ದುಬೈ:ಶಿಖರ್ ಧವನ್ ಅವರ ಅಬ್ಬರದ ಶತಕದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಪಂಜಾಬ್ ವಿರುದ್ಧ 164 ರನ್ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿದೆ.
ಆರಂಭಿಕನಾಗಿ ಕಣಕ್ಕಿಳಿದಿದ್ದ ಶಿಖರ್ ಧವನ್ ಶತಕ (106)ಸಿಡಿಸಿದರೆ, ಮತ್ತೊಬ್ಬ ಆರಂಭಿಕ ಬ್ಯಾಟ್ಸ್ಮನ್ ಪೃಥ್ವಿ ಶಾ ಕೇವಲ 7 ರನ್ಗಳಿಸಿ ಔಟಾಗುವ ಮೂಲಕ ಸತತ ನಾಲ್ಕನೇ ಪಂದ್ಯದಲ್ಲಿ ಸಿಂಗಲ್ ಡಿಜಿಟ್ಗೆ ವಿಕೆಟ್ ಒಪ್ಪಿಸಿದರು.
ನಂತರದ ಬಂದ ನಾಯಕ ಅಯ್ಯರ್ 14, ಗಾಯದಿಂದ ಚೇತರಿಸಿಕೊಂಡು ಬಂದ ರಿಷಭ್ ಪಂತ್ 14 ರನ್ಗಳಿಸಿ ಔಟಾಗುವ ಮೂಲಕ ನಿರಾಸೆಯನುಭವಿಸಿದರು. ಅಲ್ರೌಂಡರ್ ಸ್ಟೊಯ್ನಿಸ್ ಆಟ ಕೂಡ 9 ರನ್ಗಳಿಗೆ ಅಂತ್ಯವಾಯಿತು.
ಒಂದು ಕಡೆ ವಿಕೆಟ್ ಬೀಳುತ್ತಿದ್ದರೂ ಏಕಾಂಗಿ ಹೋರಾಟ ನಡೆಸಿದ ಧವನ್ 61 ಎಸೆತಗಳಲ್ಲಿ 12 ಬೌಂಡರಿ ಹಾಗೂ 3 ಸಿಕ್ಸರ್ಗಳ ಸಹಿತ 106 ರನ್ಗಳಿಸಿ ಔಟಾಗದೇ ಉಳಿದರು. ಹೆಟ್ಮೈರ್ 10 ರನ್ಗಳಿಸಿದರು.
ಪಂಜಾಬ್ ಪರ ಗ್ಲೆನ್ ಮ್ಯಾಕ್ಸ್ವೆಲ್ 31ಕ್ಕೆ1, ಮೊಹಮ್ಮದ್ ಶಮಿ 28ಕ್ಕೆ 2, ಜಿಮ್ಮಿ ನಿಶಾಮ್ 17ಕ್ಕೆ 1 ಹಾಗೂ ಮುರುಗನ್ ಅಶ್ವಿನ್ 33ಕ್ಕೆ 1 ವಿಕೆಟ್ ಪಡೆದು ಡೆಲ್ಲಿ ರನ್ಗತಿಗೆ ಕಡಿವಾಣ ಹಾಕಿದರು.
