ಎಂಎಸ್​ ಧೋನಿ ಬದಲು ದೆಹಲಿಯ ಈ ಸ್ಟಾರ್​ ಆಟಗಾರನನ್ನ ಸಿಎಸ್​ಕೆ ಖರೀದಿಸಲು ಬಯಸಿತ್ತಂತೆ!

ಧೋನಿ ಖರೀಧಿಸುವ ಮೂಲಕ ಸಿಎಸ್​ಕೆ ಒಂದೇ ಕಲ್ಲಿನಲ್ಲಿ ಮೂರು ಹಕ್ಕಿ ಹೊಡೆಯಿತು ಎಂದು ಇದೇ ಸಂದರ್ಭದಲ್ಲಿ ಹೇಳಿದ್ದಾರೆ. ಮೊದಲನೇಯದಾಗಿ ಅವರು ವಿಶ್ವದ ಅತ್ಯುತ್ತಮ ನಾಯಕ, ಅವರು ಗೆಲ್ಲದ ಯಾವುದೇ ಟ್ರೋಫಿಗಳಿಲ್ಲ. ಎರಡನೇಯದಾಗಿ ಅವರು ಅತ್ಯುತ್ತಮ ಫಿನಿಶರ್​ ಹಾಗೂ ಮೂರನೆಯದು ಅವರು ಚಾಣಾಕ್ಷ ವಿಕೆಟ್​ ಕೀಪರ್​..

ಚೆನ್ನೈ:2008ರ ಆವೃತ್ತಿಗಾಗಿ ತಂಡದ ಐಕಾನ್​ ಪ್ಲೇಯರ್​ ಆಗಿ ಧೋನಿ ಬದಲಿಗೆ ಸೆಹ್ವಾಗ್​ರನ್ನು ಖರೀದಿಸಲು ಚೆನ್ನೈ ಸೂಪರ್​ ಕಿಂಗ್ಸ್​ ಬಯಸಿತ್ತು. ಆದರೆ, ಡೆಲ್ಲಿ ಡ್ಯಾಶರ್​ ತಮ್ಮ ತವರು ತಂಡ ಡೆಲ್ಲಿ ಡೇರ್​ ಡೇವಿಲ್ಸ್​ ತಂಡದ ಪರ ಆಡುವುದಾಗಿ ತಿಳಿಸಿದ ನಂತರ ಸಿಎಸ್​ಕೆ ಧೋನಿ ಕಡೆ ಮುಖ ಮಾಡಿತು ಎಂದು ಸಿಎಸ್​ಕೆ ತಂಡದ ಮಾಜಿ ಕ್ರಿಕೆಟಿಗ ಸುಬ್ರಮಣಿಯಂ ಬದ್ರಿನಾಥ್​ ಬಹಿರಂಗ ಪಡಿಸಿದ್ದಾರೆ.

ಸಿಎಸ್​ಕೆ ಮ್ಯಾನೇಜ್​ಮೆಂಟ್‌​ 2008ರ ಆವೃತ್ತಿಗೂ ಮುನ್ನ ಸೆಹ್ವಾಗ್​​ರನ್ನು ಆಯ್ಕೆ ಮಾಡಿಕೊಳ್ಳಲು ನಿರ್ಧರಿಸಿತ್ತು. ಆದರೆ, ಸೆಹ್ವಾಗ್​ ಸ್ವತಃ "ತಾವು ಡೆಲ್ಲಿಯಲ್ಲಿ ಬೆಳೆದಿದ್ದೇನೆ, ಜೊತೆಗೆ ಡೆಲ್ಲಿ ಡೇರ್​ ಡೇವಿಲ್ಸ್​ನೊಂದಿಗೆ ಉತ್ತಮ ಸಂಪರ್ಕವಿದೆ" ಎಂದು ಹೇಳಿ ತಮ್ಮ ತವರು ತಂಡದ ಪರ ಆಡುವುದಾಗಿ ತಿಳಿಸಿದ್ದರು ಎಂದು ಬದ್ರಿನಾಥ್​ ತಮ್ಮ ಯೂಟ್ಯೂಬ್​ ಚಾನೆಲ್​ನಲ್ಲಿ ಹೇಳಿಕೊಂಡಿದ್ದಾರೆ.

ಸೆಹ್ವಾಗ್​ ನಿರ್ಧಾರದ ನಂತರ, ಕೇವಲ 4 ವರ್ಷಕ್ಕಿಂತ ಕಡಿಮೆ ಅಂತಾರಾಷ್ಟ್ರೀಯ ಕ್ರಿಕೆಟ್​ನ ಅನುಭವವುಳ್ಳವರಾಗಿದ್ದ ಎಂಎಸ್​ ಧೋನಿಯನ್ನು ಸಿಎಸ್​ಕೆ ಖರೀದಿಸಲು ನಿರ್ಧಾರ ಮಾಡಿತ್ತು. ಅಷ್ಟರಲ್ಲಾಗಲೇ ಅವರು ಭಾರತಕ್ಕೆ ಚೊಚ್ಚಲ ಟಿ20 ವಿಶ್ವಕಪ್​ ತಂದುಕೊಟ್ಟಿದ್ದರು.

"ಸೆಹ್ವಾಗ್ ಡೆಲ್ಲಿಪರ ಆಡುತ್ತೇನೆಂಬ ನಿರ್ಧಾರಕ್ಕೆ ಒಪ್ಪಿಕೊಂಡ ಆಡಳಿತ ಮಂಡಳಿ ಅವರಿಗಿಂತ ಉತ್ತಮ ಆಟಗಾರನ ಕಡೆ ಗಮನ ಹರಿಸಿತು. ಇದಕ್ಕೂ ಮುನ್ನ ಭಾರತ 2007ರ ಟಿ20 ವಿಶ್ವಕಪ್​ ಎತ್ತಿ ಹಿಡಿದಿತ್ತು. ಆ ನಂತರ ಧೋನಿ ಖರೀದಿಸಲು ಸಿಎಲ್​ಕೆ ನಿರ್ಧಾರ ಮಾಡಿತು" ಎಂದು ಬದ್ರಿನಾಥ್​ ತಿಳಿಸಿದ್ದಾರೆ.

ಧೋನಿ ಖರೀಧಿಸುವ ಮೂಲಕ ಸಿಎಸ್​ಕೆ ಒಂದೇ ಕಲ್ಲಿನಲ್ಲಿ ಮೂರು ಹಕ್ಕಿ ಹೊಡೆಯಿತು ಎಂದು ಇದೇ ಸಂದರ್ಭದಲ್ಲಿ ಹೇಳಿದ್ದಾರೆ. ಮೊದಲನೇಯದಾಗಿ ಅವರು ವಿಶ್ವದ ಅತ್ಯುತ್ತಮ ನಾಯಕ, ಅವರು ಗೆಲ್ಲದ ಯಾವುದೇ ಟ್ರೋಫಿಗಳಿಲ್ಲ. ಎರಡನೇಯದಾಗಿ ಅವರು ಅತ್ಯುತ್ತಮ ಫಿನಿಶರ್​ ಹಾಗೂ ಮೂರನೆಯದು ಅವರು ಚಾಣಾಕ್ಷ ವಿಕೆಟ್​ ಕೀಪರ್​. ನಾನು ನೋಡಿರುವ ಅತ್ಯುತ್ತಮ ಸುರಕ್ಷಿತ ವಿಕೆಟ್​ ಕೀಪರ್​ ಕೂಡ" ಎಂದು ಅವರು ಸಿಎಸ್​ಕೆ ಒಂದೇ ಕಲ್ಲಿನಲ್ಲಿ ಹೇಗೆ 3ಹಕ್ಕಿ ಹೊಡೆದುರುಳಿಸಿತು ಎಂದು ವಿವರಿಸಿದ್ದಾರೆ.

ಧೋನಿಯೂ ಕೂಡ ಸಿಎಸ್​ಕೆ ಭರವೆಸೆಯನ್ನು ನಿರಾಶೆ ಮಾಡಲಿಲ್ಲ. ಅವರು ಸಿಎಸ್​ಕೆ ತಂಡವನ್ನು ಎಲ್ಲಾ 10 ಆವೃತ್ತಿಗಳಲ್ಲೂ ಪ್ಲೇಆಫ್​ಗೆ ಕರೆತಂದಿದ್ದಾರೆ. 8 ಬಾರಿ ಫೈನಲ್​ ಪ್ರವೇಶಿಸಿದ್ದರೆ 3 ಬಾರಿ ಚಾಂಪಿಯನ್​ ಆಗಿದೆ.