ಮೆಲ್ಬೋರ್ನ್ :ಬಾರ್ಡರ್‌ ಗವಾಸ್ಕರ್ ಟೆಸ್ಟ್ ಸರಣಿಯ ಮೊದಲೆರಡು ಟೆಸ್ಟ್ ಪಂದ್ಯಗಳಲ್ಲಿ ಭಾರತ ಮತ್ತು ಆಸ್ಟ್ರೇಲಿಯನ್ ಬ್ಯಾಟ್ಸ್ಮನ್ಗಳು 132 ವರ್ಷಗಳಲ್ಲಿ ಅತ್ಯಂತ ಕಡಿಮೆ ಸರಾಸರಿಯಲ್ಲಿ ವಿಕೆಟ್ ಒಪ್ಪಿಸಿದ್ದಾರೆ.
ಪ್ರಸ್ತುತ ಆಸ್ಟ್ರೇಲಿಯಾ ಸರಣಿಯಲ್ಲಿ ಒಂದು ವಿಕೆಟ್ಗೆ 21.50 ರನ್ ಸರಾಸರಿ ದಾಖಲಾಗಿದೆ. 1887-88ರ ಆಸ್ಟ್ರೇಲಿಯಾ ಬೇಸಿಗೆ ಸರಣಿಯಲ್ಲಿ ಆಸೀಸ್ ಪೇಸರ್ ಚಾರ್ಲಿ ಟರ್ನರ್ 12 ವಿಕೆಟ್ ಮತ್ತು ಇಂಗ್ಲೆಂಡ್ ಪೇಸರ್ ಜಾರ್ಜ್ ಲೊಹ್ಮನ್ ಮತ್ತು ಎಡಗೈ ಸ್ಪಿನ್ನರ್ ಬಾಬಿ ಪೀಲ್ ತಲಾ 9 ವಿಕೆಟ್ ಪಡೆದಿದ್ದರು.
ಈ ಪಂದ್ಯದಲ್ಲಿ ಮಾತ್ರ ಪ್ರತಿ ಒಂದು ವಿಕೆಟ್ಗೆ ಕೇವಲ 9.35 ಸರಾಸರಿಯಲ್ಲಿ ವಿಕೆಟ್ ಕಳೆದುಕೊಂಡಿತ್ತು. ಅದನ್ನು ಹೊರೆತುಪಡಿಸಿದ್ರೆ ಪ್ರಸ್ತುತ ಇಂಡೋ-ಆಸೀಸ್ ಸರಣಿಯಲ್ಲಿ ಮಾತ್ರ ಕಡಿಮೆ ರನ್ ಸರಾಸರಿ(21.50) ದಾಖಲಾಗುತ್ತಿದೆ.
ಭಾರತ vs ಆಸ್ಟ್ರೇಲಿಯಾ ಟೆಸ್ಟ್ ಕಳೆದ ಒಂದೆರಡು ಸಮ್ಮರ್ಗಳಿಗೆ ಹೋಲಿಸಿದ್ರೆ 21.50 ಸರಾಸರಿ ತುಂಬಾ ಕಡಿಮೆಯಾಗಿದೆ. 2019-20ರಲ್ಲಿ ಭಾರತ ಆಸ್ಟ್ರೆಲಿಯಾ ಪ್ರವಾಸ ಕೈಗೊಂಡಿದ್ದ ವೇಳೆ ರನ್ 30.3 ಹಾಗೂ ಪಾಕಿಸ್ತಾನ ಮತ್ತು ನ್ಯೂಜಿಲ್ಯಾಂಡ್ ವಿರುದ್ಧದ ಸರಣಿಯ ವೇಳೆ 34.01 ಸರಾಸರಿ ದಾಖಲಾಗಿತ್ತು.
cricket.com.au ಮಾಹಿತಿಯ ಪ್ರಕಾರ ರನ್ರೇಟ್ ಕೂಡ ಕಡಿಮೆಯಾಗಿದೆ. ಪ್ರಸ್ತುತ ಸರಣಿಯಲ್ಲಿ ರನ್ರೇಟ್ 2.63 ಇದ್ದು, ಈ ಶತಮಾನದ ಯಾವುದೇ ಬೇಸಿಗೆಯಲ್ಲಿ ದಾಖಲಾದ ಅತ್ಯಂತ ಕಡಿಮೆ ರನ್ರೇಟ್ ಎಂದು ತಿಳಿಸಿದೆ.
ಆಸ್ಟ್ರೇಲಿಯಾದ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ಪ್ರಕಾರ, ರನ್ ಕುಸಿಯಲು ಆರಂಭಿಕ ಆಟಗಾರರು ತೋರಿದ ತ್ವರಿತ ಆತುರದಿಂದಾಗಿ ವಿಕೆಟ್ ಒಪ್ಪಿಸಿದರು. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಮೇಲೆ ಇದರಿಂದಾಗಿ ಒತ್ತಡ ಹೆಚ್ಚಾಗುತ್ತಿದೆ. ಬ್ಯಾಟ್ಸ್ಮನ್ಗಳು ತೀವ್ರತೆ ತೋರಿಸಬೇಕು, ಎದುರಾಳಿ ದಾಳಿಯನ್ನು ಸಮರ್ಥವಾಗಿ ಸ್ವೀಕರಿಸಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ.
