ದುಬೈ: ಸೋಮವಾರ ನಡೆದ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಆರ್ಸಿಬಿ 10 ರನ್ಗಳ ಜಯಸಾಧಿಸಿದೆ. ಕನ್ನಡಿಗ ದೇವದತ್ ಪಡಿಕ್ಕಲ್, ವಿಲಿಯರ್ಸ್ ಅರ್ಧಶತಕ ಸಿಡಿಸಿದರೆ, ಚಹಾಲ್ 3 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.
ಪಂದ್ಯದ ನಂತರ ಚಹಾಲ್ ಹಾಗೂ ಪಡಿಕ್ಕಲ್ ತಮ್ಮನ್ನು ತಾವೇ ಸಂದರ್ಶನ ಮಾಡಿಕೊಂಡರು. ಈ ವೇಳೆ, ತಮಗೆ ನೆರವಾದ ಕೊಹ್ಲಿ, ಫಿಂಚ್ ಬಗ್ಗೆ ಮೆಚ್ಚುಗೆ ವ್ಯಕ್ತಡಿಸಿದ ಪಡಿಕ್ಕಲ್, ಚಹಾಲ್ರ ಆಶಯದಂತೆ ಕನ್ನಡಿಗರಿಗೆ ಬೆಂಬಲ ನೀಡಬೇಕು ಎಂದು ಕನ್ನಡದಲ್ಲೇ ವಿನಂತಿಸಿಕೊಂಡಿದ್ದಾರೆ.
"ಎಲ್ಲರೂ ಆರ್‌ಸಿಬಿಗೆ ಸಪೋರ್ಟ್ ಮಾಡ್ತಿರಿ, ಮೊದಲ ಪಂದ್ಯ ತುಂಬಾ ಚೆನ್ನಾಗಿತ್ತು. ಮುಂದೆಯೂ ಹೀಗೆ ಆಡ್ತೀವಿ. ನೀವು ಬೆಂಬಲ ನೀಡ್ತಾ ಇರೀ, ನಾವು ಹೀಗೆ ಆಡ್ತಾ ಇರ್ತೀವಿ" ಎಂದು ದೇವದತ್ ಪಡಿಕ್ಕಲ್ ಅಭಿಮಾನಿಗಳಲ್ಲಿ ವಿನಂತಿಸಿಕೊಂಡಿದ್ದಾರೆ.
ಆರಂಭಿಕನಾಗಿ ಕಣಕ್ಕಿಳಿದಿದ್ದ ಪಡಿಕ್ಕಲ್ 42 ಎಸೆತಗಳಲ್ಲಿ 8 ಬೌಂಡರಿ ಸಹಿತ 56 ರನ್ ಸಿಡಿಸಿ ಪದಾರ್ಪಣ ಪಂದ್ಯವನ್ನೇ ಸ್ಮರಣೀಯವನ್ನಾಗಿಸಿಕೊಂಡರು. ಇವರ ಅರ್ಧಶತಕ ಮತ್ತು ವಿಲಿಯರ್ಸ್ ಅವರ ಸ್ಫೋಟಕ ಅರ್ಧಶತಕದ ನೆರವಿನಿಂದ ಆರ್ಸಿಬಿ 163 ರನ್ಗಳಿಸಿತ್ತು. ಬೌಲಿಂಗ್ನಲ್ಲೂ ಉತ್ತಮ ಪ್ರದರ್ಶನ ತೋರಿ ಹೈದರಾಬಾದ್ ತಂಡವನ್ನು 153 ರನ್ಗಳಿಗೆ ಆಲೌಟ್ ಮಾಡಿ 10 ರನ್ಗಳ ಗೆಲುವು ಪಡೆಯಿತು.