ಬೆನ್​ ಸ್ಟೋಕ್ಸ್​ ಟೆಸ್ಟ್​ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿರುವ ಸಕ್ರಿಯ ಕ್ರಿಕೆಟರ್​!!

ಎರಡನೇ ಇನ್ನಿಂಗ್ಸ್​ನಲ್ಲಿ 3 ಸಿಕ್ಸರ್​ ಸಿಡಿಸಿರುವ ಸ್ಟೋಕ್ಸ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿದ ಬ್ಯಾಟ್ಸ್​ಮನ್​ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ. ಬೆನ್​ ಸ್ಟೋಕ್ಸ್​ 65 ಪಂದ್ಯಗಳಲ್ಲಿ 74 ಸಿಕ್ಸ್​ ಸಿಡಿಸಿದ್ದಾರೆ..

ಮ್ಯಾಂಚೆಸ್ಟರ್ ​:ವಿಂಡೀಸ್​ ವಿರುದ್ಧ ನಡೆಯುತ್ತಿರುವ 2ನೇ ಟೆಸ್ಟ್​ನ 2ನೇ ಇನ್ನಿಂಗ್ಸ್​ನಲ್ಲಿ ಆಕರ್ಷಕ ಅರ್ಧಶತಕ ಸಿಡಿಸಿರುವ ಬೆನ್​ಸ್ಟೋಕ್ಸ್​ ವಿಶೇಷ ದಾಖಲೆಯೊಂದಕ್ಕೆ ಪಾತ್ರರಾಗಿದ್ದಾರೆ.

ಮೊದಲ ಇನ್ನಿಂಗ್ಸ್​ನಲ್ಲಿ ಆಕರ್ಷಕ ಶತಕ(176) ರನ್​ಗಳಿಸಿದ್ದ ಬೆನ್​ಸ್ಟೋಕ್ಸ್​ 2ನೇ ಇನ್ನಿಂಗ್ಸ್​ನಲ್ಲಿ ಕೇವಲ 57 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 3 ಸಿಕ್ಸರ್​ ಸಿಡಿಸುವ ಮೂಲಕ 78 ರನ್​ ಸಿಡಿಸಿ 312 ರನ್​ಗಳ ಬೃಹತ್​ ಟಾರ್ಗೆಟ್​ ನೀಡಲು ನೆರವಾಗಿದ್ದರು.

ಆದರೆ, ಇದೇ ಇನ್ನಿಂಗ್ಸ್​ನಲ್ಲಿ ಒಂದು ವಿಶೇಷ ದಾಖಲೆಗೂ ಸ್ಟೋಕ್ಸ್​ ಪಾತ್ರರಾಗಿದ್ದಾರೆ. 2ನೇ ಇನ್ನಿಂಗ್ಸ್​ನಲ್ಲಿ 3 ಸಿಕ್ಸರ್​ ಸಿಡಿಸಿರುವ ಸ್ಟೋಕ್ಸ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿದ ಬ್ಯಾಟ್ಸ್​ಮನ್​ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ. ಬೆನ್​ ಸ್ಟೋಕ್ಸ್​ 65 ಪಂದ್ಯಗಳಲ್ಲಿ 74 ಸಿಕ್ಸ್​ ಸಿಡಿಸಿದ್ದಾರೆ.

ಟೆಸ್ಟ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿರುವ ಸಕ್ರಿಯ ಕ್ರಿಕೆಟಿಗರು

• ಬೆನ್​ಸ್ಟೋಕ್ಸ್ ​ 74
• ಟಿಮ್​ ಸೌಥಿ 72
• ಏಂಜೆಲೋ ಮ್ಯಾಥ್ಯೂಸ್​ 61
• ಡೇವಿಡ್​ ವಾರ್ನರ್​ 56
• ರೋಹಿತ್​ ಶರ್ಮಾ 52
• ರಾಸ್​ ಟೇಲರ್​ 52
• ರವೀಂದ್ರ ಜಡೇಜಾ 50

ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಸಿಕ್ಸರ್​ ಸಿಡಿಸಿದ ಬ್ಯಾಟ್ಸ್​ಮನ್​

• ಬ್ರೆಂಡನ್​ ಮೆಕ್ಕಲಮ್​ 107
• ಆ್ಯಡಂ ಗಿಲ್ಕ್ರಿಸ್ಟ್​ 100
• ಕ್ರಿಸ್​ ಗೇಲ್​ 98
• ಜಾಕ್​ ಕಾಲೀಸ್​ 97
• ವಿರೇಂದ್ರ ಸೆಹ್ವಾಗ್​ 91
• ಬ್ರಿಯಾನ್​ ಲಾರಾ 88