ಚೆನ್ನೈ:ಬರೋಬ್ಬರಿ ಏಳು ತಿಂಗಳ ಕಾಲ ಕ್ರಿಕೆಟ್ನಿಂದ ದೂರು ಉಳಿದಿದ್ದ ಮಹೇಂದ್ರ ಸಿಂಗ್ ಧೋನಿ ಇದೀಗ ಮುಂಬರುವ ಇಂಡಿಯನ್ ಪ್ರೀಮಿಯರ್ ಲೀಗ್ ಆಡಲು ಮೈದಾನಕ್ಕಿಳಿದಿದ್ದು, ಅಭ್ಯಾಸ ಶುರು ಮಾಡಿದ್ದಾರೆ.
ಅಭ್ಯಾಸಕ್ಕಾಗಿ ಮೈದಾನಕ್ಕಿಳಿದ ಮಾಹಿ: ಧೋನಿ.. ಧೋನಿ ಎಂದು ಹುರಿದುಂಬಿಸಿದ ಕ್ರೀಡಾಭಿಮಾನಿಗಳು! - ಅಭ್ಯಾಸದಲ್ಲಿ ಧೋನಿ
ವಿಶ್ವಕಪ್ ಸೆಮಿಫೈನಲ್ನಲ್ಲಿ ಸೋಲು ಕಂಡ ಬಳಿಕ ಮೈದಾನದಲ್ಲಿ ಕಾಣಿಸಿಕೊಳ್ಳದ ಮಹೇಂದ್ರ ಸಿಂಗ್ ಧೋನಿ ಇದೀಗ ಐಪಿಎಲ್ನಲ್ಲಿ ಅಬ್ಬರಿಸಲು ಕಣಕ್ಕಿಳಿಯಲಿದ್ದಾರೆ.
ಎಂಎಸ್ ಧೋನಿ ಅಭ್ಯಾಸ
ಮಾರ್ಚ್ 29ರಿಂದ ಐಪಿಎಲ್ನ 13ನೇ ಆವೃತ್ತಿ ಶುರುವಾಗಲಿದ್ದು, ಚೆನ್ನೈ ಹಾಗೂ ಮುಂಬೈ ತಂಡಗಳ ನಡುವೆ ಮೊದಲ ಫೈಟ್ ನಡೆಯಲಿದೆ. ಹೀಗಾಗಿ ಸಿಎಸ್ಕೆ ತಂಡದ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಇದೀಗ ಅಭ್ಯಾಸದಲ್ಲಿ ಪಾಲ್ಗೊಂಡಿದ್ದು, ನಿನ್ನೆ ಮೈದಾನದಲ್ಲಿ ಕಾಣಿಸಿಕೊಂಡಿದ್ದಾರೆ.
ಇಲ್ಲಿನ ಪಿ. ಚಿದಂಬರಂ ಕ್ರೀಡಾಂಗಣದಲ್ಲಿ ಅಭ್ಯಾಸ ಮಾಡಲು ಮಾಹಿ ಆಗಮಿಸುತ್ತಿದ್ದಂತೆ ವೀಕ್ಷಣೆ ಮಾಡಲು ಬಂದಿದ್ದ ಸಾವಿರಾರು ಅಭಿಮಾನಿಗಳು ಅವರಿಗೆ ಹುರಿದುಂಬಿಸಿ, ಧೋನಿ... ಧೋನಿ ಎಂದು ಜಯಘೋಷ ಹಾಕಿದ್ದಾರೆ. ನೆಟ್ಸ್ನಲ್ಲಿ ಅಭ್ಯಾಸ ಮಾಡುತ್ತಿದ್ದ ವೇಳೆ ಹಲವು ಹೊಡೆತಗಳೊಂದಿಗೆ ಅವರು ಗಮನ ಸೆಳೆದರು. ಇವರ ಜತೆಗೆ ಅಂಬಾಟಿ ರಾಯುಡು, ಸುರೇಶ್ ರೈನಾ,ಮುರುಳಿ ವಿಜಯ್,ಪಿಯೂಷ್ ಶರ್ಮಾ ಕೂಡ ಅಭ್ಯಾಸ ಆರಂಭಿಸಿದ್ದಾರೆ.