ನ್ಯಾಟಿಂಗ್ಹ್ಯಾಮ್:ಅನೇಕ ವಿವಾದಗಳ ನಡುವೆ ಕೂಡ ಟೀಂ ಇಂಡಿಯಾ ಹೊಸ ಜರ್ಸಿ ಬಿಸಿಸಿಐನಿಂದ ಅನಾವರಣಗೊಂಡಿದ್ದು, ಹೊಸ ಸಮವಸ್ತ್ರ ತೊಟ್ಟು ಟೀಂ ಇಂಡಿಯಾ ಪ್ಲೇಯರ್ಸ್ ಫುಲ್ ಮಿಂಚಿದ್ದಾರೆ.
ಹೊಸ ಜರ್ಸಿಯಲ್ಲಿ ಟೀಂ ಇಂಡಿಯಾ ಪ್ಲೇಯರ್ಸ್ ಮಿಂಚು... ಇಂಗ್ಲೆಂಡ್ ವಿರುದ್ಧ ಇದೇ ಸಮವಸ್ತ್ರ!
ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾ ಹೊಸ ಜರ್ಸಿ ತೊಟ್ಟು ಕಣಕ್ಕಿಳಿಯಲಿದ್ದು, ಸಮವಸ್ತ್ರ ರಿವೀಲ್ ಆಗುತ್ತಿದ್ದಂತೆ ಕೊಹ್ಲಿ ಪಡೆ ಸದಸ್ಯರು ಅದನ್ನ ತೊಟ್ಟು ಮಿಂಚಿದ್ದಾರೆ.
ಹೊಸ ಜರ್ಸಿಯಲ್ಲಿ ಪ್ಲೇಯರ್
ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾ ಹೊಸ ಜರ್ಸಿ ತೊಟ್ಟು ಕಣಕ್ಕಿಳಿಯಲಿದೆ ಎಂಬುದು ಈ ಹಿಂದೆ ಗೊತ್ತಾಗಿತ್ತು. ಜತೆಗೆ ಅದು ಕೇಸರಿ ಬಣ್ಣದಿಂದ ಕೂಡಿದೆ ಎಂಬ ಮಾತು ಹೊರಬರುತ್ತಿದ್ದಂತೆ ಅದಕ್ಕೆ ಕಾಂಗ್ರೆಸ್,ಬಿಎಸ್ಪಿ ಸೇರಿದಂತೆ ಅನೇಕ ರಾಜಕೀಯ ಪಕ್ಷಗಳು ವಿರೋಧ ವ್ಯಕ್ತಪಡಿಸಿ, ಮೋದಿ ಎಲ್ಲವನ್ನೂ ಕೇಸರಿಮಯ ಮಾಡಲು ಮುಂದಾಗಿದ್ದಾರೆ ಎಂದು ಟೀಕಾ ಪ್ರಹಾರ ನಡೆಸಿದ್ದವು. ಇದರ ಮಧ್ಯೆ ಜರ್ಸಿ ಅನಾವರಣಗೊಂಡಿದೆ.
ಜರ್ಸಿಯ ಮುಂಭಾಗ ಮತ್ತು ಕುತ್ತಿಗೆಯ ಭಾಗದಲ್ಲಿ ನೀಲಿ ಬಣ್ಣ ಹಾಗೂ ಉಳಿದ ಕಡೆ ಕಿತ್ತಳೆ ಬಣ್ಣದಿಂದ ಕೂಡಿರುವ ಜರ್ಸಿ ಇದಾಗಿದೆ. ಅನಾವರಣಗೊಳ್ಳುತ್ತಿದ್ದಂತೆ ಟೀಂ ಇಂಡಿಯಾದ ಆರಂಭಿಕ ಕೆಎಲ್ ರಾಹುಲ್ ಹಾಗೂ ಮೊಹಮ್ಮದ್ ಶಮಿ ಹೊಸ ಸಮವಸ್ತ್ರ ತೊಟ್ಟು ಮಿಂಚಿದ್ದಾರೆ. ಇದನ್ನ ಐಸಿಸಿ ಕ್ರಿಕೆಟ್ ವರ್ಲ್ಡ್ಕಪ್ ತನ್ನ ಟ್ವೀಟರ್ನಲ್ಲೂ ಹಾಕಿಕೊಂಡಿದೆ.