ಕರಾಚಿ:2009ರಲ್ಲಿ ಶ್ರೀಲಂಕಾದ ಮೇಲೆ ನಡೆದ ಭಯೋತ್ಪಾದಕ ದಾಳಿಗಿಂತಲೂ ಫಿಕ್ಸಿಂಗ್ ಭ್ರಷ್ಟಾಚಾರದಿಂದ ಪಾಕಿಸ್ತಾನ ಕ್ರಿಕೆಟ್ ಅಧೋಗತಿಗಿಳಿದಿದೆ ಎಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಜಹೀರ್ ಅಬ್ಬಾಸ್ ಹೇಳಿದ್ದಾರೆ.
ಜಂಟಲ್ ಮ್ಯಾನ್ ಗೇಮ್ ಎಂದೇ ಕರೆಸಿಕೊಳ್ಳುವ ಕ್ರಿಕೆಟ್ ಆಟದಲ್ಲಿ ಕೆಲವು ಸ್ವಾರ್ಥ ಕ್ರಿಕೆಟಿಗರು ಆಸೆ ಆಮಿಷಕ್ಕೆ ಬಲಿಯಾಗಿ ಕ್ರಿಕೆಟ್ ಆಟವನ್ನು ಭ್ರಷ್ಟಾಚಾರದ ಕಡೆ ಕೊಂಡೊಯ್ಯುತ್ತಿದ್ದಾರೆ. ಜಾಗತಿಕ ಕ್ರಿಕೆಟ್ನಲ್ಲಿ ಫಿಕ್ಸಿಂಗ್ನಲ್ಲಿ ಬೇರೆ ರಾಷ್ಟ್ರಗಳಿಗಿಂತ ಪಾಕಿಸ್ತಾನದ ಕ್ರಿಕೆಟಿಗರ ಹೆಸರೇ ಹೆಚ್ಚು ಕೇಳಿಬರುತ್ತಿದೆ. ಈ ಕಾರಣದಿಂದ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಪಿಸಿಬಿಯ ಹಿನ್ನಡೆಗೆ ಫಿಕ್ಸಿಂಗ್ ಭೂತವೇ ಕಾರಣ ಎಂದಿದ್ದಾರೆ.
ಇತ್ತೀಚೆಗೆ ಪಿಸಿಬಿ ಕ್ರಿಕೆಟ್ನಲ್ಲಿ ಮ್ಯಾಚ್ ಫಿಕ್ಸಿಂಗ್ ಚಟುವಟಿಕೆಯನ್ನು ಅಪರಾಧ ಕಾಯಿದೆ ಅಡಿ ಸೇರಿಸಿ, ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆ ನೀಡಿ ದಂಡಿಸಬೇಕು' ಎಂದು ಪಾಕ್ ಸರ್ಕಾರವನ್ನು ಕೇಳಿಕೊಂಡಿತ್ತು.
ಈ ಕುರಿತು ಪ್ರತಿಕ್ರಿಯಿಸಿರುವ ಜಹೀರ್ ಅಬ್ಬಾಸ್, 2009ರಲ್ಲಿ ಲಾಹೋರ್ನಲ್ಲಿ ಶ್ರೀಲಂಕಾ ಕ್ರಿಕೆಟಿಗರ ಮೇಲೆ ನಡೆದಿದ್ದ ಭಯೋತ್ಪಾದಕ ದಾಳಿಗಿಂತಲೂ ಪಿಸಿಬಿಗೆ ಆಟಗಾರರು ಫಿಕ್ಸಿಂಗ್ನಲ್ಲಿ ಭಾಗಿಯಾಗಿರವುದೇ ಹೆಚ್ಚು ಕೆಟ್ಟ ಹೆಸರು ತಂದಿದೆ. ಹಾಗಾಗಿ ಪಾಕ್ ಸರ್ಕಾರ ಆದಷ್ಟು ತುರ್ತಾಗಿ ಫಿಕ್ಸಿಂಗ್ ಅನ್ನು ಅಪರಾದ ಕಾಯ್ದಿಗೆ ಸೇರಿಸಬೇಕು, ಅದರಲ್ಲಿ ಭಾಗಿಯಾದವರಿಗೆ ಕಠಿಣ ಶಿಕ್ಷೆ ನೀಡಬೇಕು ಎಂದು ವಿನಂತಿಸಿಕೊಂಡಿದ್ದಾರೆ.
ಮೊಹಮ್ಮದ್ ಆಸಿಫ್, ಮೊಹಮ್ಮದ್ ಅಮೀರ್, ಸರ್ಜೀಲ್ ಖಾನ್, ಡಾನೀಸ್ ಕನೇರಿಯಾ, ಸಲ್ಮಾನ್ ಭಟ್, ಸಲೀಮ್ ಮಲಿಕ್, ಆಟ ಉರ್ ರೆಹ್ಮಾನ್ ಮ್ಯಾಚ್ ಫಿಕ್ಸಿಂಗ್ನಲ್ಲಿ ಪಾಲ್ಗೊಂಡು ನಿಷೇಧಕ್ಕೊಳಗಾಗಿದ್ದರು.
