ಅಬುಧಾಬಿ (ಯುಎಇ): ಶನಿವಾರ ಯುಎಇ ತಂಡದ ಆಟಗಾರ ಅಲಿಶನ್ ಶರಾಫು ಅವರಿಗೆ ಕೊರೊನಾ ಸೋಂಕು ಪತ್ತೆಯಾದ ನಂತರ ಯುಎಇ ಮತ್ತು ಐರ್ಲೆಂಡ್ ನಡುವಿನ ಎರಡನೇ ಏಕದಿನ ಪಂದ್ಯವನ್ನು ಮುಂದೂಡಲಾಗಿದೆ. ಚಿರಾಗ್ ಸೂರಿ ಹಾಗೂ ಆರ್ಯನ್ ಲಾಕ್ರಾ ಅವರ ನಂತರ ಯುಎಇ ತಂಡದ ಮೂರನೇ ಆಟಗಾರನಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದೆ.
ಡಿಸೆಂಬರ್ 29 ರಂದು ಎಲ್ಲ ಆಟಗಾರರಿಗೆ ಕೋವಿಡ್ ಟೆಸ್ಟ್ ಮಾಡಲಾಗಿತ್ತು. ಆಗ ಎಲ್ಲರ ವರದಿಗಳು ನೆಗೆಟಿವ್ ಬಂದಿದ್ದವು. ನಂತರ ಆಟಗಾರರನ್ನು ಪ್ರತ್ಯೇಕ ಕೋಣೆಗಳಲ್ಲಿ ಮೂರು ದಿನಗಳವರೆಗೆ ಐಸೊಲೇಟ್ ಮಾಡಲಾಗಿತ್ತು.