ಪುನಶ್ಚೇತನಕ್ಕೊಳಗಾದ ಆರ್ಚರ್​: ಐಪಿಎಲ್‌ ಸಮಯಕ್ಕೆ ಚೇತರಿಕೆ ಸಾಧ್ಯತೆ ಕಡಿಮೆ

ಇಂಗ್ಲೆಂಡ್ ವೇಗದ ಬೌಲರ್​ ಜೋಫ್ರಾ ಆರ್ಚರ್​ ಸೋಮವಾರ ಬಲಗೈ ಬೆರಳಿನ ಯಶಸ್ವಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಅವರ ಮಧ್ಯದ ಬೆರಳಿನಿಂದ ಗಾಜಿನ ಚೂರೊಂದನ್ನು ಶಸ್ತ್ರಚಿಕಿತ್ಸೆ ಮಾಡಿ ತೆಗೆಯಲಾಗಿದೆ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಬೋರ್ಡ್​ ಹೇಳಿಕೆ ಬಿಡುಗಡೆ ಮಾಡಿದೆ.

ಲಂಡನ್:ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್​ ಯಶಸ್ವಿ ಬೆರಳಿನ ಶಸ್ತ್ರಚಿಕಿತ್ಸೆಗೆ ಒಳಗಾದ ನಂತರ 2 ವಾರಗಳ ಪುನಶ್ಚೇತನಕ್ಕೆ ಒಳಗಾಗಿದ್ದಾರೆ. ಹಾಗಾಗಿ ರಾಯಲ್ಸ್​ನ ಪ್ರಧಾನ ವೇಗಿ ಐಪಿಎಲ್​ಗೆ ಮರಳುವ ಸಾಧ್ಯತೆ ಕಡಿಮೆ ಎನ್ನಲಾಗುತ್ತಿದೆ.

25 ವರ್ಷದ ಆರ್ಚರ್​ ಐಪಿಎಲ್​ನಲ್ಲಿ ರಾಜಸ್ಥಾನ ತಂಡದಲ್ಲಿದ್ದರು. ಸೋಮವಾರ ಮಧ್ಯದ ಬೆರಳಿನ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದು, ಅದರಲ್ಲಿದ್ದ ಗಾಜಿನ ಚೂರನ್ನು ತೆಗೆಯಲಾಗಿದೆ.

ಜೋಫ್ರಾ ಆರ್ಚರ್​ ಸೋಮವಾರ ಬಲಗೈ ಬೆರಳಿನ ಯಶಸ್ವಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಅವರ ಮಧ್ಯದ ಬರಳಿನಿಂದ ಗಾಜಿನ ಚೂರೊಂದನ್ನು ಶಸ್ತ್ರಚಿಕಿತ್ಸೆ ಮಾಡಿ ತೆಗೆಯಲಾಗಿದೆ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಬೋರ್ಡ್​ ಹೇಳಿಕೆ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ:ಫಿಶ್ ಟ್ಯಾಂಕ್ ಗಾಜು ಬಿದ್ದು ಆರ್ಚರ್ ಬಲಗೈಗೆ ಗಾಯ: ಆಶ್ಲೇ ಗೈಲ್ಸ್ ಸ್ಪಷ್ಟನೆ

ಪ್ರಸ್ತುತ ಆರ್ಚರ್​ 2 ವಾರಗಳ ಕಾಲ ಪುನಶ್ಚೇತನ ಆರಂಭಿಸಿದ್ದಾರೆ. ಅವರು ತರಬೇತಿಗೆ ಮರಳುವ ಮುನ್ನ ಸಲಹೆಗಾರರು ಅವರನ್ನು ಪರಿಶೀಲಿಸಲಿದ್ದಾರೆ ಎಂದು ಇಸಿಬಿ ಹೇಳಿಕೆಯಲ್ಲಿ ತಿಳಿಸಿದೆ.

ಭಾರತದ ಸರಣಿಯ ವೇಳೆ ಅವರು ಭುಜ ನೋವಿಗೆ ಒಳಗಾಗಿದ್ದರು. ಈ ಬಗ್ಗೆ ಆರ್ಚರ್ ತರಬೇತಿಗೆ ಮರಳಿದ ನಂತರ ಪರಿಶೀಲಿಸಲಾಗುವುದು ಎಂದು ಬೋರ್ಡ್​ ತಿಳಿಸಿದೆ.

ಏಪ್ರಿಲ್ 9ರಿಂದ 14ನೇ ಆವೃತ್ತಿಯ ಐಪಿಎಲ್ ಆರಂಭವಾಗಲಿದೆ. ಏಪ್ರಿಲ್ 12 ರಂದು ಪಂಜಾಬ್ ಕಿಂಗ್ಸ್ ತಂಡದ ವಿರುದ್ಧ ಮುಂಬೈನಲ್ಲಿ ರಾಜಸ್ಥಾನ್ ರಾಯಲ್ಸ್​ ತನ್ನ ಅಭಿಯಾನ ಆರಂಭಿಸಲಿದೆ.