ನವದೆಹಲಿ:ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಸರಣಿಗೆ ಮಾಜಿ ನಾಯಕ ಎಂ.ಎಸ್.ಧೋನಿಯನ್ನ ಅಯ್ಕೆ ಸಮಿತಿ ಕೈಬಿಟ್ಟಿದ್ದು, ಈ ನಿರ್ಧಾರವನ್ನ ಸೌರವ್ ಗಂಗೂಲಿ ಸ್ವಾಗತಿಸಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಸರಣಿಗೆ ಧೋನಿ ಆಯ್ಕೆಯಾಗುತ್ತಾರೆ ಎಂದು ನಾನು ಊಹಿಸಿರಲಿಲ್ಲ. ಅದರಂತೆ ಆಯ್ಕೆ ಸಮಿತಿ ಧೋನಿ ಅವರನ್ನ ಕೈಬಿಟ್ಟು ರಿಷಭ್ ಪಂತ್ಗೆ ಸ್ಥಾನ ನೀಡಿದ್ದು ಉತ್ತಮ ನಿರ್ಧಾರ ಎಂದಿದ್ದಾರೆ.
ಯುವ ಆಟಗಾರ ರಿಷಭ್ ಪಂತ್ಗೆ ಹೆಚ್ಚು ಹೆಚ್ಚು ಅವಕಾಶಗಳು ಬೇಕಾಗಿದೆ. ಧೋನಿ ಕೂಡ ಯುವ ಆಟಗಾರನಾಗಿದ್ದಾಗ ಹೆಚ್ಚು ಅವಕಾಶಗಳನ್ನ ನೀಡಲಾಗಿತ್ತು. ಆದ್ದರಿಂದ ಆಯ್ಕೆ ಸಮಿತಿಯ ನಿರ್ಧಾರವನ್ನ ನಾನು ಸ್ವಾಗತಿಸುತ್ತೇನೆ. ರಿಷಭ್ ಪಂತ್ ಅವರನ್ನ ಧೋನಿಯೊಂದಿಗೆ ಹೋಲಿಕೆ ಮಾಡೋದು ಸರಿಯಲ್ಲ. ಪಂತ್, ಧೋನಿಯಲ್ಲ, ಧೋನಿಯಂತಾಗಲು ಸಾಧ್ಯವಿಲ್ಲ ಎಂದಿದ್ದಾರೆ.
ಅಲ್ಲದೆ ಈ ವಿಚಾರವಾಗಿ ಧೋನಿ, ಆಯ್ಕೆ ಸಮಿತಿ ಮತ್ತು ಟೀಂ ಇಂಡಿಯಾ ಮ್ಯಾನೇಜ್ಮೆಂಟ್ ನಡುವೆ ಏನು ಮಾತುಕತೆ ನಡೆದಿದೆಯೋ ಗೊತ್ತಿಲ್ಲ. ನಾನು ಅದರಿಂದ ಸ್ವಲ್ಪ ದೂರದಲ್ಲಿದ್ದೇನೆ ಎಂದಿದ್ದಾರೆ.
