ಅಬುಧಾಬಿ:ರಾಜಸ್ಥಾನ ರಾಯಲ್ಸ್ ವಿರುದ್ಧ ಇಂದು ನಡೆಯುವ ಪಂದ್ಯ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಎಂ ಎಸ್ ಧೋನಿಗೆ 200ನೇ ಪಂದ್ಯವಾಗಲಿದೆ.
2008ರಲ್ಲಿ ಐಪಿಎಲ್ಗೆ ಪಾದಾರ್ಪಣೆ ಮಾಡಿದ್ದ ಧೋನಿ ಇಲ್ಲಿಯವರೆಗ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪರ 11 ಆವೃತ್ತಿಗಳಿಂದ 169 ಪಂದ್ಯ, ರೈಸಿಂಗ್ ಪುಣೆ ಸೂಪರ್ ಜೇಂಟ್ಸ್ ತಂಡದ ಪರ 2 ಆವೃತ್ತಿಗಳಿಂದ 30 ಪಂದ್ಯಗಳನ್ನಾಡಿದ್ದಾರೆ.
ಇಂದು ನಡೆಯುವ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯ ಧೋನಿ ಪಾಲಿನ 200ನೇ ಪಂದ್ಯವಾಗಲಿದ್ದು, ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನಾಡಿದ ಕ್ರಿಕೆಟಿಗ ಎಂಬ ಶ್ರೇಯಕ್ಕೆ ಪಾತ್ರರಾಗಲಿದ್ದಾರೆ. ರೋಹಿತ್ ಶರ್ಮಾ(197), ಸುರೇಶ್ ರೈನಾ(193) ನಂತರದ ಸ್ಥಾನದಲ್ಲಿದ್ದಾರೆ.
ಧೋನಿ ಐಪಿಎಲ್ನಲ್ಲಿ 199 ಪಂದ್ಯಗಳನ್ನಾಡಿದ್ದು, 23 ಅರ್ಧಶತಕ ಸೇರಿದಂತೆ 4,568 ರನ್ ಗಳಿಸಿದ್ದಾರೆ. 84 ಅವರ ಗರಿಷ್ಠ ಸ್ಕೋರ್ ಆಗಿದೆ.
ಧೋನಿ ಟೂರ್ನಿಯಲ್ಲಿ 215 ಸಿಕ್ಸರ್ ಸಿಡಿಸುವ ಮೂಲಕ ಗರಿಷ್ಠ ಸಿಕ್ಸರ್ ಸಿಡಿಸಿದವರ ಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದ್ದಾರೆ. ಕ್ರಿಸ್ ಗೇಲ್(333) ಹಾಗೂ ಎಬಿ ಡಿ ವಿಲಿಯರ್ಸ್(231) ಸಿಕ್ಸರ್ ಸಿಡಿಸಿ ಮೊದಲೆರಡು ಸ್ಥಾನದಲ್ಲಿದ್ದಾರೆ.