ಮೂರು ಮಾದರಿಯ ಕ್ರಿಕೆಟ್​ನಲ್ಲೂ ಕಾಯಂ ಆಟಗಾರನಾಗುವುದೇ ನನ್ನ ಗುರಿ

ಪ್ರಸ್ತುತ ಟೆಸ್ಟ್​ ಕ್ರಿಕೆಟ್​​ನಲ್ಲಿ ಲಾಬುಶೇನ್​ ಅದ್ಭುತ ಪ್ರದರ್ಶನ ತೋರುತ್ತಿದ್ದಾರೆ. ಕಳೆದ ವರ್ಷ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೆಚ್ಚು ರನ್ ​ಗಳಿಸಿದ ಬ್ಯಾಟ್ಸ್​ಮನ್​ ಕೂಡ ಆಗಿರುವ ಲಾಬುಶೇನ್​ಗೆ ತಾವು ಮೂರು ಮಾದರಿಯ ಕ್ರಿಕೆಟಿಗ ಎನಿಸಿಕೊಳ್ಳುವ ಬಯಕೆಯಿದೆ. ಅದನ್ನು ಈಡೇರಿಸಿಕೊಳ್ಳುವುದೇ ನನ್ನ ಗುರಿ ಎಂದಿದ್ದಾರೆ.

ಬ್ರಿಸ್ಬೇನ್​: ಆಸ್ಟ್ರೇಲಿಯಾ ತಂಡದ ಉದಯೋನ್ಮುಖ ಬ್ಯಾಟ್ಸ್​ಮನ್​ ಮಾರ್ನಸ್​ ಲಾಬುಶೇನ್​ ಆಸ್ಟ್ರೇಲಿಯಾ ತಂಡದಲ್ಲಿ ಮೂರು ಮಾದರಿಯ ಕ್ರಿಕೆಟ್​ನಲ್ಲಿ ಕಾಯಂ ಸ್ಥಾನ ಗಿಟ್ಟಿಸಿಕೊಳ್ಳಲು ಬಯಸಿರುವುದಾಗಿ ತಿಳಿಸಿದ್ದಾರೆ.

ಪ್ರಸ್ತುತ ಟೆಸ್ಟ್​ ಕ್ರಿಕೆಟ್​​ನಲ್ಲಿ ಲಾಬುಶೇನ್​ ಅದ್ಭುತ ಪ್ರದರ್ಶನ ತೋರುತ್ತಿದ್ದಾರೆ. ಕಳೆದ ವರ್ಷ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೆಚ್ಚು ರನ್ ​ಗಳಿಸಿದ ಬ್ಯಾಟ್ಸ್​ಮನ್​ ಕೂಡ ಆಗಿರುವ ಲಾಬುಶೇನ್​ಗೆ ತಾವು ಮೂರು ಮಾದರಿಯ ಕ್ರಿಕೆಟಿಗ ಎನಿಸಿಕೊಳ್ಳುವ ಬಯಕೆಯಿದೆ. ಅದನ್ನು ಈಡೇರಿಸಿಕೊಳ್ಳುವುದೇ ನನ್ನ ಗುರಿ ಎಂದಿದ್ದಾರೆ.

ಸ್ಪೋರ್ಟ್ಸ್​ ವೆಬ್​ಸೈಟ್​ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಅವರು, ಆಟದ ಮಾದರಿ ಯಾವುದು ಎಂಬುಕ್ಕಿಂತ ನೀವು ಉತ್ತಮ ಪ್ರದರ್ಶನ ನೀಡಲು ಬಯಸಬೇಕು. ಏಕದಿನ ಕ್ರಿಕೆಟ್​​ನ​ ಕೆಲವೊಂದು ಕ್ಷೇತ್ರದಲ್ಲಿ ನಾನು ಅಭಿವೃದ್ಧಿ ಹೊಂದುತ್ತಿದ್ದೇನೆ. ಬೌಲಿಂಗ್​ನಲ್ಲೂ ಸ್ಥಿರತೆ ಸಾಧಿಸಲು ಬಯಸುತ್ತಿದ್ದೇನೆ. ಪಂದ್ಯದ ಮಧ್ಯದಲ್ಲಿ ನಾಯಕನಿಗೆ ನಾನು ಉತ್ತಮ ಆಯ್ಕೆಯಾಗಿರುತ್ತೇನೆ. ಡೆತ್​ ಓವರ್​ಗಳಲ್ಲಿ ನನ್ನ ಬ್ಯಾಟಿಂಗ್​ ಉತ್ತಮಗೊಳಿಸಿಕೊಳ್ಳುವುದರ ಕುರಿತು ಕೆಲಸ ಮಾಡುತ್ತಿದ್ದೇನೆ ಎಂದು ಲಾಬುಶೇನ್​ ತಿಳಿಸಿದ್ದಾರೆ.

ಮಾರ್ನಸ್​ ಲಾಬುಶೇನ್​

ಇಷ್ಟೆಲ್ಲಾ ಕೌಶಲ್ಯಗಳ ಮೇಲೆ ಕೆಲಸ ಮಾಡಲು 5 ತಿಂಗಳು ನನಗೆ ಸಿಕ್ಕಿದ್ದು ಸಂತೋಷವಾಗಿದೆ. ನೀವು ಕ್ರಿಕೆಟ್​ ಆಡುತ್ತಿದ್ದರೂ ಅವಕಾಶ ಸಿಗದ ಸಂದರ್ಭದಲ್ಲಿ ಸಿಗುವ ಸಮಯವನ್ನು ಬುದ್ಧಿವಂತಿಕೆಯಿಂದ ಬಳಸಿಕೊಳ್ಳಬೇಕು. ಮುಂದಿನ ದಿನಗಳಲ್ಲಿ ದಾರಿ ಕಂಡುಕೊಳ್ಳಬಹುದು ಎಂದು ಅವರು ಹೇಳಿದ್ದಾರೆ.

ನಾಯಕತ್ವ ವಹಿಸಿಕೊಳ್ಳುವ ಬಗ್ಗೆ ಕೇಳಿದ್ದಕ್ಕೆ, ತಾವು ಅದರ ಬಗ್ಗೆ ಆಲೋಚಿಸಿಲ್ಲ ಎಂದು ಲಾಬುಶೇನ್​ ತಿಳಿಸಿದ್ದಾರೆ. ನಾನು ನಾಯಕನಾಗಲು ಇಷ್ಟ ಪಡುತ್ತೇನೆ. ಆದರೆ ಅದೊಂದು ಕಿರೀಟ ಎಂದು ನಾನು ಬಯಸುವುದಿಲ್ಲ. ನಾನು ಕ್ರಿಕೆಟ್​ ಆನಂದಿಸುತ್ತೇನೆ. ಆಸ್ಟ್ರೇಲಿಯಾ ತಂಡಕ್ಕೆ ರನ್ ​ಗಳಿಸಲು ಬಯಸುತ್ತೇನೆ. ಏಕೆಂದರೆ ಅದು ನನ್ನ ಕೆಲಸ ಎಂದಿದ್ದಾರೆ.

ಸುದೀರ್ಘ ವಿರಾಮದ ಬಳಿಕ ಆಸ್ಟ್ರೇಲಿಯಾ ತಂಡ ಇಂಗ್ಲೆಂಡ್​ ನೆಲದಲ್ಲಿ ಸೀಮಿತ ಓವರ್​ಗಳ ಸರಣಿಯನ್ನಾಡಲು ತೆರಳಲಿದೆ. ಆಗಸ್ಟ್ 24ರಂದು ಆಸೀಸ್​ ತಂಡ ಡರ್ಬಿಶೈರ್​ಗೆ ಪಯಣ ಬೆಳಸಲಿದೆ. ಸೆಪ್ಟೆಂಬರ್​ 4, 6 ಮತ್ತು 8ರಂದು ಟಿ-20 ಹಾಗೂ 11, 13 ಮತ್ತು 16ರಂದು ಏಕದಿನ ಪಂದ್ಯಗಳು ನಡೆಯಲಿವೆ.