ಅಬುಧಾಬಿ:ಡೆಲ್ಲಿ ಕ್ಯಾಪಿಟಲ್ ತಂಡದ ಅನುಭವಿ ಸ್ಪಿನ್ನರ್ ಅಮಿತ್ ಮಿಶ್ರಾ ಸನ್ ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ 2 ವಿಕೆಟ್ ಪಡೆಯುವ ಮೂಲಕ ಟಿ - 20 ಕ್ರಿಕೆಟ್ನಲ್ಲಿ ಭಾರತದ ಪರ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಎಂಬ ದಾಖಲೆಯನ್ನು ಪಿಯೂಷ್ ಚಾವ್ಲಾ ಅವರೊಂದಿಗೆ ಹಂಚಿಕೊಂಡಿದ್ದಾರೆ.
ಅಬುಧಾಬಿಯಲ್ಲಿ ನಡೆಯಿತ್ತಿರುವ ಐಪಿಎಲ್ನ 11ನೇ ಪಂದ್ಯದಲ್ಲಿ ಮಿಶ್ರಾ ಡೇವಿಡ್ ವಾರ್ನರ್ ಮತ್ತು ಮನೀಷ್ ಪಾಂಡೆ ವಿಕೆಟ್ ಪಡೆಯುವ ಮೂಲಕ 255ನೇ ವಿಕೆಟ್ ಪಡೆದಿದ್ದಾರೆ.
ಅಮಿತ್ ಮಿಶ್ರಾ 231 ಪಂದ್ಯಗಳಲ್ಲಿ 255 ವಿಕೆಟ್ ಪಡೆದಿದ್ದರೆ, ಪಿಯೂಷ್ ಚಾವ್ಲಾ 240 ಪಂದ್ಯಗಳಿಂದ 255 ವಿಕೆಟ್ ಪಡೆದಿದ್ದಾರೆ. ಇನ್ನು ಐಪಿಎಲ್ನಲ್ಲಿ ನೋಡುವುದಾದರೆ ಅಮಿತ್ ಮಿಶ್ರಾ 159 ವಿಕೆಟ್ಗಳೊಂದಿಗೆ ಗರಿಷ್ಠ ವಿಕೆಟ್ ಪಡೆದವರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ. ಮೊದಲ ಸ್ಥಾನದಲ್ಲಿ ಲಸಿತ್ ಮಾಲಿಂಗ(170). ಮೂರನೇ ಸ್ಥಾನದಲ್ಲಿ 154 ವಿಕೆಟ್ ಪಡೆದಿರುವ ಚಾವ್ಲಾ ಹಾಗೂ ನಾಲ್ಕನೇ ಸ್ಥಾನದಲ್ಲಿ ಹರ್ಭಜನ್ ಸಿಂಗ್(150) ಇದ್ದಾರೆ.
ಒಟ್ಟಾರೆ ಟಿ-20 ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಪಡೆದಿರುವ ದಾಖಲೆ ವೆಸ್ಟ್ ಇಂಡೀಸ್ ತಂಡದ ಡ್ವೇನ್ ಬ್ರಾವೋ(506) ಹೆಸರಿನಲ್ಲಿದೆ. ಎರಡನೇ ಸ್ಥಾನದಲ್ಲಿ ಲಸಿತ್ ಮಾಲಿಂಗ(390), 3ನೇ ಸ್ಥಾನದಲ್ಲಿ ನರೈನ್ (386), 4ನೇ ಸ್ಥಾನದಲ್ಲಿ ಇಮ್ರಾನ್ ತಾಹೀರ್(380) ಹಾಗೂ ಸೊಹೈಲ್ ತನ್ವೀರ್(356) ಇದ್ದಾರೆ.
