ಪಂದ್ಯ ಸೋತಿದ್ದು ಬೇಸರ ತರಿಸಿದೆ:ಶಿವಮ್​ ದುಬೆ

ಭಾರತ ವೆಸ್ಟ್​ಇಂಡೀಸ್​ ಎರಡನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಸೋಲು ಕಂಡಿದೆ. ಆದರೆ ಈ ಪಂದ್ಯದಲ್ಲಿ ಭಾರತದ ಪರ ಬ್ಯಾಟಿಂಗ್​ನಲ್ಲಿ ಅಬ್ಬರಿಸಿದ ತಮ್ಮ ಶಿವಮ್​ ದುಬೆ, ಪ್ರದರ್ಶನ ಮತ್ತು ಪಂದ್ಯದ ಕುರಿತು ಮಾತನಾಡಿದ್ದಾರೆ.

ತಿರುವನಂತಪುರಂ: ನಾನು ಟಿ 20 ಯಲ್ಲಿ ಅರ್ಧಶತಕ ಬಾರಿಸಿದ್ದು ತುಂಬಾ ಖುಷಿಯ ಸಂಗತಿ. ಆದರೆ ನಾವು ಪಂದ್ಯ ಸೋತಿದ್ದು ಬೇಸರ ತರಿಸಿದೆ ಎಂದು ಟೀಮ್ ಇಂಡಿಯಾ ಆಟಗಾರ ಶಿವಮ್​ ದುಬೆ ಹೇಳಿದ್ದಾರೆ.

ತಿರುವನಂತಪುರಂನಲ್ಲಿ ನಡೆದ ಭಾರತ-ವಿಂಡೀಸ್​ 2 ನೇ ಟಿ20 ಪಂದ್ಯದ ಬಳಿಕ ಮಾತನಾಡಿದ ದುಬೆ, ಭಾರತ ತಂಡಕ್ಕಾಗಿ ನಾನು 50 ರನ್​ ಬಾರಿಸಿದ್ದು ನನಗೆ ವಿಶೇಷವಾಗಿದೆ. ಆದರೆ ದುರದೃಷ್ಟವಶಾತ್ ನಾವು ಪಂದ್ಯವನ್ನು ಕಳೆದುಕೊಂಡಿದ್ದೇವೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

2ನೇ ಟಿ20 ಪಂದ್ಯದಲ್ಲಿ ವಿಂಡೀಸ್​ ಟಾಸ್​ ಗೆದ್ದು ಭಾರತವನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿತ್ತು. ಆದರೆ, ರೋಹಿತ್​ ಶರ್ಮ ಮತ್ತು ಕೆ ಎಲ್​ ರಾಹುಲ್ ಬೇಗನೆ ಫೆವಿಲಿಯನ್​ ಸೇರಿಕೊಂಡಿದ್ದರು. ಈ ವೇಳೆ ​ಅಂಗಳಕ್ಕೆ ಇಳಿದ ದುಬೆ, ಕೇವಲ 30 ಎಸೆತಗಳಲ್ಲಿ ಮೂರು ಬೌಂಡರಿ ಹಾಗೂ ನಾಲ್ಕು ಸಿಕ್ಸರ್​ ಒಳಗೊಂಡಂತೆ 54 ರನ್​ ಸಿಡಿಸಿ ತಂಡಕ್ಕೆ ಆಸರೆಯಾಗಿದ್ದರು.