ಫ್ಲೋರಿಡಾ:ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ 2ನೇ ಟಿ20 ಪಂದ್ಯವು ಮಳೆಯಿಂದ ಸ್ಥಗಿತಗೊಂಡಿದ್ದರಿಂದ ಡಕ್ವಾರ್ತ್ ಲೂವಿಸ್ ನಿಯಮದ ಅನುಸಾರ ಗೆದ್ದು, ಭಾರತ 2-0 ಅಂತರದ ಗೆಲುವು ಪಡೆದು ಇನ್ನೊಂದು ಪಂದ್ಯ ಬಾಕಿ ಇರುವ ಮೊದಲೇ ಸರಣಿ ಜಯಿಸಿದೆ.
ಮಳೆಯಿಂದಾಗಿ ಪಂದ್ಯ ಸ್ಥಗಿತಗೊಂಡಿದ್ದು, ಭಾರತಕ್ಕೆ ಡಕ್ವಾರ್ತ್ ಲೂವಿಸ್ ನಿಯಮದ ಅನುಸಾರ 22 ರನ್ಗಳ ಗೆಲುವು ದಕ್ಕಿದೆ. ಇನ್ನೊಂದು ಪಂದ್ಯ ಬಾಕಿ ಇರುವಾಗಲೇ ಭಾರತ ಸರಣಿಯನ್ನು ತನ್ನ ವಶಕ್ಕೆ ಪಡೆದುಕೊಂಡಿದ್ದು, ಅಂತಿಮ ಟಿ20 ಪಂದ್ಯ ಮಂಗಳವಾರ ನಡೆಯಲಿದೆ.
168 ರನ್ಗಳ ಗುರಿ ಪಡೆದ ವೆಸ್ಟ್ ಇಂಡೀಸ್ ಭಾರತದ ಬೌಲರ್ಗಳ ದಾಳಿಯ ಮುಂದೆ ರನ್ಗಳಿಸಲು ಪರದಾಡಿದರು. ಆರಂಭಿಕ ಬ್ಯಾಟ್ಸ್ಮನ್ ಲೆವಿಸ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರೆ. ಮೊದಲ ಕ್ರಮಾಂಕಕ್ಕೆ ಬಡ್ತಿ ಪಡೆದು ಬಂದ ನರೈನ್ 4 ರನ್ಗಳಿಗೆ ವಿಕೆಟ್ ಒಪ್ಪಿದರು. ಆದರೆ 4ನೇ ಕ್ರಮಾಂಕಕ್ಕೆ ಪಡೆದು ಬಂದ ರೊವ್ಮನ್ ಪೊವೆಲ್ 34 ಎಸೆತಗಳಲ್ಲಿ 54 ರನ್ಗಳಿಸಿದರು. ಇವರ ಇನ್ನಿಂಗ್ಸ್ನಲ್ಲಿ 6 ಬೌಂಡರಿ 3 ಸಿಕ್ಸರ್ ಸೇರಿತ್ತು. ಆದರೆ, ಇವರ ಜೊತೆ ಬ್ಯಾಟಿಂಗ್ ನಡೆಸಿದ ನಿಕೋಲಸ್ ಪೂರನ್ 34 ಎಸೆತಗಳಲ್ಲಿ ಕೇವಲ 19 ರನ್ಗಳಿಸಿ ಔಟಾಗಿದ್ದು ವಿಂಡೀಸ್ ತಂಡ ಹಿನ್ನಡೆಗೆ ಕಾರಣವಾಯಿತು.
15.3 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 94 ರನ್ಗಳಿಸಿದ್ದ ವೇಳೆ ಮಳೆ ಬಂದಿದ್ದರಿಂದ ಆಟವನ್ನು ಸ್ಥಗಿತಗೊಳಿಸಲಾಗಿತ್ತು. ಆದರೆ, ಈ ಸಂದರ್ಭದಲ್ಲಿ ಡಿಎಲ್ಎಸ್ ನಿಯಮದ ಪ್ರಕಾರ ವಿಂಡೀಸ್ 120 ರೆನ್ಗಳಿಸಿಬೇಕಾಗಿತ್ತು. ಮಳೆ ನಿಲ್ಲದ ಕಾರಣ ಭಾರತ ತಂಡಕ್ಕೆ ಡಿಎಲ್ಎಸ್ ನಿಯಮದಂತೆ 22 ರನ್ಗಳ ಗೆಲುವು ದಕ್ಕಿದೆ.
