ಸಿಡ್ನಿ: ಆಸ್ಟ್ರೇಲಿಯಾ ಬಿಗ್ಬ್ಯಾಶ್ ಲೀಗ್ನಲ್ಲಿ ಸಿಡ್ನಿ ಥಂಡರ್ ಕ್ರಿಸ್ ಮೋರಿಸ್ ಅವರ ಫುಟ್ಬಾಲ್ ಶೈಲಿಯಲ್ಲಿ ಕಿಕ್ ಮಾಡುವ ಮೂಲಕ ರನ್ಔಟ್ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.
ಐಪಿಎಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ತಂಡದಲ್ಲಿರುವ ಕ್ರಿಸ್ ಮೋರಿಸ್ ಇಂದು ನಡೆದ ಸಿಡ್ನಿ ಸಿಕ್ಸರ್ ವಿರುದ್ಧದ ಪಂದ್ಯದಲ್ಲಿ ಅದ್ಭುತ ರನ್ಔಟ್ ಮಾಡಿ ನೆರದಿದ್ದ ಅಭಿಮಾನಿಗಳನ್ನು ರಂಜಿಸಿದರು.
ಸಿಡ್ನಿ ಸಿಕ್ಸರ್ ತಂಡದ ಡೇನಿಯಲ್ ಹ್ಯೂಜಸ್ ಅವರು ಚೆಂಡನ್ನು ಡಿಫೆನ್ಸ್ ಮಾಡಿ ಒಂದು ರನ್ ಕದಿಯಲು ಪ್ರಯತ್ನಿಸಿದರು. ಆದರೆ ಮತ್ತೊಂದು ಬದಿಯಲ್ಲಿದ್ದ ಬ್ಯಾಟ್ಸ್ಮನ್ ಇವರ ಕರೆಗೆ ಬರದಿದ್ದಾಗ ಹಿಂತಿರುಗಲು ಪ್ರಯತ್ನಿಸುತ್ತಿದ್ದರು. ಈ ವೇಳೆ ಬೌಲಿಂಗ್ ಮಾಡಿದ್ದ ಮೋರಿಸ್ ಚೆಂಡನ್ನು ಕಾಲಿನಲ್ಲಿ ಒದ್ದು ವಿಕೆಟ್ಗೆ ತಾಗಿಸಿ ರನ್ಔಟ್ ಮಾಡಿದರು. ಇವರ ಫುಟ್ಬಾಲ್ ಶೈಲಿ ಒದೆತದಿಂದ ಹ್ಯೂಸ್ ರನ್ಔಟ್ ಆದರು. ಈ ವಿಡಿಯೋವನ್ನು ಬಿಬಿಎಲ್ ತನ್ನ ಅಧಿಕೃತ ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದು ಅಭಿಮಾನಿಗಳ ಮೋರಿಸ್ರ ಸಮಯ ಪ್ರಜ್ಞೆ ಹಾಗೂ ಕಾಲ್ಚಳಕಕ್ಕೆ ಶಹಬ್ಬಾಸ್ಗಿರಿ ನೀಡಿದ್ದಾರೆ.
ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಸಿಡ್ನಿ ಸಿಕ್ಸರ್ ಕೇವಲ 76 ರನ್ಗಳಿಗೆ ಆಲೌಟ್ ಆಯಿತು. 77 ರನ್ಗಳ ಟಾರ್ಗೆಟ್ ಬೆನ್ನೆತ್ತಿದ ಥಂಡರ್ಸ್ 2 ವಿಕೆಟ್ ಕಳೆದುಕೊಂಡು 28ರನ್ ಗಳಿಸಿದ್ದ ವೇಳೆ ಬಂದಿದ್ದರಿಂದ ಡಕ್ವರ್ಥ್ ಲೂಯಿಸ್ ನಿಯಮದನ್ವಯ ಥಂಡರ್ಸ್ 4 ರನ್ಗಳ ಜಯ ಸಾಧಿಸಿತು.
