ಸಿಡ್ನಿ:ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದ ಬಿಕ್ಕಟ್ಟಿನ ಸಂದರ್ಭದಲ್ಲಿ ಭವಿಷ್ಯದ ಆದಾಯದ ಮೌಲ್ಯಮಾಪನ ಮುಂದೂಡಬೇಕು ಎಂದು ಆಸ್ಟ್ರೇಲಿಯಾದ ಉನ್ನತ ಕ್ರಿಕೆಟಿಗರು, ಕ್ರಿಕೆಟ್ ಆಸ್ಟ್ರೇಲಿಯಾದೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.
ವಿಶ್ವವ್ಯಾಪಿ ಸಾಂಕ್ರಾಮಿಕ ರೋಗದ ಬಿಕ್ಕಟ್ಟಿನ ಸಮಯದಲ್ಲಿ ಕ್ರಿಕೆಟ್ ಆಸ್ಟ್ರೇಲಿಯಾ, ಆಸ್ಟ್ರೇಲಿಯಾ ಕ್ರಿಕೆಟ್ ಸಂಘದೊಂದಿಗೆ ಮಂಡಳಿಯು ಭವಿಷ್ಯದ ಆದಾಯದ ಮೌಲ್ಯ ಮಾಪನ ಮುಂದೂಡುವುದಕ್ಕೆ ಮಾತುಕತೆಯಿಂದ ಸಮ್ಮತಿ ಪಡೆದುಕೊಂಡಿದೆ. ಈ ಬೆಳವಣಿಗೆಯ ಪರಿಣಾಮವಾಗಿ ಒಂದು ತಿಂಗಳ ಹಿಂದೆ ಎಸಿಎ, ಸಿಎ ವಿರುದ್ಧ ದಾಖಲಿಸಿದ್ದ ವಿವಾದದ ನೋಟಿಸ್ ಹಿಂತೆಗೆದುಕೊಂಡಿದೆ.
ಶನಿವಾರ ಈ ಒಪ್ಪಂದ ನಡೆದಿದ್ದು, ಸಾಂಕ್ರಾಮಿಕ ರೋಗದ ಆರ್ಥಿಕ ಪರಿಣಾಮವನ್ನು ಲೆಕ್ಕ ಹಾಕಲು ಮತ್ತು ಮುಂದಿನ ವರ್ಷಕ್ಕೆ ಆದಾಯದ ಹಂಚಿಕೆ ಮುಂದೂಡಲು ಪಕ್ಷಗಳು ಒಪ್ಪಿಕೊಂಡಿವೆ. ಕ್ರೀಡೆಗೆ ಸವಾಲಿನ ಸಂದರ್ಭವಾಗಿರುವ ಇಂತಹ ಸಂದರ್ಭದಲ್ಲಿ ಚರ್ಚೆ ನಡೆಸಲು ಒಪ್ಪಿಕೊಂಡಿದ್ದಕ್ಕೆ ಎಸಿಎಗೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಆಸ್ಟ್ರೇಲಿಯಾದ ಪ್ರಮುಖ ಆಟಗಾರರಿಗೆ ವೇತನವನ್ನು ಬೋರ್ಡ್ ಗಳಿಸುವ ಆದಾಯವನ್ನು ಪರಿಗಣಿಸಿ ಹಂಚಿಕೆ ಮಾಡಲಾಗುತ್ತದೆ. ರೆವಿನ್ಯೂ ಪ್ರೊಜೆಕ್ಷನ್ಸ್ ನಿಂದ ಗುತ್ತಿಗೆ ಪಡೆದ ಪುರುಷ ಮತ್ತು ಮಹಿಳಾ ಕ್ರಿಕೆಟಿಗರ ವೇತನದ ಮೇಲೆ ಪರಿಣಾಮ ಬೀರಬಹುದು. ಅಂದರೆ ಆದಾಯದಲ್ಲಿ ಹೆಚ್ಚಾದರೆ ವೇತನ ಹೆಚ್ಚಾಗುತ್ತದೆ. ಆದಾಯ ಕಡಿಮೆಯಿದ್ದರೆ ಅಂತಹ ಟಾಪ್ ಆಟಗಾರರ ವೇತನ ಕೂಡ ಕುಸಿಯುತ್ತದೆ.
ಕ್ರಿಕೆಟ್ ಆಸ್ಟ್ರೇಲಿಯಾದ ಹಾಗೂ ಒಪ್ಪಂದದ ಪ್ರಕಾರ, ಕ್ರಿಕೆಟ್ ಆಸ್ಟ್ರೇಲಿಯಾವೂ ಏಪ್ರಿಲ್ ಅಂತ್ಯದ ವೇಳೆಗೆ ಆದಾಯದ ಪ್ರೊಜೆಕ್ಷನ್ಅನ್ನು ಒದಗಿಸಬೇಕಿತ್ತು. ಆದರೆ ಕೊರೊನಾದಿಂದ ಒಂದು ತಿಂಗಳು ಮುಂದೂಡಲಾಗಿತ್ತು. ಇತ್ತೀಚಿನ ಒಪ್ಪಂದದ ಪ್ರಕಾರ ತವರಿನಲ್ಲಿ ನಡೆಯುವ ಬೇಸಿಗೆ ಕ್ರಿಕೆಟ್ ಅನ್ನು ಗಣನೆಗೆ ತಗೆದುಕೊಂಡು ಆದಾಯ ಹಂಚಿಕೆ ಸರಿಪಡಿಸಿಕೊಳ್ಳಲಾಗುವುದು ಎನ್ನಲಾಗಿದೆ.
ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ದ್ವಿಪಕ್ಷೀಯ ಸರಣಿ ಹಾಗೂ ಬಿಗ್ಬ್ಯಾಶ್ ಲೀಗ್ ಬೇಸಿಗೆಯಲ್ಲಿ ನಡೆಯಲಿದ್ದು, ಈ ವೇಳೆ ತುಂಬಿದ ಸ್ಟೇಡಿಯಂನಲ್ಲಿ ಈ ಟೂರ್ನಿಗಳು ನಡೆದರೆ ಆದಾಯದಲ್ಲಿ ಚೇತರಿಕೆ ಕಾಣುವ ನಿರೀಕ್ಷೆಯಲ್ಲಿ ಕ್ರಿಕೆಟ್ ಆಸ್ಟ್ರೇಲಿಯಾ ಇದೆ.
