ಟಿ-20 ಕ್ರಿಕೆಟ್​ನಲ್ಲಿ ಸಿಕ್ಸರ್‌ಗಳ ಸೆಂಚುರಿ: ಕಾಂಗರೂ ಪರ ಈ ದಾಖಲೆ ಬರೆದ ಮೊದಲ ಪ್ಲೇಯರ್​

ಆಸ್ಟ್ರೇಲಿಯಾ ಕ್ರಿಕೆಟ್​ ತಂಡದ ಕ್ಯಾಪ್ಟನ್​ ಫಿಂಚ್​ ಚುಟುಕು ಕ್ರಿಕೆಟ್​ನಲ್ಲಿ 100 ಸಿಕ್ಸರ್​ ಸಿಡಿಸಿ ಹೊಸ ದಾಖಲೆ ನಿರ್ಮಿಸಿದ್ದಾರೆ.

ವೆಲ್ಲಿಂಗ್ಟನ್​​:ನ್ಯೂಜಿಲ್ಯಾಂಡ್​ ವಿರುದ್ಧ ನಡೆದ 4ನೇ ಟಿ-20 ಪಂದ್ಯದಲ್ಲಿ ಗಮನಾರ್ಹ ಪ್ರದರ್ಶನ ನೀಡಿರುವ ಆಸ್ಟ್ರೇಲಿಯಾ ಕ್ಯಾಪ್ಟನ್​ ಆ್ಯರೊನ್​ ಫಿಂಚ್​ 55 ಎಸೆತಗಳಲ್ಲಿ 5 ಬೌಂಡರಿ, 4 ಸಿಕ್ಸರ್​ ಸೇರಿದಂತೆ ಅಜೇಯ 79 ರನ್​ಗಳಿಕೆ ಮಾಡಿದ್ದು, ಈ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾರೆ.

ಆ್ಯರೊನ್ ಫಿಂಚ್

ಟಿ-20 ಕ್ರಿಕೆಟ್​ನಲ್ಲಿ 100 ಸಿಕ್ಸರ್​ ಸಿಡಿಸಿರುವ ಆಸ್ಟ್ರೇಲಿಯಾದ ಮೊದಲ ಕ್ರಿಕೆಟ್​ ಪ್ಲೇಯರ್​ ಎಂಬ ಹೆಗ್ಗಳಿಕೆಗೆ ಇದೀಗ ಅವರು ಪಾತ್ರರಾಗಿದ್ದಾರೆ. ಜತೆಗೆ ಟಿ-20 ಕ್ರಿಕೆಟ್​ನಲ್ಲಿ ಕಾಂಗರೂ ಪರ ಅತಿ ಹೆಚ್ಚು ರನ್​ಗಳಿಕೆ ಮಾಡಿರುವ ಪ್ಲೇಯರ್ ಆಗಿ ಹೊರಹೊಮ್ಮಿದ್ದಾರೆ. ಇಂದಿನ ಪಂದ್ಯದಲ್ಲಿ ಒಂದೇ ಓವರ್​ನಲ್ಲಿ ಫಿಂಚ್​ 4 ಸಿಕ್ಸರ್ ಸಿಡಿಸಿರುವುದು ಕೂಡ ವಿಶೇಷವಾಗಿದೆ.

ಐಸಿಸಿ ಟಿ-20 ಕ್ರಿಕೆಟ್​ನಲ್ಲಿ ಈಗಾಗಲೇ ನ್ಯೂಜಿಲ್ಯಾಂಡ್​ ತಂಡದ ಗಫ್ಟಿಲ್​​​ 135 ಸಿಕ್ಸರ್​, ಭಾರತದ ರೋಹಿತ್ ಶರ್ಮಾ 127 ಸಿಕ್ಸರ್​​, ಇಂಗ್ಲೆಂಡ್ ಇಯಾನ್​ ಮಾರ್ಗನ್​ 113 ಸಿಕ್ಸರ್​, ನ್ಯೂಜಿಲ್ಯಾಂಡ್​​ನ ಕಾಲಿನ್​ ಮುನ್ರೋ 107 ಸಿಕ್ಸರ್​ ಹಾಗೂ ವೆಸ್ಟ್​ ಇಂಡೀಸ್​ನ ಕ್ರಿಸ್ ಗೇಲ್​​ 105 ಸಿಕ್ಸರ್​ ಸಿಡಿಸಿದ್ದಾರೆ. ಇದೀಗ ಇವರ ಲಿಸ್ಟ್​ಗೆ ಫಿಂಚ್​​ ಸೇರ್ಪಡೆಗೊಂಡಿದ್ದಾರೆ.

ಆಸ್ಟ್ರೇಲಿಯಾ ಪರ 70 ಟಿ-20 ಪಂದ್ಯಗಳನ್ನಾಡಿರುವ ಫಿಂಚ್​​​ 2,310 ರನ್​ಗಳಿಕೆ ಮಾಡಿದ್ದು, ಇದರಲ್ಲಿ ಎರಡು ಶತಕ ಹಾಗೂ 14 ಅರ್ಧಶತಕ ಸೇರಿಕೊಂಡಿವೆ. ವಾರ್ನರ್​​ 81 ಪಂದ್ಯಗಳಿಂದ 2,265 ರನ್​ಗಳಿಕೆ ಮಾಡಿದ್ದು, 1 ಶತಕ ಹಾಗೂ 18 ಅರ್ಧಶತಕಗಳಿವೆ.