ಡಿಸೆಂಬರ್​ 24ರಂದು ಬಿಸಿಸಿಐ ವಾರ್ಷಿಕ ಸಭೆ: ಐಪಿಎಲ್​ನ 2 ತಂಡಗಳ ಕುರಿತು ಚರ್ಚೆ

2028ರ ಲಾಸ್ಏಂಜಲೀಸ್​​ ಒಲಿಂಪಿಕ್ಸ್​ನಲ್ಲಿ ಕ್ರಿಕೆಟ್​ ಸೇರ್ಪಡೆ ಕುರಿತು ಚರ್ಚೆ ನಡೆಸುವುದು ಕೂಡ ಸಭೆಯ ಮತ್ತೊಂದು ಕಾರ್ಯಸೂಚಿಯಾಗಲಿದೆ.

ಮುಂಬೈ: ಡಿಸೆಂಬರ್​ 24 ರಂದು ಬಿಸಿಸಿಐನ 89ನೇ ಸಾಮಾನ್ಯ ವಾರ್ಷಿಕ ಸಭೆ ನಡೆಯಲಿದ್ದು, ಈ ವೇಳೆ 2021ರ ಐಪಿಎಲ್​ಗೆ ಮತ್ತೆರಡು ತಂಡಗಳನ್ನು ಸೇರ್ಪಡೆಗೊಳಿಸುವ ವಿಚಾರವೇ ಸಭೆಯಲ್ಲಿ ಚರ್ಚಿಸುವ ವಿಚಾರ ಪ್ರಮುಖ ಅಜೆಂಡವಾಗಲಿದೆ. ಈ ಕುರಿತು ಎಲ್ಲ ರಾಜ್ಯಗಳ ಮುಖ್ಯಸ್ಥರಿಗೆ ಬಿಸಿಸಿಐ ನೋಟೀಸ್​ ನೀಡಿದೆ.

ಐಪಿಎಲ್​ಗೆ ಮತ್ತೆರಡು ತಂಡಗಳನ್ನು ಸೇರಿಸಲು ರಾಜ್ಯ ಕ್ರಿಕೆಟ್ ಸಂಘಗಳ ಪ್ರತಿನಿಧಿಗಳು ಅನುಮೋದನೆ ನೀಡಬೇಕಾಗುತ್ತದೆ. ಅದಕ್ಕಾಗಿ ಬಿಸಿಸಿಐ ಕಾರ್ಯಾದರ್ಶಿ ಎಲ್ಲ ರಾಜ್ಯ ಕ್ರಿಕೆಟ್​ ಸಂಸ್ಥೆಗಳಿಗೆ ಸೂಚನೆ ನೀಡಿದ್ದಾರೆ. ಆದರೆ ಮೀಟಿಂಗ್​ಗೆ ಸ್ಥಳವನ್ನು ಇನ್ನಷ್ಟೇ ಖಚಿತಪಡಿಸಬೇಕಿದೆ.

ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ

2028ರ ಲಾಸ್ ಏಂಜಲೀಸ್​​ ಒಲಿಂಪಿಕ್ಸ್​ನಲ್ಲಿ ಕ್ರಿಕೆಟ್​ ಸೇರ್ಪಡೆ ಕುರಿತು ಚರ್ಚೆ ನಡೆಸುವುದು ಕೂಡ ಸಭೆಯ ಮತ್ತೊಂದು ಅಜೆಂಡಾವಾಗಲಿದೆ.

ಕಳೆದ ವರ್ಷ ಅಕ್ಟೋಬರ್ 23 ರಂದು ಬಿಸಿಸಿಐ ಉಪಾಧ್ಯಕ್ಷ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆಯಾಗಿದ್ದ ಮಹೀಮ್ ವರ್ಮಾ ಅವರು ಈ ವರ್ಷ ರಾಜೀನಾಮೆ ನೀಡಿದ್ದಾರೆ. ಅಂದಿನ ಸಭೆಯಲ್ಲಿ ಆ ಸ್ಥಾನಕ್ಕೆ ಚುನಾವಣೆ ಸೇರಿದಂತೆ ಒಟ್ಟು 23 ಅಂಶಗಳು ಕುರಿತು ಚರ್ಚೆ ನಡೆಸಲಾಗುವುದು ಎಂದು ತಿಳಿದು ಬಂದಿದೆ.