ಬಗೆಹರಿಯದ ಕ್ವಾರಂಟೈನ್ ಗೊಂದಲ: ಶ್ರೀಲಂಕಾ - ಬಾಂಗ್ಲಾ ಟೆಸ್ಟ್​ ಸರಣಿ ಮುಂದೂಡಿಕೆ

ಕೋವಿಡ್​ 19 ಬಿಕ್ಕಟ್ಟಿನ ಹಿನ್ನೆಲೆ ಶ್ರೀಲಂಕಾ ಸರ್ಕಾರ 7 ದಿನಗಳಿದ್ದ ಕ್ವಾರಂಟೈನ್ ಅನ್ನು ದಿಢೀರ್​​ 14 ದಿನಗಳಿಗೆ ಏರಿಸಿತ್ತು. ಇದಕ್ಕೆ ಬಾಂಗ್ಲಾದೇಶ ಕ್ರಿಕೆಟ್​ ಮಂಡಳಿ ಒಪ್ಪದ ಕಾರಣ ಇಡೀ ಟೂರ್ನಿಯೇ ಮುಂದೂಡಲ್ಪಟ್ಟಿದೆ.

ಕೊಲೊಂಬೊ:ಕ್ವಾರಂಟೈನ್​ ನಿಯಮಗಳ ಗೊಂದಲದಿಂದಾಗಿ ಶ್ರೀಲಂಕಾ ಮತ್ತು ಬಾಂಗ್ಲಾದೇಶಗಳ ನಡುವೆ ಅಕ್ಟೋಬರ್​ನಲ್ಲಿ ನಡೆಯಬೇಕಿದ್ದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನ ಸರಣಿ ಅನಿರ್ದಿಷ್ಟಾವಧಿಗೆ ಮುಂದೂಡಲ್ಪಟ್ಟಿದೆ.

ಕೋವಿಡ್​ 19 ಬಿಕ್ಕಟ್ಟಿನ ಹಿನ್ನೆಲೆ ಶ್ರೀಲಂಕಾ ಸರ್ಕಾರ 7 ದಿನಗಳಿದ್ದ ಕ್ವಾರಂಟೈನ್ ಅನ್ನು ದಿಢೀರ್​​​​ 14 ದಿನಗಳಿಗೆ ಏರಿಸಿತ್ತು. ಇದಕ್ಕೆ ಬಾಂಗ್ಲಾದೇಶ ಕ್ರಿಕೆಟ್​ ಮಂಡಳಿ ಒಪ್ಪದ ಕಾರಣ ಇಡೀ ಟೂರ್ನಿಯೇ ಮುಂದೂಡಲ್ಪಟ್ಟಿದೆ.

ಅಲ್ಲಿನ ಪರಿಸ್ಥಿತಿ ಸುಧಾರಿಸಿದ ನಂತರ ಪ್ರವಾಸವನ್ನು ಮರು ನಿಗದಿಪಡಿಸಬೇಕೆಂದು ನಾವು ಶ್ರೀಲಂಕಾ ಕ್ರಿಕೆಟ್​ ಮಂಡಳಿಗೆ ಮಾಹಿತಿ ನೀಡಿದ್ದೇವೆ ಎಂದು ಬಾಂಗ್ಲಾದೇಶ ಕ್ರಿಕೆಟ್​ ಮಂಡಳಿ ಅಧ್ಯಕ್ಷ ನಜ್ಮುಲ್ ಹಸನ್​ ಸೋಮವಾರ ಪ್ರವಾಸ ಮುಂದೂಡಿರುವುದನ್ನು ಖಚಿತಪಡಿಸಿದ್ದಾರೆ.

ಶ್ರೀಲಂಕಾ ಮತ್ತು ಬಾಂಗ್ಲಾದೇಶಗಳ ನಡುವಿನ ಟೆಸ್ಟ್​ ಸರಣಿ ಆಕ್ಟೋಬರ್​ ಮೊದಲ ವಾರದಿಂದ ನಡೆಯಬೇಕಿತ್ತು.