ಕ್ಯಾನ್ಬೆರಾ:ಹಾಲಿ ಮಹಿಳಾ ಏಕದಿನ ಕ್ರಿಕೆಟ್ನ ವಿಶ್ವಚಾಂಪಿಯನ್ ಆಗಿರುವ ಇಂಗ್ಲೆಂಡ್ ಕ್ರಿಕೆಟ್ ಶಿಶು ಥಾಯ್ಲೆಂಡ್ ವಿರುದ್ಧ 98 ರನ್ಗಳ ಸುಲಭ ಜಯ ಸಾಧಿಸಿ ಅಂಕಪಟ್ಟಿಯಲ್ಲಿ ಖಾತೆ ತೆರೆದಿದೆ.
ಟಾಸ್ಸೋತು ಬ್ಯಾಟಿಂಗ್ ಇಳಿದ ಇಂಗ್ಲೆಂಡ್ಗೆ ಥಾಯ್ಲೆಂಡ್ ಆರಂಭದಲ್ಲೇ ಆಘಾತ ನೀಡಿತು. ಆರಂಭಿಕರಾದ ಆ್ಯಮಿ ಜಾನ್ಸ್ ಹಾಗೂ ಡೇನಿಯಲ್ ವೇಟ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡುವ ಮೂಲಕ ಶಾಕ್ ನೀಡಿತು.
ಆದರೆ, ಇಂಗ್ಲೆಂಡ್ ತಂಡದ ನಾಯಕಿ ಹೀದರ್ ನೈಟ್ ಹಾಗೂ ಆಲ್ರೌಂಡರ್ ನಟಿಲೆ ಸೀವರ್ ಮುರಿಯದ ಮೂರನೇ ವಿಕೆಟ್ಗೆ 169 ರನ್ಗಳ ಜೊತೆಯಾಟ ನಡೆಸಿ 176 ರನ್ಗಳ ಬೃಹತ್ ಮೊತ್ತ ಕಲೆಹಾಕಲು ನೆರವಾದರು.
ಇಂಗ್ಲೆಂಡ್ - ಥಾಯ್ಲೆಂಡ್ ಪಂದ್ಯದ ಹೈಲೈಟ್ಸ್ ಹೀದರ್ ನೈಟ್ ಕೇವಲ 66 ಎಸೆತಗಳಲ್ಲಿ 4 ಸಿಕ್ಸರ್ಸ್ ಹಾಗೂ 13 ಬೌಂಡರಿಗಳ ನೆರವಿನಿಂದ 108 ರನ್ಗಳಿಸಿದರು. ಇವರಿಗೆ ಸಾತ್ ನೀಡಿದ ಸೀವರ್ 52 ಎಸೆತಗಳಲ್ಲಿ 8 ಬೌಂಡರಿ ಸಹಿತ 59 ರನ್ಗಳಿಸಿದರು.
ಇನ್ನು 177ರನ್ಗಳ ಬೃಹತ್ ಗುರಿ ಬೆನ್ನಟ್ಟಿದ ಥಾಯ್ಲೆಂಡ್ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 78 ರನ್ಗಳಿಸಲಷ್ಟೇ ಶಕ್ತವಾಯಿತು. ಆರಂಭಿಕ ಬ್ಯಾಟ್ಸ್ವುಮನ್ ನಟ್ಟಾಕನ್ ಚಂಟಮ್ 53 ಎಸೆತಗಳಲ್ಲಿ 32 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.
ಬೌಲಿಂಗ್ನಲ್ಲಿ ಮಿಂಚಿದ ಅನ್ಯಾ ಶ್ರುಬ್ಸೋಲ್ 3 ವಿಕೆಟ್, ನಟಿಲೆ ಸೀವರ್ 2 ವಿಕೆಟ್ ಹಾಗೂ ಸ್ಪಿನ್ನರ್ ಸೋಫಿಯಾ ಎಕ್ಲೆಸ್ಟೋನ್ 1 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
