ಧೋನಿ ಹೆಸರಲ್ಲಿ ₹1,800 ಬಾಕಿ.. ಶ್ರೇಷ್ಠ ಕ್ರಿಕೆಟಿಗನ ಸಾಲ ತೀರಿಸಲು ಮುಂದಾದ ಅಭಿಮಾನಿಗಳು!!

ಮಾರ್ಚ್​ 31ರಂದು ಜೆಎಸಿಎ 2019-20ರ ವಾರ್ಷಿಕ ಅವಧಿಯಲ್ಲಿ 1,800 ರೂ. ಬಾಕಿ ಹಣವನ್ನು ರಾಂಚಿ ಮೂಲದ ಭಾರತದ ಅತ್ಯಂತ ಯಶಸ್ವಿ ನಾಯಕರೊಬ್ಬರು ಉಳಿಸಿಕೊಂಡಿದ್ದಾರೆ ಎಂದು ವರದಿ ಪ್ರಕಟಿಸಿತ್ತು. ಆದರೆ, ಆ ವರದಿಯಲ್ಲಿ ಬೇರೇನು ಮಾಹಿತಿ ನೀಡಿರಲಿಲ್ಲ..

ರಾಂಚಿ :ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್​ ಧೋನಿ 1800 ರೂಪಾಯಿ ಬಾಕಿ ಮೊತ್ತವನ್ನು ಜಾರ್ಖಂಡ್​ ಕ್ರಿಕೆಟ್​ ಅಸೋಸಿಯೇಷನ್​ಗೆ ನೀಡಬೇಕೆಂಬ ವಿಷಯ ದೊಡ್ಡ ವಿವಾದಕ್ಕೆ ಸಿಲುಕುತ್ತಿದೆ.

ಜಾರ್ಖಂಡ್​ ರಾಜ್ಯ ಕ್ರಿಕೆಟ್​ ಬೋರ್ಡ್‌ಗೆ ಧೋನಿ ₹1,800 ನೀಡಬೇಕೆಂದು ವರದಿ ಬಹಿರಂಗಗೊಳ್ಳುತ್ತಿದ್ದಂತೆ ಹಲವಾರು ಶಾಲಾ ವಿಧ್ಯಾರ್ಥಿಗಳು ಹಾಗೂ ಅಭಿಮಾನಿಗಳು ಆ ಹಣವನ್ನು ಡ್ರಾಫ್ಟ್​ ಮೂಲಕ ಜೆಎಸಿಎಗೆ ತಲುಪಿಸಲು ಪ್ರಯತ್ನಿಸಿದ್ದು, ವಿವಾದದ ಬೆಂಕಿಗೆ ತುಪ್ಪ ಸುರಿದಂತಾಗಿದೆ. ನಂತರ ಮಾಜಿ ಕ್ರಿಕೆಟಿಗ ಶೇಶ್​ ನಾಥ್​ ಪಾಠಕ್​ ನೇತೃತ್ವದಲ್ಲಿ ಜೆಎಸಿಎ ಕಚೇರಿಗೆ ತೆರಳಿ ಡ್ರಾಫ್ಟ್​ ಮೂಲಕ ಹಣವನ್ನು ಸಲ್ಲಿಸಲು ಪ್ರಯತ್ನಿಸಿದ್ದಾರೆ. ಆದರೆ, ಅದನ್ನು ಅಧಿಕಾರಿಗಳು ಸ್ವೀಕರಿಸಿಲ್ಲ ಎಂದು ತಿಳಿದು ಬಂದಿದೆ.

ಈ ಕುರಿತು ಮಾತನಾಡಿರುವ ಜೆಎಸಿಎ ಕಾರ್ಯದರ್ಶಿ ಸಂಜಯ್​ ಸಹಯ್​, ನಾವು ಆ ಕರಡು(ಡ್ರಾಫ್ಟ್​) ಸ್ವೀಕರಿಸಿಲ್ಲ ಎಂದು ದೃಢಪಡಿಸಿದ್ದಾರೆ. ಆದರೆ, ಧೋನಿ ಬಾಕಿ ಹಣವನ್ನು ಪಾವತಿಸಿಬೇಕೆಂದು ವಿವಾದಕ್ಕಾಗಿ ನಾವು ಹೇಳಲಿಲ್ಲ. ಬಾಕಿ ಹಣ ಯಾವುದೆಂದು ಧೋನಿಗೆ ಮಾತ್ರ ತಿಳಿಸಿದ್ದೇವೆ. ಆದರೆ, ಅಸ್ಪಷ್ಟತೆಯಿಂದ ಊಹಾಪೋಹಗಳಿಗೆ ಕಾರಣವಾಗಿದೆ ಎಂದು ತಿಳಿಸಿದ್ದಾರೆ.

ಮಾರ್ಚ್​ 31ರಂದು ಜೆಎಸಿಎ 2019-20ರ ವಾರ್ಷಿಕ ಅವಧಿಯಲ್ಲಿ 1,800 ರೂ. ಬಾಕಿ ಹಣವನ್ನು ರಾಂಚಿ ಮೂಲದ ಭಾರತದ ಅತ್ಯಂತ ಯಶಸ್ವಿ ನಾಯಕರೊಬ್ಬರು ಉಳಿಸಿಕೊಂಡಿದ್ದಾರೆ ಎಂದು ವರದಿ ಪ್ರಕಟಿಸಿತ್ತು. ಆದರೆ, ಆ ವರದಿಯಲ್ಲಿ ಬೇರೇನು ಮಾಹಿತಿ ನೀಡಿರಲಿಲ್ಲ. ಸಹಯ್​ ಇದರ ಬಗ್ಗೆ ಸ್ಪಷ್ಟಪಡಿಸಿದ್ದು, ಧೋನಿ ಜೆಎಸ್​ಸಿಎನ ಅಜೀವ ಸದಸ್ಯತ್ವಕ್ಕಾಗಿ ₹10 ಸಾವಿರ ಹಣ ನೀಡಿದ್ದಾರೆ. ಆದರೆ, ಅವರು ನೀಡಬೇಕಿರುವುದು ಜಿಎಸ್​ಟಿ 1,800 ರೂ. ಎಂದು ತಿಳಿಸಿದ್ದಾರೆ.

ಅಕ್ಟೋಬರ್​ 31ರಂದು ಬೋರ್ಡ್​ನ ಪ್ರತಿನಿಧಿ ಸದಸ್ಯತ್ವದ ಹಣ ₹10 ಸಾವಿರ ಶುಲ್ಕವನ್ನು ಸಂಗ್ರಹಿಸಲು ರಾಂಚಿಯ ಧೋನಿ ಮನೆಗೆ ಹೋಗಿದ್ದರು ಎಂದು ಜಾರ್ಖಂಡ್​ ಕ್ರಿಕೆಟ್​ ವಲಯಗಳಲ್ಲಿ ಹೇಳಲಾಗುತ್ತಿದೆ. ಆ ಸಮಯದಲ್ಲಿ ₹10 ಸಾವಿರ ಸದಸ್ಯತ್ವದ ಶುಲ್ಕದ ಬದಲಾಗಿ ಜಿಎಸ್​ಟಿ ಸಹಿತ ₹11,800 ಚೆಕ್‌ ಕೇಳಬಹುದಿತ್ತು. ಅಂದು ಮಾಹಿತಿ ನೀಡದೆ, ಇಂದು ಏಕೆ ಧೋನಿ ಹೆಸರನ್ನು ತರಲಾಗುತ್ತಿದೆ ಎಂದು ಅಭಿಮಾನಿಗಳು ಆರೋಪಿಸಿದ್ದಾರೆ.

ಆದರೆ, ಸಹಯ್​ ಈ ವಿಚಾರದ ಬಗ್ಗೆ ಪ್ರತಿಕ್ರಿಯಿಸಲು ತಮ್ಮ ಬಳಿ ಯಾವುದೇ ಮಾಹಿತಿಯಿಲ್ಲ ಎಂದಿದ್ದಾರೆ. ಧೋನಿಗೆ ಈ ಕುರಿತು ಮಾಹಿತಿ ನೀಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.