‘ಶ್ರೇಯಸ್’ ಜತೆ ‘ಚಹಲ್​’ ಸಂದರ್ಶನ ಹೇಗಿದೆ ಗೊತ್ತೇ?: ವಿಡಿಯೋ

ಭಾರತ ತಂಡದ ಲೆಗ್‌ಸ್ಪಿನ್ನರ್‌​ ಯಜುವೇಂದ್ರ ಚಹಲ್​, ಇಂದು ನಡೆದ ನ್ಯೂಜಿಲ್ಯಾಂಡ್ ​ - ಭಾರತ ಪಂದ್ಯದ ಪಂದ್ಯ ಶ್ರೇಷ್ಠ ಶ್ರೇಯಸ್​ ಅಯ್ಯರ್​ ಅವರನ್ನು​ ಸಂದರ್ಶಿಸಿದ್ದಾರೆ.

ಭಾರತ ತಂಡದ ಲೆಗ್‌ಸ್ಪಿನ್ನರ್‌​ ಯಜುವೇಂದ್ರ ಚಹಲ್​, ಇಂದು ನಡೆದ ನ್ಯೂಜಿಲ್ಯಾಂಡ್​-ಭಾರತ ಪಂದ್ಯದ ಪಂದ್ಯ ಶ್ರೇಷ್ಠ ಶ್ರೇಯಸ್​ ಅಯ್ಯರ್ ಅವ​ರನ್ನು​ ಸಂದರ್ಶಿಸಿದ್ದಾರೆ.

ನಮ್ಮ ತಂಡದ ಹೀರೋ ಶ್ರೇಯಸ್​ ಅಯ್ಯರ್​ ನಿಮ್ಮ ಬ್ಯಾಟಿಂಗ್​ ಅತ್ಯದ್ಭುತ. 204 ರನ್​ಗಳ ಚೇಸಿಂಗ್​ ಇತ್ತು. ಕೆ.ಎಲ್​.ರಾಹುಲ್​, ವಿರಾಟ್​ ಕೊಹ್ಲಿ ಅವರೆಲ್ಲ ಔಟ್​ ಆಗಿದ್ದರು, ನಿಮ್ಮ ಪಾರ್ಟ್​ನರ್​ ಮನಿಷ್​ ಇದ್ದರು. ಆ ಸಮಯದಲ್ಲಿ ನಿಮ್ಮ ತಲೆಯಲ್ಲಿ ಏನು ಓಡುತ್ತಿತ್ತು ಎಂದು ಚಹಲ್ ಶ್ರಯಸ್​​​​ಗೆ ಪ್ರಶ್ನೆ ಎಸೆದರು. ಇದಕ್ಕೆ ಉತ್ತರಿಸಿದ ಶ್ರೇಯಸ್​ ನನಗೆ ಆ ಸಂದರ್ಭದಲ್ಲಿ ಒಬ್ಬ ಉತ್ತಮ ಪಾರ್ಟ್​ನರ್​ ಬೇಕು ಎಂದನಿಸಿತು. ಗ್ರೌಂಡ್​ ಕೂಡ ಚಿಕ್ಕದಿತ್ತು. ಓವರ್​ನಲ್ಲಿ 1 ಬೌಂಡ್ರಿ ಹೊಡೆಯಬೇಕು ಎಂದು ನಾವು ನಿರ್ಧರಿಸಿದೆವು. ಇದರಿಂದ ಬೌಲರ್​ಗೆ ಒತ್ತಡ ಹೆಚ್ಚುತ್ತೆ. ಇಲ್ಲಿ ಪಾರ್ಟ್​ನರ್​ಶಿಪ್​ ತುಂಬಾ ಮುಖ್ಯವಾಗಿತ್ತು ಎಂದು ಶ್ರೇಯಸ್​ ಅಯ್ಯರ್​ ಅಭಿಪ್ರಾಯ ಹಂಚಿಕೊಂಡರು.

2014ರಿಂದ ನಿಮ್ಮ ಆಟವನ್ನು ನಾನು ನೋಡಿದ್ದೇನೆ. ಇಷ್ಟುದಿನ ನೀವು ಆಡಿದ ಅಷ್ಟೂ ಆಟಗಳಲ್ಲಿ ಇದು ಬೆಸ್ಟ್​ ಇನ್ನಿಂಗ್​ ಆಗಿತ್ತೇ? ಎಂದು ಕೇಳಿದ ಚಹಲ್​ಗೆ, ಮ್ಯಾಚ್​ ಫಿನಿಶಿಂಗ್​ ಮಾಡುವ ಫೀಲಿಂಗ್​ ಒಂದು ಉತ್ತಮ ಅನುಭವ. ಅದರಲ್ಲೂ ನಿಮ್ಮ ಒಂದು ಸಿಕ್ಸ್​ನಿಂದ ಮ್ಯಾಚ್​ ಮುಕ್ತಾಯಗೊಳ್ಳುತ್ತೆ ಎಂಬುದು ಅತ್ಯತ್ತಮ ಅನುಭವ ಕೊಡುತ್ತೆ. ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ ಜತೆಗಿದ್ದು, ಅವರ ಆಟದ ಶೈಲಿಯೇ ನನಗೆ ಇಂದಿನ ಆಟಕ್ಕೆ ಪ್ರೇರಣೆ. ನನಗೂ ಮ್ಯಾಚ್​ ಫಿನಿಶರ್​ ಆಗುವ ಮಹದಾಸೆಯಿತ್ತು. ಅದು ಇಂದು ನೆರವೇರಿದೆ ಎಂದು ಶ್ರೇಯಸ್​ ಸಂತಸ ಪಟ್ಟರು.

ಫಿನಿಶಿಂಗ್​ ಮೊಮೆಂಟ್​ನಲ್ಲಿ ನನಗೆ ನಿಮ್ಮನ್ನು ಓವರ್​ಟೆಕ್​ ಮಾಡ ಬೇಕೆಂದಿತ್ತು ಎಂದು ಶ್ರೇಯಸ್​ ಅಯ್ಯರ್​, ಚಹಲ್​ ಕುರಿತು ನಗೆ ಚಟಾಕಿಯನ್ನೂ ಇದೇ ವೇಳೆ ಹಾರಿಸಿದರು.