ಸಿಪಿಎಲ್​ನಲ್ಲಿ 267 ರನ್ ​​ಗಳಿಸಿ ದಾಖಲೆ ನಿರ್ಮಿಸಿದ ಶಾರುಖ್​​​ ಮಾಲೀಕತ್ವದ ಟಿಕೆಆರ್​ ತಂಡ

ಟ್ರೆಂಬ್ಯಾಗೋ ನೈಟ್​ ರೈಡರ್ಸ್​ 2019ರ ಕೆರಿಬಿಯನ್ ಪ್ರೀಮಿಯರ್​​ ಲೀಗ್​ನಲ್ಲಿ 267 ರನ್​ ದಾಖಲಿಸಿ ಟಿ-20 ಇತಿಹಾಸದಲ್ಲಿ 3ನೇ ಗರಿಷ್ಠ ದಾಖಲೆ ನಿರ್ಮಿಸಿದೆ.

ಜಮೈಕಾ:ಬಾಲಿವುಡ್ ಬಾದ್​ ಶಾ ಶಾರುಖ್​ ಖಾನ್​ ನೇತೃತ್ವದ ಟ್ರೆಂಬ್ಯಾಗೋ ನೈಟ್​ ರೈಡರ್ಸ್​ 2019ರ ಕೆರಿಬಿಯನ್ ಪ್ರೀಮಿಯರ್​​ ಲೀಗ್​ನಲ್ಲಿ 267 ರನ್​ ದಾಖಲಿಸಿ ಟಿ-20 ಇತಿಹಾಸದಲ್ಲಿ 3ನೇ ಗರಿಷ್ಠ ದಾಖಲೆ ನಿರ್ಮಿಸಿದೆ.

ಶನಿವಾರ ನಡೆದ ಪಂದ್ಯದಲ್ಲಿ ಟಿಕೆಆರ್​ ತಂಡ ಜಮೈಕಾ ತಲೈವಾಸ್ ​ವಿರುದ್ಧ 267 ರನ್ ​ಗಳಿಸುವ ಮೂಲಕ ಸಿಪಿಎಲ್​ ಇತಿಹಾಸದಲ್ಲಿ ಗರಿಷ್ಠ ರನ್​ ದಾಖಲಿಸಿದೆ. ಮೊದಲು ಬ್ಯಾಟಿಂಗ್​ ನಡೆಸಿದ ಟಿಕೆಆರ್​ ತಂಡಕ್ಕೆ ಲೆಂಡ್ಲ್​ ಸಿಮ್ಮನ್ಸ್​ 42 ಎಸೆತಗಳಲ್ಲಿ 86, ಕಾಲಿನ್ ಮನ್ರೊ 50 ಎಸೆತಗಳಲ್ಲಿ 96, ಕೀರನ್ ಪೊಲಾರ್ಡ್​ 17 ಎಸೆತಗಳಲ್ಲಿ 45 ರನ್​ ಗಳಿಸಿ ಈ ದಾಖಲೆಗೆ ನೆರವಾದರು.

ಟಿ-20 ಕ್ರಿಕೆಟ್​ ಇತಿಹಾಸದಲ್ಲಿ ಟಿಕೆಆರ್​ ತಂಡ 267 ರನ್ ​ಗಳಿಸಿದ 3ನೇ ಸ್ಥಾನ ಪಡೆದಿದ್ದರೆ, ಅಫ್ಘಾನಿಸ್ತಾನ ತಂಡ ಐರ್ಲೆಂಡ್​ ವಿರುದ್ಧ ಇದೇ ವರ್ಷ 278 ರನ್ ​ಗಳಿಸಿದ್ದು ಟಿ-20ಯ ಗರಿಷ್ಠ ಸ್ಕೋರ್​ ಆಗಿದೆ. 2ನೇ ಸ್ಥಾನದಲ್ಲಿರುವ ಜೆಕ್​ ಗಣರಾಜ್ಯ ಟರ್ಕಿ ವಿರುದ್ಧ 278 ರನ್​ ಗಳಿಸಿ 2ನೇ ಸ್ಥಾನ ಅಲಂಕರಿಸಿದೆ.

ಈ ಪಂದ್ಯವನ್ನು ಟಿಕೆಆರ್​ ತಂಡ ಜಮೈಕಾ ತಂಡವನ್ನು 41 ರನ್​ಗಳಿಂದ ಮಣಿಸಿತು. ಜಮೈಕಾ 20 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು 226 ರನ್​ ಗಳಿಸಿತು.