ಮೆಲ್ಬೊರ್ನ್: ಪ್ರಪಂಚದಾದ್ಯಂತ ಕೊರೊನಾ ವೈರಸ್ ರೌದ್ರನರ್ತನ ಜೋರಾಗಿದ್ದು, ಈಗಾಗಲೇ 3 ಸಾವಿರಕ್ಕೂ ಅಧಿಕ ಜನರ ಜೀವ ಬಲಿ ಪಡೆದುಕೊಂಡಿದೆ. ಇದರ ಮಧ್ಯೆ ಇಂಗ್ಲೆಂಡ್ ತಂಡ ಹೊಸದೊಂದು ನಿರ್ಧಾರ ಕೈಗೊಂಡಿದೆ.
ಕೊರೊನಾ ವೈರಸ್ ಭಯ: ಶ್ರೀಲಂಕಾ ಪ್ಲೇಯರ್ಸ್ಗೆ ಹಸ್ತಲಾಘವ ಮಾಡಲ್ವಂತೆ ಆಂಗ್ಲರ ತಂಡ!
ಕೊರೊನಾ ವೈರಸ್ನಿಂದ ಇಡೀ ಪ್ರಪಂಚದ ಜನರೇ ಭಯಗೊಂಡಿದ್ದಾರೆ. ಇದೀಗ ಶ್ರೀಲಂಕಾ ಪ್ರವಾಸ ಕೈಗೊಳ್ಳುತ್ತಿರುವ ಇಂಗ್ಲೆಂಡ್ ತಂಡ ಅಲ್ಲಿನ ಪ್ಲೇಯರ್ಸ್ ಜತೆ ಕೈ ಕುಲುಕದಿರಲು ನಿರ್ಧರಿಸಿದೆ.
England cricketers will not shake hands on Sri Lanka tour
ಮಾರ್ಚ್ 19ರಿಂದ ಆರಂಭಗೊಳ್ಳಲಿರುವ ಕ್ರಿಕೆಟ್ ಸರಣಿಗಾಗಿ ಶ್ರೀಲಂಕಾ ಪ್ರವಾಸ ಕೈಗೊಳ್ಳಲಿರುವ ಇಂಗ್ಲೆಂಡ್ ತಂಡ ಅಲ್ಲಿನ ಆಟಗಾರರೊಂದಿಗೆ ಹಸ್ತಲಾಘವ ಮಾಡದಿರಲು ನಿರ್ಧರಿಸಿದೆ. ಬದಲಾಗಿ ಮುಷ್ಠಿ ಮೂಲಕ ಹೈ ಹೇಳಲು ನಿರ್ಧರಿಸಿದೆ. ಕೊರೊನಾ ವೈರಸ್ನಿಂದಾಗಿ ಆಂಗ್ಲ ಪಡೆ ಕೈಗೊಂಡಿದೆ.
ಈ ವಿಷಯದ ಬಗ್ಗೆ ಮಾತನಾಡಿರುವ ಇಂಗ್ಲೆಂಡ್ ತಂಡದ ಕ್ಯಾಪ್ಟನ್ ಜೋ ರೂಟ್, ನಮ್ಮ ಆಟಗಾರರು ಶ್ರೀಲಂಕಾ ಪ್ರವಾಸದ ವೇಳೆ ಅಲ್ಲಿನ ಆಟಗಾರರೊಂದಿಗೆ ಹಸ್ತಲಾಘವ ಮಾಡುವುದಿಲ್ಲ. ಕೇವಲ ಮುಷ್ಠಿ ತೋರಿಸುವ ಮೂಲಕ ಶುಭ ಕೋರಲು ನಿರ್ಧರಿಸಿದ್ದು, ಸರಿಯಾಗಿ ಕೈ ತೊಳೆದುಕೊಳ್ಳಲು ನಿರ್ಧಾರ ಮಾಡಿದ್ದೇವೆ ಎಂದಿದ್ದಾರೆ. ಸದ್ಯ ದಕ್ಷಿಣ ಆಫ್ರಿಕಾದ ಜತೆ ಕ್ರಿಕೆಟ್ ಸರಣಿಯಲ್ಲಿ ಭಾಗಿಯಾಗಿರುವ ಇಂಗ್ಲೆಂಡ್ ತಂಡದ ಪ್ಲೇಯರ್ಸ್ ಜ್ವರದಿಂದ ಬಳಲಿದ್ದೇ ಇಂತಹ ನಿರ್ಧಾರಕ್ಕೆ ಕಾರಣವಾಗಿದೆ.