ಮುಂಬೈ: ಐಪಿಎಲ್ ಪ್ಲೇ ಆಫ್ ವೇಳೆ ನಡೆಯುವ ಮಹಿಳೆಯರ ಟಿ-20 ಚಾಲೆಂಜರ್ಸ್ನಲ್ಲಿ ಈ ಬಾರಿ ನಾಲ್ಕು ತಂಡಗಳು ಪೈಪೋಟಿ ನಡೆಸಲಿವೆ ಎಂದು ಬಿಸಿಸಿಐ ಖಚಿತಪಡಿಸಿದೆ.
2018ರಿಂದ ಐಪಿಎಲ್ ಪ್ಲೇ ಆಫ್ ಸಂದರ್ಭದ ಬಿಡುವಿನ ವೇಳೆಯಲ್ಲಿ ಮಹಿಳೆಯರ ಐಪಿಎಲ್ ಪಂದ್ಯಗಳನ್ನು ನಡೆಸಲಾಗುತ್ತಿದೆ. ಮೊದಲ ಬಾರಿ ಏಕೈಕ ಪಂದ್ಯ ನಡೆಸಲಾಗಿತ್ತು. ಆ ವೇಳೆ ಐಪಿಎಲ್ ಸೂಪರ್ನೊವಾಸ್ ಹಾಗೂ ಐಪಿಎಲ್ ಟ್ರೈಬ್ಲೇಜರ್ಸ್ ತಂಡಗಳ ನಡುವೆ ಏಕೈಕ ಪಂದ್ಯ ನಡೆದಿತ್ತು. ನಂತರ 2019ರಲ್ಲಿ ಐಪಿಎಲ್ ವೆಲಾಸಿಟಿ ತಂಡ ಸೇರ್ಪಡೆಗೊಂಡಿತ್ತು. ಈ ಎರಡು ಆವೃತ್ತಿಯಲ್ಲೂ ಹರ್ಮನ್ಪ್ರೀತ್ ಕೌರ್ ನೇತೃತ್ವದ ಐಪಿಎಲ್ ಸೂಪರ್ನೊವಾಸ್ ಪ್ರಶಸ್ತಿ ಗೆದ್ದುಕೊಂಡಿತ್ತು.
ಹಾಲಿ ಚಾಂಪಿಯನ್ ಸೂಪರ್ನೊವಾಸ್ ಇದೀಗ 2020ಕ್ಕೆ ಮತ್ತೊಂದು ತಂಡ ಸೇರ್ಪಡೆಯಾಗಲಿದೆ ಎಂದು ಬಿಸಿಸಿಐ ಖಚಿತಪಡಿಸಿದೆ. ಈ ಆವೃತ್ತಿಯಲ್ಲಿ 7 ಪಂದ್ಯಗಳು ನಡೆಯಲಿವೆ. ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ, ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯಾ ತಂಡದ ಆಟಗಾರ್ತಿಯರು ಈ ಟೂರ್ನಿಯಲ್ಲಿ ಭಾಗವಹಿಸುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ. ಈ ಎಲ್ಲಾ ಪಂದ್ಯಗಳು ಜೈಪುರದ ಸವಾಯ್ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ನಡೆಯಲಿವೆ.
ಟಿ-20 ಚಾಲೆಂಜ್ ಚಾಂಪಿಯನ್ಸ್ 2020ರ ಐಪಿಎಲ್ ಮಾರ್ಚ್ 29ರಿಂದ ಆರಂಭವಾಗಲಿದೆ. ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಹಾಗೂ ರನ್ನರ್ ಅಪ್ ಚೆನ್ನೈ ಸೂಪರ್ ಕಿಂಗ್ಸ್ ಸೆಣಸಾಡಲಿವೆ.
