ಬಿಸಿಸಿಐನಿಂದ ಆಟಗಾರರ ವಾರ್ಷಿಕ ಒಪ್ಪಂದದ ಪಟ್ಟಿ​ ಬಿಡುಗಡೆ.. ಲಿಸ್ಟ್​​ನಲ್ಲಿಲ್ಲ ಧೋನಿ ಹೆಸರು!?

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ, ಟೀಂ ಇಂಡಿಯಾ ಆಟಗಾರರ ವಾರ್ಷಿಕ ಒಪ್ಪಂದದ ಪಟ್ಟಿ ಬಿಡುಗಡೆ ಮಾಡಿದ್ದು, ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿಯನ್ನ ಒಪ್ಪಂದದಿಂದ ಕೈ ಬಿಡಲಾಗಿದೆ.

ಮುಂಬೈ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಆಟಗಾರರ ವಾರ್ಷಿಕ ಒಪ್ಪಂದದ ಪಟ್ಟಿ ಬಿಡುಗಡೆ ಮಾಡಿದ್ದು, ಟೀಂ ಇಂಡಿಯಾ ನಾಯಕ ವಿರಾಟ್, ರೋಹಿತ್ ಶರ್ಮಾ ಮತ್ತು ಬುಮ್ರಾ ಅತಿಹೆಚ್ಚು ಸಂಭಾವನೆ ಪಡೆಯುವ ಆಟಗಾರರಾಗಿದ್ದಾರೆ.

2019 ಅಕ್ಟೋಬರ್​ ನಿಂದ 2020ರ ಸೆಪ್ಟೆಂಬರ್​ ವರೆಗೆ ವಾರ್ಷಿಕ ಆಟಗಾರರ ಒಪ್ಪಂದದ ಪಟ್ಟಿ ಬಿಡುಗಡೆ ಮಾಡಿದ್ದು, ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರನ್ನ ಒಪ್ಪಂದದಿಂದ ಕೈಬಿಡಲಾಗಿದೆ.

A+, A, B ಮತ್ತು C ಗ್ರೇಡ್ ಎಂದು ಆಟಗಾರರನ್ನ ಪಟ್ಟಿ ಮಾಡಲಾಗಿದೆ, A+ ಪಟ್ಟಿ ಯಲ್ಲಿರುವ ಆಟಗಾರರು ವಾರ್ಷಿಕ 7 ಕೋಟಿ ಹಣ ಪಡೆದ್ರೆ, A ಗ್ರೇಡ್ ಆಟಗಾರರು 5 ಕೋಟಿ ಪಡೆಯಲಿದ್ದಾರೆ. B ಗ್ರೇಡ್ ಆಟಗಾರರು 3 ಮತ್ತು C ಗ್ರೇಡ್ ಆಟಗಾರರು 1 ಕೋಟಿ ರೂಪಾಯಿ ಹಣ ಪಡೆಯಲಿದ್ದಾರೆ.

A+ ಪಟ್ಟಿಯಲ್ಲಿರುವ ಆಟಗಾರರು(7 ಕೋಟಿ ಸಂಭಾವನೆ) :

• ವಿರಾಟ್ ಕೊಹ್ಲಿ
• ರೋಹಿತ್ ಶರ್ಮಾ
• ಜಸ್ಪ್ರಿತ್ ಬುಮ್ರಾ

A ಗ್ರೇಡ್ ಪಟ್ಟಿ (5 ಕೋಟಿ ಸಂಭಾವನೆ):

• ಆರ್​.ಅಶ್ವಿನ್
• ರವೀಂದ್ರ ಜಡೇಜಾ
• ಭುವನೇಶ್ವರ್​ ಕುಮಾರ್
• ಚೆತೇಶ್ವರ್ ಪುಜಾರ
• ಅಜಿಂಕ್ಯಾ ರಹಾನೆ
• ಕೆ.ಎಲ್.ರಾಹುಲ್
• ಶಿಖರ್ ಧವನ್
• ಮೊಹಮ್ಮದ್ ಶಮಿ
• ಇಶಾಂತ್ ಶರ್ಮಾ
• ಕುಲ್ದೀಪ್ ಯಾದವ್
• ರಿಷಭ್​ ಪಂತ್

B ಗ್ರೇಡ್ ಪಟ್ಟಿ (3 ಕೋಟಿ ಸಂಭಾವನೆ):

• ವೃದ್ಧಿಮಾನ್ ಸಹಾ
• ಉಮೇಶ್ ಯಾದವ್
• ಯಜುವೇಂದ್ರ ಚಹಾಲ್
• ಹಾರ್ದಿಕ್ ಪಾಂಡ್ಯ
• ಮಯಾಂಕ್ ಅಗರ್ವಾಲ್

C ಗ್ರೇಡ್ ಪಟ್ಟಿ (1 ಕೋಟಿ ಸಂಭಾವನೆ):

• ಕೇದಾರ್ ಜಾದವ್
• ನವದೀಪ್ ಸೈನಿ
• ದೀಪಕ್ ಚಹಾರ್
• ಮನೀಷ್ ಪಾಂಡೆ
• ಹನುಮ ವಿಹಾರಿ
• ಶಾರ್ದೂಲ್ ಠಾಕೂರ್
• ಶ್ರೇಯಸ್ ಅಯ್ಯರ್​
• ವಾಷಿಂಗ್ಟನ್ ಸುಂದರ್

ಸೈನಿ, ಮಯಾಂಕ್ ಅಗರ್ವಾಲ್, ಶ್ರೇಯಸ್ ಅಯ್ಯರ್​, ವಾಷಿಂಗ್ಟನ್ ಸುಂದರ್ ಮತ್ತು ದೀಪಕ್ ಚಹಾರ್ ಮೊದಲ ಬಾರಿಗೆ ವಾರ್ಷಿಕ ಆಟಗಾರರ ಒಪ್ಪಂದ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.