ಸಿಡಿದ ಶಿಖರ್​,ಅಬ್ಬರಿಸಿದ ಅಕ್ಷರ್ : ಚೆನ್ನೈ ಮಣಿಸಿ ಅಗ್ರಸ್ಥಾನಕ್ಕೇರಿದ ಡೆಲ್ಲಿ ಕ್ಯಾಪಿಟಲ್ಸ್​

180 ರನ್​ಗಳ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​ 5 ವಿಕೆಟ್ ಕಳೆದುಕೊಂಡರು ಇನ್ನು 1ಎಸೆತ ಇರುವಂತೆ ಗೆಲುವಿನ ನಗೆ ಬೀರಿತು.

ಶಾರ್ಜಾ:ಕೊನೆಯ ಓವರ್​ನಲ್ಲಿ ಮೂರು ಸಿಕ್ಸರ್​ ಸಿಡಿಸುವ ಮೂಲಕ ಅಕ್ಷರ್​ ಪಟೇಲ್ ಡೆಲ್ಲಿ ಕ್ಯಾಪಿಟಲ್ಸ್​ಗೆ 5 ವಿಕೆಟ್​ಗಳ ರೋಚಕ ಜಯ ತಂದುಕೊಟ್ಟಿದ್ದಾರೆ. ಈ ಗೆಲುವಿನ ಮೂಲಕ ಡೆಲ್ಲಿ ತಂಡ ಮುಂಬೈ ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್ ಮಾಡಿದ ಚೆನ್ನೈ ಸೂಪರ್​ ಕಿಂಗ್ಸ್​ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡರು 179 ರನ್​ಗಳಿಸಿತ್ತು. ಪ್ಲೆಸಿಸ್​ 58, ರಾಯುಡು 45 ಹಾಗೂ ಜಡೇಜಾ 33 ರನ್​ಗಳಿಸಿದ್ದರು.

180 ರನ್​ಗಳ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​ 5 ವಿಕೆಟ್ ಕಳೆದುಕೊಂಡರು ಇನ್ನು 1ಎಸೆತ ಇರುವಂತೆ ಗೆಲುವಿನ ನಗೆ ಬೀರಿತು. ಆರಂಭಿಕ ಪೃಥ್ವಿ ಶಾ ಶೂನ್ಯಕ್ಕೆ ವಿಕೆಟ್ ಒಪ್ಪಿಸುವ ಮೂಲಕ ನಿರಾಶೆ ಮೂಡಿಸಿದರು. ಚಹಾರ್​ ನಂತರ ಬಂದ ರಹಾನೆ(8)ಯನ್ನು ಔಟ್​ ಮಾಡುವ ಮೂಲ ಡೆಲ್ಲಿಗೆ ಮತ್ತೊಂದು ಆಘಾತ ನೀಡಿದರು.

ಆದರೆ ನಾಯಕ ಶ್ರೇಯಸ್ ಅಯ್ಯರ್​(23) ಹಾಗೂ ಸ್ಟೋಯ್ನಿಸ್(24) ರನ್​ಗಳಿಸಿ​ ಧವನ್​ಗೆ ಸಾಥ್​ ನೀಡಿದರು.

ಕೊನೆಯ ಓವರ್​ನಲ್ಲಿ ಡೆಲ್ಲಿಗೆ ಗೆಲ್ಲಲು 18 ರನ್​ಗಳ ಅವಶ್ಯಕತೆಯಿತ್ತು. ಬ್ರಾವೋ ಗಾಯಗೊಂಡಿದ್ದರಿಂದ ಜಡೇಜಾ ಕೈಗೆ ಧೋನಿ ಬೌಲಿಂಗ್ ನೀಡಿದರು. ಅಕ್ಷರ್ ಪಟೇಲ್ ಜಡೇಜಾ ಓವರ್​ನಲ್ಲಿ 3 ಸಿಕ್ಸರ್​ ಸಿಡಿಸಿ ಡೆಲ್ಲಿಗೆ 5 ವಿಕೆಟ್​ಗಳ ರೋಚಕ ಜಯ ತಂದುಕೊಟ್ಟರು.

ಆರಂಭಿಕನಾಗಿ ಕಣಕ್ಕಿಳಿದು ಕೊನೆಯವರೆಗೂ ಔಟಾಗದೆ ಉಳಿದ ಧವನ್​ 58 ಎಸೆತಗಳಲ್ಲಿ 14 ಬೌಂಡರಿ 1 ಸಿಕ್ಸರ್​ ಸಹಿತ 101 ರನ್​ಗಳಿಸಿದರೆ, ಅಕ್ಷರ್ ಪಟೇಲ್ 5 ಎಸೆತಗಳಲ್ಲಿ 21 ರನ್​ಗಳಿಸಿ ಗೆಲುವಿನ ರೂವಾರಿಯಾದರು.

ಸಿಎಸ್​ಕೆ ಪರ ದೀಪಕ್ ಚಹಾರ್​ 18ಕ್ಕೆ 2, ಸ್ಯಾಮ್​ ಕರನ್​, ಬ್ರಾವೋ ಹಾಗೂ ಠಾಕೂರ್ ತಲಾ ಒಂದು ವಿಕೆಟ್ ಪಡೆದರು.