ಫೈನಲ್​​ನಲ್ಲಿ ಯಾರೂ ಸೋತಿಲ್ಲ, ಒಂದು ತಂಡವನ್ನ ವಿಜೇತ ಎಂದು ಘೋಷಿಸಿದ್ರು: ವಿಲಿಯಮ್ಸನ್​

ವಿಶ್ವಕಪ್​ ಫೈನಲ್​​ ಪಂದ್ಯದಲ್ಲಿ ಯಾರು ಸೋಲು ಕಂಡಿಲ್ಲ, ಕೇವಲ ಒಂದು ತಂಡವನ್ನ ವಿಜೇತ ಎಂದು ಘೋಷಣೆ ಮಾಡಲಾಗಿದೆ ಎಂದು ನ್ಯೂಜಿಲ್ಯಾಂಡ್​ ತಂಡದ ಕ್ಯಾಪ್ಟನ್​ ತಿಳಿಸಿದ್ದಾರೆ.

ಲಂಡನ್​​:ಐಸಿಸಿ ಏಕದಿನ ವಿಶ್ವಕಪ್​​ ಫೈನಲ್​ ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡ ವಿಜೇತ ಎಂದು ಘೋಷಣೆ ಮಾಡಿದ್ದು, ಕೆಲ ಕ್ರೀಡಾಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದು, ಅಂಪೈರ್​ಗಳ ಕೆಟ್ಟ ತೀರ್ಪಿನ ವಿರುದ್ಧ ಈಗಲೂ ಹರಿಹಾಯುತ್ತಿದ್ದಾರೆ.

ಇದರ ಮಧ್ಯೆ ನ್ಯೂಜಿಲ್ಯಾಂಡ್​ ತಂಡದ ಕ್ಯಾಪ್ಟನ್​ ಕೇನ್​​ ವಿಲಿಯಮ್ಸನ್​ ಮಾತನಾಡಿದ್ದು, ಫೈನಲ್​​ನಲ್ಲಿ ಯಾರು ಸೋಲು ಕಂಡಿಲ್ಲ. ಕೇವಲ ಒಂದು ತಂಡವನ್ನ ವಿಜೇತ ಎಂದು ಘೋಷಣೆ ಮಾಡಿದರು ಎಂದು ಹೇಳಿಕೆ ನೀಡಿದ್ದಾರೆ. ವಿಶ್ವಕಪ್​​ನಲ್ಲಿ ನಮ್ಮ ತಂಡ ನಿಜಕ್ಕೂ ಅದ್ಭುತ ಪ್ರದರ್ಶನ ನೀಡಿದೆ ಅದಕ್ಕೆ ನಮಗ ಹೆಮ್ಮೆ ಇದೆ ಎಂದು ಕೇನ್​ ಇದೇ ವೇಳೆ, ಹೇಳಿದ್ದಾರೆ.

ನ್ಯೂಜಿಲ್ಯಾಂಡ್​ ತಂಡ

ಫೈನಲ್​ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್​ 241ರನ್​ಗಳಿಕೆ ಮಾಡಿತ್ತು. ಇದಕ್ಕೆ ಪ್ರತ್ಯುತ್ತರವಾಗಿ ಬ್ಯಾಟ್​ ಮಾಡಿದ್ದ ಇಂಗ್ಲೆಂಡ್​ ಕೂಡ 241ರನ್​ಗಳಿಕೆ ಮಾಡಿತ್ತು. ಹೀಗಾಗಿ ಸೂಪರ್​ ಓವರ್​ ಮೊರೆ ಹೋಗಿದ್ದ ವೇಳೆ ಕೂಡ ಉಭಯ ತಂಡಗಳು 15ರನ್​ಗಳಿಕೆ ಮಾಡಿದ್ವು. ಹೀಗಾಗಿ ಅತಿ ಹೆಚ್ಚು ಬೌಂಡರಿ ಬಾರಿಸಿದ್ದ ಇಂಗ್ಲೆಂಡ್​ ತಂಡವನ್ನ ವಿಜೇತ ಎಂದು ಘೋಷಣೆ ಮಾಡಲಾಗಿತ್ತು. ಇದು ಅನೇಕ ವಿವಾದಗಳಿಗೆ ಕಾರಣವಾಗಿದೆ.

ಇಂಗ್ಲೆಂಡ್​ ತಂಡ ಸಂಭ್ರಮ