ನನ್ನ ಪ್ರಕಾರ ಟಿಮ್‌ ಪೇನ್ ರನೌಟ್‌ ಆಗಿದ್ದರು: ಅಂಪೈರ್ ತೀರ್ಪಿಗೆ ಶೇನ್‌ ವಾರ್ನ್‌ ಅಚ್ಚರಿ

ಮೆಲ್ಬೋರ್ನ್​ನಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ನಲ್ಲಿ ಟಿಮ್ ಪೇನ್ ವಿರುದ್ಧ 55ನೇ ಓವರ್​ನಲ್ಲಿ ಭಾರತ ತಂಡ ರನ್ ​ಔಟ್​ಗೆ​ ಅಪೀಲ್‌ ಮಾಡಿತ್ತು. ಟಿವಿ ರಿವ್ಯೂ​ ವೀಕ್ಷಿಸಿದ 3ನೇ ಅಂಪೈರ್ ಬ್ಯಾಟ್ ಲೈನ್​ನಲ್ಲಿಲ್ಲ ಎನ್ನುವುದಕ್ಕೆ ಯಾವುದೇ ಸ್ಪಷ್ಟ ಪುರಾವೆಗಳಿಲ್ಲ ಎಂಬ ಕಾರಣ ನೀಡಿ ಆಸ್ಟ್ರೇಲಿಯಾ ನಾಯಕನನ್ನು ನಾಟೌಟ್ ಎಂದು ಘೋಷಿಸಿದರು.

ಮೆಲ್ಬೋರ್ನ್​: ಭಾರತದ ವಿರುದ್ಧ ಬಾಕ್ಸಿಂಗ್​ ಡೇ ಟೆಸ್ಟ್​ನಲ್ಲಿ ಆಸ್ಟೇಲಿಯಾ ತಂಡದ ನಾಯಕ ಟಿಮ್​ ಪೇನ್​ ರನ್​ಔಟ್​ನಿಂದ ತಪ್ಪಿಸಿಕೊಂಡಿದ್ದಕ್ಕೆ ಆಸೀಸ್​ ಲೆಜೆಂಡರಿ ಸ್ಪಿನ್ನರ್​ ಶೇನ್​ ವಾರ್ನ್​ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.

ಮೆಲ್ಬೋರ್ನ್​ನಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ನಲ್ಲಿ ಟಿಮ್ ಪೇನ್ ವಿರುದ್ಧ 55ನೇ ಓವರ್​ನಲ್ಲಿ ಭಾರತ ತಂಡ ರನ್ ​ಔಟ್​ಗೆ​ ಅಪೀಲ್ ಮಾಡಿತ್ತು. ಟಿವಿ ರಿವ್ಯೂ​ ವೀಕ್ಷಿಸಿದ 3ನೇ ಅಂಪೈರ್ ಬ್ಯಾಟ್ ಲೈನ್​ನಲ್ಲಿಲ್ಲ ಎನ್ನುವುದಕ್ಕೆ ಯಾವುದೇ ಸ್ಪಷ್ಟ ಪುರಾವೆಗಳಿಲ್ಲ ಎಂದು ಆಸ್ಟ್ರೇಲಿಯಾ ನಾಯಕನನ್ನು ನಾಟೌಟ್ ಎಂದು ಘೋಷಿಸಿದರು.

ಶೇನ್ ವಾರ್ನ್​

ಟಿಮ್ ಪೇನ್​ ರನ್​ಔಟ್​ನಿಂದ ತಪ್ಪಿಸಿಕೊಂಡಿದ್ದಕ್ಕೆ ತುಂಬಾ ಅಚ್ಚರಿಯಾಗುತ್ತಿದೆ. ಅವರ ಬ್ಯಾಟ್‌ನ ಯಾವುದೇ ಭಾಗ ಲೈನ್ ಕ್ರಾಸ್​ ಮಾಡಿಲ್ಲ. ನನ್ನ ಪ್ರಕಾರ ಇದು ಔಟ್​" ಎಂದು ವಾರ್ನ್‌ ಟ್ವೀಟ್​ ಮಾಡಿದ್ದಾರೆ.

ಓದಿ: ಬಾಕ್ಸಿಂಗ್‌ ಡೇ ಟೆಸ್ಟ್.. ಮೊದಲ ಇನ್ನಿಂಗ್ಸ್‌ನಲ್ಲಿ ಆಸೀಸ್‌ಗೆ ಬುಮ್ರಾ, ಅಶ್ವಿನ್ ಪೆಟ್ಟು ; ಟೀಂ ಇಂಡಿಯಾ 36/1

ಈ ತಪ್ಪು ನಿರ್ಣಯದಿಂದ ಭಾರತಕ್ಕೇನೂ ಹೆಚ್ಚು ನಷ್ಟವಾಗಲಿಲ್ಲ. ಏಕೆಂದರೆ ಪೇನ್​ ಕೇವಲ 13 ರನ್​ಗಳಿಸಿ ಔಟಾದರು. ಆಸ್ಟ್ರೇಲಿಯಾ ಮೊದಲ ದಿನ ಕೇವಲ 195 ರನ್​ಗಳಿಗೆ ಆಲೌಟ್​ ಆಯಿತು.

ಭಾರತದ ಪರ ಬುಮ್ರಾ 4, ಅಶ್ವಿನ್​ 3 , ಸಿರಾಜ್ 2 ಹಾಗೂ ಜಡೇಜಾ ಒಂದು ವಿಕೆಟ್​ ಪಡೆದು ಮಿಂಚಿದರು.

ಭಾರತ 2ನೇ ಇನ್ನಿಂಗ್ಸ್​ ಆರಂಭಿಸಿದಾಗ ಮಯಾಂಕ್​ ಖಾತೆ ತೆರೆಯದೆ ವಿಕೆಟ್ ಒಪ್ಪಿಸಿದರು. ಆದರೆ ಗಿಲ್ 28 ಹಾಗೂ ಪೂಜಾರ 7 ರನ್​ಗಳಿಸಿ 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿದ್ದಾರೆ.

ಓದಿ: ಪದಾರ್ಪಣೆ ಪಂದ್ಯದಲ್ಲೇ ಮಿಂಚಿದ ಶುಬ್ಮನ್ ಗಿಲ್, ಸಿರಾಜ್​