ಐಪಿಎಲ್​​ ಆಯೋಜನೆ ಮಾಡುವುದು ಬೇಡ: ಬಿಸಿಸಿಐಗೆ ಕೇಂದ್ರದ ಸಲಹೆ?

ವಿಶ್ವಾದ್ಯಂತ ಕೊರೊನಾ ವೈರಸ್​ ತೀವ್ರಗತಿಯಲ್ಲಿ ಹರಡುತ್ತಿರುವುದರಿಂದ ಐಪಿಎಲ್​ ಕ್ರೀಡಾಕೂಟ ಆಯೋಜನೆ ಮಾಡದಿರುವುದು ಒಳಿತು ಎಂದು ಬಿಸಿಸಿಐಗೆ ಕೇಂದ್ರ ಸರ್ಕಾರ ಸಲಹೆ ನೀಡಿದೆ.

ನವದೆಹಲಿ: ಕೊರೊನಾ ವೈರಸ್​ ಭೀತಿ ಹಿನ್ನೆಲೆಯಲ್ಲಿ ಜನಪ್ರಿಯ ಕ್ರೀಡಾಕೂಟ ಐಪಿಎಲ್​ ಆಯೋಜನೆ ಮಾಡುವುದು ಬೇಡ ಎಂದು ಬಿಸಿಸಿಐಗೆ ಕೇಂದ್ರ ಸರ್ಕಾರ ಸಲಹೆ ನೀಡಿದೆ.

ಭಾರತದಲ್ಲಿ ಕೊರೊನಾ ಪ್ರಕರಗಳು

ಕೊರೊನಾ ವೈರಸ್​ ತೀವ್ರಗತಿಯಲ್ಲಿ ಹರಡುತ್ತಿರುವುದರಿಂದ ಕ್ರೀಡಾಕೂಟ ಆಯೋಜನೆ ಮಾಡದಿರುವುದು ಒಳಿತು ಎಂಬ ಸಲಹೆಯನ್ನ ಕೇಂದ್ರ ನೀಡಿದೆ. ಇದೇ 29 ರಿಂದ ದೇಶದ ಹಾಗೂ ವಿಶ್ವದ ಕ್ರಿಕೆಟ್​​ ಅಭಿಮಾನಿಗಳ ಕಾತರದ ಟೂರ್ನಿಗೆ ಈಗ ಕೊರೊನಾ ಕರಿನೆರಳು ಕವಿದಿದೆ.

ಈ ಬಗ್ಗೆ ಬಿಸಿಸಿಐಗೆ ಸಲಹೆ ನೀಡಿರುವ ಕೇಂದ್ರ ಇದು ಸಲಹೆಯಷ್ಟೇ ಆಗಿದ್ದು, ಪಂದ್ಯ ರದ್ದು ಮಾಡಬೇಕೇ ಅಥವಾ ಮುಂದುವರೆಯಬೇಕೆ ಎಂಬುದನ್ನ ಆಯೋಜಕರೇ ನಿರ್ಧರಿಸಬೇಕಾಗಿದೆ ಎಂದಿದೆ. ನಮ್ಮ ಸಲಹೆ ಈ ಬಾರಿ ಟೂರ್ನಿ ಆಯೋಜನೆ ಮಾಡುವುದು ಬೇಡ ಎಂಬುದು ಆಗಿದೆ. ಆದರೆ ಒಂದೊಮ್ಮೆ ಆಯೋಜಿಸುವುದೇ ಆದರೆ, ನಮ್ಮ ಅಭ್ಯಂತರವೇನೂ ಇಲ್ಲ. ಅದು ಅವರ ತೀರ್ಮಾನಕ್ಕೆ ಬಿಟ್ಟ ವಿಚಾರ ಎಂದು ವಿದೇಶಾಂಗ ಇಲಾಖೆ ಹೆಚ್ಚುವರಿ ಕಾರ್ಯದರ್ಶಿ ದಮ್ಮು ರವಿ ಹೇಳಿದ್ದಾರೆ.

ಹೆಲ್ಪ್​ ಲೈನ್​ ನಂಬರ್​

ವಿಶ್ವ ಆರೋಗ್ಯ ಸಂಸ್ಥೆ ಇದೊಂದು ಸಾಂಕ್ರಾಮಿಕ ರೋಗ ಎಂದು ಘೋಷಣೆ ಮಾಡಿರುವ ಹಿನ್ನೆಲೆಯಲ್ಲಿ ಎಲ್ಲ ರಾಷ್ಟ್ರಗಳು ಕೊರೊನಾ ವೈರಸ್​ ಹಾವಳಿಯನ್ನ ಗಂಭೀರವಾಗಿ ಪರಿಗಣಿಸಿವೆ. ಈ ನಡುವೆ ಇದೇ 29ರಂದು ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ಹಾಗೂ ಮುಂಬೈ ಇಂಡಿಯನ್ಸ್​ ನಡುವೆ ಈ ಬಾರಿ ಐಪಿಎಲ್​ನ ಆರಂಭಿಕ ಪಂದ್ಯ ನಡೆಯಲಿದೆ.