ಸೈಯದ್​ ಮುಷ್ತಾಕ್ ಅಲಿ ಟ್ರೋಫಿ.. ಒಂದೇ ಓವರ್​ನಲ್ಲಿ ಅಭಿಮನ್ಯು ಮಿಥುನ್‌ಗೆ 5 ವಿಕೆಟ್! ವಿಡಿಯೋ

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಸೆಮಿಫೈನಲ್ ಪಂದ್ಯದಲ್ಲಿ ಕನ್ನಡಿಗ ಅಭಿಮನ್ಯು ಮಿಥುನ್ ಒಂದೇ ಓವರ್​ನಲ್ಲಿ 5 ವಿಕೆಟ್ ಪಡೆದುಕೊಂಡಿದ್ದಾರೆ.

ಸೂರತ್​:ಇಲ್ಲಿ ನಡೆಯುತ್ತಿರುವ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಸೆಮಿಫೈನಲ್ ಪಂದ್ಯದಲ್ಲಿ ಕನ್ನಡಿಗ ಅಭಿಮನ್ಯು ಮಿಥುನ್ ಒಂದೇ ಓವರ್​ನಲ್ಲಿ ಹ್ಯಾಟ್ರಿಕ್ ಸಹಿತ 5 ವಿಕೆಟ್​ ಪಡೆದು ಮಿಂಚಿದ್ದಾರೆ.

ಸೆಮಿಫೈನಲ್ ಪಂದ್ಯದ ಅಂತಿಮ ಓವರ್​ನಲ್ಲಿ ಬೌಲಿಂಗ್​ಗೆ ಇಳಿದ ಕನ್ನಡಿಗ ಅಭಿಮನ್ಯು ಮಿಥುನ್ 6 ಎಸೆತಗಳಲ್ಲಿ ಹ್ಯಾಟ್ರಿಕ್ ಸಹಿತ 5 ವಿಕೆಟ್​ ಪಡೆದು ಮಿಂಚಿದ್ದಾರೆ. ಮೊದಲ ಎಸೆತದಲ್ಲಿ ಹಿಮಾಂಶು ರಾಣಾ, ಎರಡನೇ ಎಸೆತದಲ್ಲಿ ರಾಹುಲ್ ತಿವಾಟಿಯ, ಮೂರನೇ ಎಸೆತದಲ್ಲಿ ಸುಮಿತ್ ಕುಮಾರ್ ಅವರನ್ನ ಔಟ್​ ಮಾಡುವ ಮೂಲಕ ಹ್ಯಾಟ್ರಿಕ್ ವಿಕೆಟ್​ ಪಡೆದುಕೊಂಡ್ರು.

ತಮ್ಮ ವಿಕೆಟ್ ಅಭಿಯಾನ ಮುಂದುವರೆಸಿದ ಅಭಿಮನ್ಯು ಮಿಥುನ್ ನಾಲ್ಕು ಮತ್ತು ಆರನೇ ಎಸೆತದಲ್ಲಿ ಎ ಆರ್‌ ಮಿಶ್ರಾ ಮತ್ತು ಜೆ ಜೆ ಯಾದವ್​ ವಿಕೆಟ್​ ಪಡೆದು ಮಿಂಚಿದ್ರು. ಇತ್ತೀಚೆಗಷ್ಟೇ ಮುಕ್ತಾಯವಾಗಿದ್ದ ವಿಜಯ್​ ಹಜಾರೆ ಟ್ರೋಫಿ ಫೈನಲ್ ಪಂದ್ಯದಲ್ಲೂ ಮಿಥುನ್ ಹ್ಯಾಟ್ರಿಕ್ ವಿಕೆಟ್ ಪಡೆದುಕೊಂಡಿದ್ದರು.