​​​

ಈ ಹಿಂದೆ ಕೆರಿಬಿಯನ್​ನಲ್ಲಿ ನಡೆದ ಎರಡು ತಂಡಗಳ ನಡುವಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ಇಂಗ್ಲೆಂಡ್ ತಂಡವನ್ನು ಸೋಲಿಸಿತ್ತು. ಜೊತೆಗೆ ವಿಸ್ಡೆನ್ ಟ್ರೋಫಿಯಲ್ಲಿ ಡ್ರಾ ಸಾಧಿಸಿ ಸರಣಿ ಉಳಿಸಿಕೊಂಡಿತ್ತು..

ಮ್ಯಾಂಚೆಸ್ಟರ್​ :ಜುಲೈ 8ರಿಂದ ಪ್ರಾರಂಭವಾಗುವ ಬಹು ನಿರೀಕ್ಷಿತ ಟೆಸ್ಟ್ ಸರಣಿಗೆ ವಿಂಡೀಸ್​​ ಸಜ್ಜಾಗಿರುವುದರಿಂದ ಟ್ರೋಫಿಯೊಂದಿಗೆ ತವರಿಗೆ ಮರಳುವುದೊಂದೇ ತಂಡದ ಅಂತಿಮ ಗುರಿ ಎಂದು ವೆಸ್ಟ್ ಇಂಡೀಸ್ ವೇಗದ ಬೌಲರ್ ಕೆಮರ್ ರೋಚ್ ತಿಳಿಸಿದ್ದಾರೆ.

ಕೊರೊನಾ ವೈರಸ್​ನಿಂದಾಗಿ ಮಾರ್ಚ್‌ನಲ್ಲಿ ಸ್ಥಗಿತವಾಗಿದ್ದ ಕ್ರಿಕೆಟ್​ ಪಂದ್ಯಾವಳಿಗಳು ಇದೀಗ ಏಗಾಸ್ ಬೌಲ್‌ನಲ್ಲಿ ಮೊದಲ ಪಂದ್ಯ ಪುನರಾರಂಭವಾಗಲಿದೆ. ಜೊತೆಗೆ ಸರಣಿಯ ಅಂತಿಮ 2 ಟೆಸ್ಟ್‌ಗಳು ಮ್ಯಾಂಚೆಸ್ಟರ್‌ನ ಓಲ್ಡ್ ಟ್ರಾಫರ್ಡ್‌ನಲ್ಲಿ ನಡೆಯಲಿದೆ.

ಈ ಹಿಂದೆ ಕೆರಿಬಿಯನ್​ನಲ್ಲಿ ನಡೆದ ಎರಡು ತಂಡಗಳ ನಡುವಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ಇಂಗ್ಲೆಂಡ್ ತಂಡವನ್ನು ಸೋಲಿಸಿತ್ತು. ಜೊತೆಗೆ ವಿಸ್ಡೆನ್ ಟ್ರೋಫಿಯಲ್ಲಿ ಡ್ರಾ ಸಾಧಿಸಿ ಸರಣಿ ಉಳಿಸಿಕೊಂಡಿತ್ತು.

ಟ್ರೋಫಿಯನ್ನು ಗೆದ್ದು ಮರಳುವುದು ತಂಡದ ಪ್ರಮುಖ ಆದ್ಯತೆಯಾಗಿದೆ. ಇಂಗ್ಲೆಂಡ್‌ನಲ್ಲಿ ಪರಿಪೂರ್ಣ ಗೆಲುವು ಸಾಧಿಸಿ ಟ್ರೋಫಿಯನ್ನು ಉಳಿಸಿಕೊಳ್ಳುತ್ತೇವೆ ಎಂದರು. ಜೊತೆಗೆ ಈ ಸರಣಿ ಆಶಸ್​ ಸರಣಿಯಷ್ಟೇ ಮಹತ್ವದ ಸರಣಿಯಾಗಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದರು.