ಕೇವಲ 11 ಇನ್ನಿಂಗ್ಸ್​ ಆಡಿ ಕೊಹ್ಲಿ, ರಾಹುಲ್ ಹಿಂದಿಕ್ಕಿದ ಕಿವೀಸ್​ನ ಡಿವೋನ್ ಕಾನ್ವೆ!

ನ್ಯೂಜಿಲ್ಯಾಂಡ್​ ಪರ 13 ಪಂದ್ಯಗಳನ್ನಾಡಿದ್ದು, 11 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟಿಂಗ್ ಮಾಡಿದ್ದಾರೆ. ಇತ್ತೀಚೆಗೆ ಬಾಂಗ್ಲಾದೇಶದ ವಿರುದ್ಧ 52 ಎಸೆತಗಳಲ್ಲಿ ಅಜೇಯ 92 ರನ್​ಗಳಿಸಿದ್ದರು. ಈ ಇನ್ನಿಂಗ್ಸ್​ ನಂತರ ಅವರು 5 ಸ್ಥಾನ ಬಡ್ತಿ ಪಡೆದು ಭಾರತದ ವಿರಾಟ್​ ಕೊಹ್ಲಿ (5) ಮತ್ತು ಕೆ.ಎಲ್.ರಾಹುಲ್(6)​ರನ್ನು ಹಿಂದಿಕ್ಕಿ 4ನೇ ಶ್ರೇಯಾಂಕ ಪಡೆದಿದ್ದಾರೆ.

ಡೆಲ್ಲಿ: ನ್ಯೂಜಿಲ್ಯಾಂಡ್ ಪರ ಕೇವಲ 11 ಇನ್ನಿಂಗ್ಸ್​ಗಳನ್ನಾಡಿರುವ ವಿಕೆಟ್ ಕೀಪರ್- ಬ್ಯಾಟ್ಸ್​ಮನ್ ಡಿವೋನ್ ಕಾನ್ವೆ ಟಿ20 ರ್‍ಯಾಂಕಿಂಗ್​ನಲ್ಲಿ ವಿರಾಟ್ ಕೊಹ್ಲಿ, ಕೆ.ಎಲ್.ರಾಹುಲ್‌ರಂತಹ ಸ್ಟಾರ್​ ಬ್ಯಾಟ್ಸ್​ಮನ್​ಗಳನ್ನು ಹಿಂದಿಕ್ಕಿ ಟಾಪ್​ 5ಕ್ಕೆ ಎಂಟ್ರಿಕೊಟ್ಟಿದ್ದಾರೆ.

ನ್ಯೂಜಿಲ್ಯಾಂಡ್​ ಪರ 13 ಪಂದ್ಯಗಳನ್ನಾಡಿದ್ದು, 11 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟಿಂಗ್ ಮಾಡಿದ್ದಾರೆ. ಇತ್ತೀಚೆಗೆ ಬಾಂಗ್ಲಾದೇಶದ ವಿರುದ್ಧ 52 ಎಸೆತಗಳಲ್ಲಿ ಅಜೇಯ 92 ರನ್​ಗಳಿಸಿದ್ದರು. ಈ ಇನ್ನಿಂಗ್ಸ್​ನಂತರ ಅವರು 5 ಸ್ಥಾನ ಬಡ್ತಿ ಪಡೆದು ಭಾರತದ ವಿರಾಟ್​ ಕೊಹ್ಲಿ(5) ಮತ್ತು ಕೆ.ಎಲ್.ರಾಹುಲ್(6)​ರನ್ನು ಹಿಂದಿಕ್ಕಿ 4ನೇ ಶ್ರೇಯಾಂಕ ಪಡೆದಿದ್ದಾರೆ.

ಇಂಗ್ಲೆಂಡ್​ನ ಡೇವಿಡ್ ಮಲನ್, ಆಸ್ಟ್ರೇಲಿಯಾದ ಫಿಂಚ್ ಮತ್ತು ಪಾಕಿಸ್ತಾನದ ಬಾಬರ್ ಅಜಮ್ ಅಗ್ರ 3 ಸ್ಥಾನಗಳಲ್ಲಿ ಮುಂದುವರಿದಿದ್ದಾರೆ.

ಬೌಲಿಂಗ್ ಶ್ರೇಯಾಂಕದಲ್ಲಿ ಕಿವೀಸ್​ ನಾಯಕ ಟಿಮ್ ಸೌಥಿ 2 ಸ್ಥಾನ ಮೇಲೇರಿ 7ಕ್ಕೇರಿದ್ದಾರೆ. ದಕ್ಷಿಣ ಆಫ್ರಿಕಾದ ತಬ್ರೈಜ್ ಶಂಸಿ, ಅಫ್ಘಾನಿಸ್ತಾನದ ರಶೀದ್ ಖಾನ್ ಮೊದಲೆರಡು ಸ್ಥಾನದಲ್ಲಿದ್ದಾರೆ. ಭಾರತದ ಯಾವುದೇ ಬೌಲರ್​ಗಳು ಟಾಪ್ ​10ರಲ್ಲಿ ಕಾಣಿಸಿಕೊಂಡಿಲ್ಲ. ವಾಷಿಂಗ್ಟನ್ ಸುಂದರ್ 14ನೇ ಸ್ಥಾನದಲ್ಲಿ ಭಾರತದ ಟಾಪ್ ಶ್ರೇಯಾಂಕಿತರಾಗಿದ್ದಾರೆ.

ಇದನ್ನೂ ಓದಿ:ಏಕದಿನ ಬೌಲಿಂಗ್ ರ್‍ಯಾಂಕ್: ಬುಮ್ರಾ ಹಿಂದಿಕ್ಕಿದ ಹೆನ್ರಿ, 11ನೇ ರ್‍ಯಾಂಕ್​ಗೆ ಬಡ್ತಿ ಪಡೆದ ಭುವಿ