ಜಂಪಾ ಬೌಲಿಂಗ್ ದಾಳಿಗೆ ತತ್ತರಿಸಿದ ಇಂಗ್ಲೆಂಡ್​: ಆಸೀಸ್​ ಗೆಲುವಿಗೆ 232 ರನ್​ಗಳ ಟಾರ್ಗೆಟ್​

ಟಾಸ್​ ಗೆದ್ದಯ ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್​ ತಂಡ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 50 ಓವರ್​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡು 231 ರನ್​ಗಳಿಸಿದೆ.

ಮ್ಯಾಂಚೆಸ್ಟರ್​:ಸ್ಪಿನ್ನರ್​ ಆ್ಯಡಂ ಜಂಪಾ ಮತ್ತು ಮಿಚೆಲ್​ ಸ್ಟಾರ್ಕ್​ ಬೌಲಿಂಗ್​ ದಾಳಿಗೆ ತತ್ತಿರಿಸಿದ ಅತಿಥೇಯ ಇಂಗ್ಲೆಂಡ್​ ತಂಡ ಎರಡನೇ ಪಂದ್ಯದಲ್ಲಿ ಕೇವಲ 231 ರನ್​ಗಳಿಸಿದೆ.

ಟಾಸ್​ ಗೆದ್ದಯ ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್​ ತಂಡ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 50 ಓವರ್​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡು 231 ರನ್​ಗಳಿಸಿದೆ.

ಕಳೆದ ಪಂದ್ಯದಲ್ಲಿ 84 ರನ್​ ಸಿಡಿಸಿದ್ದ ಜಾನಿ ಬೈರ್ಸಟೋವ್​ ಇಂದು ಶೂನ್ಯ ಸಂಪಾದಿಸಿದರು. ಮತ್ತೊಬ್ಬ ಆರಂಭಿಕ ಜೇಸನ್​ ರಾಯ್​ 21 ರನ್​ಗಳಿಸಿದ್ದ ವೇಳೆ ರನ್​ಔಟ್​ ಆದರು. ಈ ಹಂತದಲ್ಲಿ ಒಂದಾದ ಜೋ ರೂಟ್ ಹಾಗೂ ನಾಯಕ ಇಯಾನ್ ಮಾರ್ಗನ್​ 3ನೇ ವಿಕೆಟ್​ಗೆ 61 ರನ್​ಗಳ ಜೊತೆಯಾಟ ನೀಡಿದರು. ನಿಧಾನಗತಿ ಆಟಕ್ಕೆ ಮೊರೆ ಹೋದ ರೂಟ್​ 73 ಎಸೆತಗಳಲ್ಲಿ 4 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಿಡಿಸಿ 39 ರನ್​ಗಳಿಸಿ ಜಂಪಾಗೆ ವಿಕೆಟ್​ ಒಪ್ಪಿಸಿದರರು.

ನಂತರ ಬಂದ ಬಟ್ಲರ್​(3) ಕಮ್ಮಿನ್ಸ್​ ಬೌಲಿಂಗ್​ನಲ್ಲಿ ಎಲ್​ಬಿ ಬಲೆಗೆ ಬಿದ್ದರೆ, 42 ರನ್​ ರನ್​ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ನಾಯಕ ಮಾರ್ಗನ್​ ಜಂಪಾ ಬೌಲಿಂಗ್​ನಲ್ಲಿ ಫಿಂಚ್​ ನೀಡಿ ಔಟಾದರು. ಕಳೆದ ಪಂದ್ಯದ ಶತಕವೀರ ಸ್ಯಾಮ್​ ಬಿಲ್ಲಿಂಗ್ಸ್​(8) ಸ್ಯಾಮ್​ ಕರ್ರನ್​(1) ಬಂದಷ್ಟೇ ವೇಗವಾಗಿ ಪೆವಿಲಿಯನ್​​ ಸೇರಿಕೊಂಡರೆ ವೋಕ್ಸ್​ ಆಟ 26ಕ್ಕೆ ಸೀಮಿತವಾಯಿತು.

76 ರನ್​ಗಳ ಜೊತೆಯಾಟ ನೀಡಿದ ರಶೀದ್​-ಕರ್ರನ್​

149ಕ್ಕೆ 8 ವಿಕೆಟ್​ ಕಳೆದುಕೊಂಡು ಕಡಿಮೆ ಮೊತ್ತಕ್ಕೆ ಕುಸಿಯುವ ಭೀತಿ ಎದುರಿಸಿದ್ದ ಇಂಗ್ಲೆಂಡ್​ ತಂಡಕ್ಕೆ 9ನೇ ವಿಕೆಟ್​ ಜೊತೆಯಾಟದಲ್ಲಿ 76 ರನ್​ಗಳ ಜೊತೆಯಾಟ ನೀಡುವ ಮೂಲಕ ಟಾಮ್ ಕರ್ರನ್(37)​ ಹಾಗೂ ಆದಿಲ್ ರಶೀದ್​(35) ತಂಡದ ಮೊತ್ತವನ್ನು200 ರನ ಗಡಿ ದಾಟಿಸಿದರು.

ಆಸೀಸ್​ ಬೌಲರ್​ಗಳ ದಾಳಿಯನ್ನು ಕೆಚ್ಚೆದೆಯಿಂದ ಎದುರಿಸಿದ ಕರ್ರನ್​ 39 ಎಸೆತಗಳಲ್ಲಿ 5 ಬೌಂಡರಿ ನೆರವಿನಿಂದ 35 ರನ್​ಗಳಿಸಿ ಕೊನೆಯ ಓವರ್​ನಲ್ಲಿ ಔಟಾದರೆ, ರಶೀದ್​ ಕೇವಲ 26 ಎಸೆತಗಳಲ್ಲಿ 3 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಹಿತ ಔಟಾಗದೆ 35 ರನ್​ಗಳಿಸಿದರು.

ಆಸ್ಟ್ರೇಲಿಯಾ ಪರ ಆ್ಯಡಂ ಜಂಪಾ 36 ರನ್​ ನೀಡಿ 3 ವಿಕೆಟ್​ ಪಡೆದರೆ, ಸ್ಟಾರ್ಕ್​ 38 ರನ್​ ನೀಡಿ 2 ವಿಕೆಟ್​ ಪಡೆದರು. ಹೇಜಲ್​ ವುಡ್​ ಒಂದು ವಿಕೆಟ್​ ಪಡೆದರೂ ಕೇವಲ 27 ರನ್​ ಬಿಟ್ಟುಕೊಟ್ಟರು. ಕಮ್ಮಿನ್ಸ್​ ಹಾಗೂ ಮಿಚೆಲ್ ಮಾರ್ಷ್​ ತಲಾ ಒಂದು ವಿಕೆಟ್​ ಪಡೆದರು.