ಭಾರತದ ಈ ಆಟಗಾರನಲ್ಲಿ ಲಾರಾ ಅವರಲ್ಲಿದ್ದ ಬ್ಯಾಟಿಂಗ್ ತಂತ್ರಗಾರಿಕೆ ಇದೆ: ಅಲಿಸ್ಟರ್​ ಕುಕ್​

ಟೆಸ್ಟ್​ ಕ್ರಿಕೆಟ್​ ನಲ್ಲಿ 400 ರನ್​ಗಳಿಸಿ ವಿಶ್ವದಾಖಲೆ ಹೊಂದಿರುವ ಲಾರಾ ವೆಸ್ಟ್​ ಇಂಡೀಸ್​ ಪರ 131 ಟೆಸ್ಟ್​ ಪಂದ್ಯಗಳಿಂದ 11,953 ರನ್​ಗಳಿಸಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲೂ 299 ಪಂದ್ಯಗಳಿಂದ 10,405 ರನ್​ಗಳಿಸಿದ್ದಾರೆ.

ನವದೆಹಲಿ:ಇಂಗ್ಲೆಂಡ್​ ತಂಡದ ಶ್ರೇಷ್ಠ ಟೆಸ್ಟ್​ ಬ್ಯಾಟ್ಸ್​ಮನ್​ ಅಲಿಸ್ಟರ್​ ಕುಕ್ ವೆಸ್ಟ್​ ಇಂಡೀಸ್​ ದಿಗ್ಗಜ ಬ್ರಿಯಾನ್​ ಲಾರಾ ಅವರಿಗೆ ಭಾರತ ತಂಡದ ವಿರಾಟ್​ ಕೊಹ್ಲಿ ಅವರನ್ನ ಹೋಲಿಸಿದ್ದಾರೆ.

ಸಂಡೆ ಟೈಮ್ಸ್​ ನಡೆಸಿದ ಸಂದರ್ಶನದಲ್ಲಿ ಮಾತನಾಡಿದ ಕುಕ್​ 2004ರಲ್ಲಿ ವಿಂಡೀಸ್​ ತಂಡ ಇಂಗ್ಲೆಂಡ್​ ಪ್ರವಾಸ ಕೈಗೊಂಡಿತ್ತು. ಅಭ್ಯಾಸ ಪಂದ್ಯದಲ್ಲಿ ನಾನು ಎಂಸಿಸಿ ತಂಡದ ಪರ ಆಡಿದ್ದೆ. ವಿಂಡೀಸ್​ ತಂಡದಲ್ಲಿದ್ದ ಲಾರಾ ಲಂಚ್​ ಬ್ರೇಕ್​ನಿಂದ ಟೀ ಬ್ರೇಕ್​ ವರೆಗಿನ ಸಮಯದಲ್ಲಿ ಆಕರ್ಷಕ ಶತಕ ಸಿಡಿಸಿದ್ದರು. ನಮ್ಮ ತಂಡದಲ್ಲಿ ಸೈಮನ್​ ಜೋನ್ಸ್​, ಮ್ಯಾಥ್ಯೂ ಹೋಗಾರ್ಡ್​ ಹಾಗೂ ಮಿನ್​ ಪಟೇಲ್ ಅವ​ರಂತಹ ಬೌಲರ್​ಗಳನ್ನ ಲಾರಾ ಅತ್ಯುತ್ತಮವಾಗಿ ಎದುರಿಸಿದ್ದರು ಎಂದು ಕುಕ್​ ಸ್ಮರಿಸಿಕೊಂಡರು.

ವಿರಾಟ್​ ಕೊಹ್ಲಿ

ಟೆಸ್ಟ್​ ಕ್ರಿಕೆಟ್​ ನಲ್ಲಿ 400 ರನ್​ಗಳಿಸಿ ವಿಶ್ವದಾಖಲೆ ಹೊಂದಿರುವ ಲಾರಾ ವೆಸ್ಟ್​ ಇಂಡೀಸ್​ ಪರ 131 ಟೆಸ್ಟ್​ ಪಂದ್ಯಗಳಿಂದ 11,953 ರನ್​ಗಳಿಸಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲೂ 299 ಪಂದ್ಯಗಳಿಂದ 10,405 ರನ್​ ಗಳಿಸಿದ್ದಾರೆ.

ಲಾರಾ ಎರಡು ಮಾದರಿಯ ಕ್ರಿಕೆಟ್​ನಲ್ಲಿ ಉತ್ತಮವಾಗಿ ಆಡಲು ಅವರಲ್ಲಿದ್ದ ಬ್ಯಾಟಿಂಗ್​ ತಂತ್ರಗಾರಿಕೆಯೇ ಕಾರಣ. ಪ್ರಸ್ತುತ ಕ್ರಿಕೆಟ್​ನಲ್ಲಿ ಭಾರತದ ವಿರಾಟ್​ ಕೊಹ್ಲಿ ಲಾರಾ ಅವರಂತೆಯೇ ಬ್ಯಾಟಿಂಗ್​ ತಂತ್ರಗಾರಿಕೆ ಹೊಂದಿದ್ದಾರೆ ಎಂದು ಕುಕ್​ ಅಭಿಪ್ರಾಯಪಟ್ಟಿದ್ದಾರೆ.

ವಿರಾಟ್ ಕೊಹ್ಲಿ ಉತ್ತಮ ಬ್ಯಾಟಿಂಗ್ ಕೌಶಲ್ಯಗಳನ್ನು ಹೊಂದಿದ್ದಾರೆ. ಇದರಿಂದ ಅವರು ಮೂರು ವಿಭಾಗದ ಕ್ರಿಕೆಟ್​ನಲ್ಲೂ ಅದ್ಭುತವಾಗಿ ರನ್​ಗಳಿಸುತ್ತಾರೆ. ಹಾಗಾಗಿ ತನ್ನ ನೆಚ್ಚಿನ ಟಾಪ್​ 5 ಬ್ಯಾಟ್ಸ್​ಮನ್​ಗಳಲ್ಲಿ ಒಬ್ಬರು ಎಂದು ಕುಕ್​ ಹೇಳಿದ್ದಾರೆ.

ಲಾರಾ ಮತ್ತು ಕೊಹ್ಲಿಯನ್ನು ಬಿಟ್ಟರೆ ರಿಕಿ ಪಾಂಟಿಂಗ್​, ಕುಮಾರ್​ ಸಂಗಾಕ್ಕಾರ ಹಾಗೂ ಜಾಕ್​ ಕಾಲೀಸ್​ ಕೂಡ ಕುಕ್​ ಪಟ್ಟಿ ಮಾಡಿರುವ ಶ್ರೇಷ್ಠ ಬ್ಯಾಟ್ಸ್​ಮನ್​ಗಳಾಗಿದ್ದಾರೆ.