ಬಾಂಗ್ಲಾದೇಶದ ವಿರುದ್ಧ ಟಿ-20 ಪಂದ್ಯ ಗೆದ್ದು ವಿಶ್ವದಾಖಲೆ ಬರೆದ ಆಫ್ಘಾನಿಸ್ತಾನ

ಕ್ರಿಕೆಟ್​ ಶಿಶು ಆಫ್ಘಾನಿಸ್ತಾನ ತ್ತ್ರಿಕೋನ ಸರಣಿಯಲ್ಲಿ ಬಾಂಗ್ಲಾದೇಶದ ವಿರುದ್ಧ ಗೆಲ್ಲುವ ಮೂಲಕ ಟಿ-20 ಕ್ರಿಕೆಟ್​ನಲ್ಲಿ ಸತತ 12ನೇ ಗೆಲುವು ಸಾಧಿಸಿ ವಿಶ್ವ ದಾಖಲೆ ಬರೆದಿದೆ.

ಢಾಕಾ: ಬಾಂಗ್ಲಾದೇಶದ ಆತಿಥ್ಯದಲ್ಲಿ ನಡೆಯುತ್ತಿರುವ ತ್ರಿಕೋನ ಟಿ-20 ಸರಣಿಯಲ್ಲಿ ಬಾಂಗ್ಲಾದೇಶ ತಂಡವನ್ನು 25 ರನ್​ಗಳಿಂದ ಮಣಿಸುವ ಮೂಲಕ ಅಫ್ಘಾನಿಸ್ತಾನ ತಂಡ ಟಿ-20 ಕ್ರಿಕೆಟ್​ನಲ್ಲಿ ಸತತ 12ನೇ ಗೆಲುವು ಸಾಧಿಸಿದೆ.

ಢಾಕಾದ ಶೇರ್ ಬಾಂಗ್ಲಾ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಸರಣಿಯ 3ನೇ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶ ತಂಡವನ್ನು ಆಫ್ಘಾನ್​ 25 ರನ್‌ಗಳಿಂದ ಮಣಿಸುವ ಮೂಲಕ ಈ ಹಿಂದೆ ಚುಟುಕು ಕ್ರಿಕೆಟ್​ನಲ್ಲಿ ಸತತ 11 ಜಯ ಗಳಿಸಿದ್ದ ತನ್ನದೇ ದಾಖಲೆಯನ್ನು ಮುರಿದು ಸತತ 12 ನೇ ಗೆಲುವು ದಾಖಲಿಸಿ ವಿಶ್ವ ದಾಖಲೆ ಬರೆದಿದೆ.

ಅಫ್ಘಾನಿಸ್ತಾನ 2016-17ರಲ್ಲಿ ಸತತವಾಗಿ 11 ಟಿ-20 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ದಾಖಲೆ ಬರೆದಿತ್ತು. ಅಲ್ಲದೆ, ಏಷ್ಯಾದಲ್ಲಿ ತಾನಾಡಿದ ಕಳೆದ ಎಲ್ಲಾ 21 ಪಂದ್ಯಗಳಲ್ಲಿಯೂ ಅಫ್ಘಾನಿಸ್ತಾನ ಗೆಲುವು ಸಾಧಿಸಿರುವುದು ವಿಶೇಷ.

ಸತತ ಹೆಚ್ಚು ಟಿ-20 ಪಂದ್ಯ ಗೆದ್ದ ತಂಡಗಳು:
ಅಫ್ಘಾನಿಸ್ತಾನ -12
ಅಫ್ಘಾನಿಸ್ತಾನ - 11
ಪಾಕಿಸ್ತಾನ -09
ಇಂಗ್ಲೆಂಡ್​-08
ಐರ್ಲೆಂಡ್​-08
ಪಾಕಿಸ್ತಾನ -08
ದಕ್ಷಿಣ ಆಫ್ರಿಕಾ -07
ಭಾರತ -07